រាជធានីភ្នំពេញ ៖ ក្រុមហ៊ុន អេនដ្រូមេដា ឌីស្ទ្រីប្យ៊ូសិន ខបភើរេសិន (Andromeda Distribution Corporation) បានរៀបចំសិក្ខាសាលាមួយកាលពីថ្ងៃទី៣១ ខែសីហា ឆ្នាំ២០១៦ នៅសណ្ឋាគារ ដារ៉ាអ៊ែរផត ស្តីពីការទទួលសិទ្ធិចែកចាយផ្តាច់មុខពីក្រុមហ៊ុន Zebra Technologies ហើយក៏បានដាក់បង្ហាញនូវផលិតផល Zebra ថ្មីៗនៅក្នុងព្រឹត្តិការណ៍នោះដែរ ។
លោក Harry Chan អគ្គនាយកនៃក្រុមហ៊ុន Andromeda បានសម្តែងនូវសេចក្តីសោមនស្សរីករាយយ៉ាងខ្លាំងដែលក្រុមហ៊ុនរបស់លោកទទួលបានសិទ្ធិចែកចាយផលិតផល Zebra ក៏ដូចជាទទួលបានការគាំទ្រ និងចូលរួមពីសំណាក់ដៃគូចែកចាយ ក៏ដូចជាអតិថិជនតាមបណ្តាក្រុមហ៊ុននានា។ ឆ្លៀតក្នុងឱកាសនេះដែរ លោកក៏បានធ្វើបទបង្ហាញអំពីក្រុមហ៊ុន Andromeda និងផលិតផលពត៌មានវិទ្យា (IT) ដូចជា Zebra, Barracuda, WatchGaurd, Sangfor, Alcatel-Lucent, ZyXEL, QNAP, Edge-Core, Ekorack, Panduit ហើយនិង Softing ដែលសុទ្ធសឹងតែជាផលិតផលកំពុងទទួលបានការគាំទ្រស្ទើរតែគ្រប់មជ្ឈដ្ឋានអ្នកប្រើប្រាស់ទាំងអស់។
លោកបានបន្តទៀតថា ក្រុមហ៊ុន Andromeda គឺជាក្រុមហ៊ុនដែលមានគោលការណ៍ និងយុតិ្តសាស្ត្រយ៉ាងរឹងមាំ និងច្បាស់លាស់ដោយផ្តោតទៅលើសុក្រឹត្យភាព ក៏ដូចជាផ្តល់នូវទំនុកចិត្តជូនដល់គ្រប់ដៃគូចែកចាយទាំងអស់ ដែលជាកត្តាធ្វើអោយក្រុមហ៊ុនលោកទទួលបាននូវភាពជោគជ័យ។ យ៉ាងណាមិញយោងទៅលើសក្តានុភាពនៃភាពជោគជ័យទាំងអស់នេះហើយ ទើបក្រុមហ៊ុន Zebra មានទំនុកចិត្តក្នុងការប្រគល់សិទ្ធិចែកចាយផ្តាច់មុខមកអោយក្រុមហ៊ុន Andromeda ធ្វើជាតំណាងចែកចាយនៅក្នុងទីផ្សារកម្ពុជា។ ជាចុងក្រោយលោកក៏បានថ្លែងអំណរគុណយ៉ាងជ្រាលជ្រៅជូនចំពោះអតិថិជនទាំងអស់ដែលតែងតែគាំទ្រផលិតផលរបស់ក្រុមហ៊ុនAndromeda កន្លងមក។
ឆ្លៀតក្នុងខណៈនេះកញ្ញា NOK តំណាងអោយក្រុមហ៊ុន Zebra Technologies បានធ្វើបទបង្ហាញអំពីផលិតផល ក៏ដូចជាដំណោះស្រាយដ៏ល្អៗរបស់ក្រុមហ៊ុន Zebra ជូនចំពោះដល់អតិថិជននានាដែលបានចូលរួមក្នុងកម្មវិធីនាព្រឹកនេះ។ លើសពីនេះទៅទៀតក្រុមហ៊ុន Zebra និង ក្រុមហ៊ុន Andromeda ក៏បានដាក់បង្ហាញនូវផលិតផលយ៉ាងច្រើនជូនដល់អតិថិជន ដើម្បីទស្សនាក៏ដូចជាធ្វើការសាកល្បងប្រើប្រាស់នៅក្នុងកម្មវិធីនេះផងដែរ។
នៅចុងបញ្ចប់នៃកម្មវិធីក្រុមហ៊ុន Andromeda ក៏បានផ្តល់រង្វាន់វត្ថុអនុស្សាវរីយ៍ផ្សេងៗយ៉ាងច្រើនតាមរយៈការចាប់ឆ្នោតផ្សងសំណាងជូនដល់អតិថិជនដែលបានចូលរួមផងដែរ ៕
ចែករំលែកព័តមាននេះ