ខេត្តបាត់ដំបង ៖ បុរសម្នាក់ដែលគេអះអាងថា មានសតិមិនប្រក្រតី បានត្រូវសមត្ថកិច្ចឃាត់ខ្លួនភ្លាមៗ បន្ទាប់ពីវាយសម្លា.ប់ឪពុកខ្លួនឯង កាលពីវេលាម៉ោង០៤ និង១០នាទីរសៀលថ្ងៃទី៣០ សីហា ស្ថិតនៅភូមិអន្លង់តាម៉ី ឃុំបាយដំរាំ ស្រុកបាណន់ ។
ខេត្តបាត់ដំបង ៖ បុរសម្នាក់ដែលគេអះអាងថា មានសតិមិនប្រក្រតី បានត្រូវសមត្ថកិច្ចឃាត់ខ្លួនភ្លាមៗ បន្ទាប់ពីវាយសម្លាប់ឪពុកខ្លួនឯង កាលពីវេលាម៉ោង០៤ និង១០នាទីរសៀលថ្ងៃទី៣០ សីហា ស្ថិតនៅភូមិអន្លង់តាម៉ី ឃុំបាយដំរាំ ស្រុកបាណន់ ។
ស្នងការរងនគរបាលខេត្ត លោកជេត វណ្ណនី បានឲ្យដឹងថា ជនដៃដល់សម្លាប់ឪពុករបស់ខ្លួននេះ ឈ្មោះសឺត ស៊ីន អាយុ៣៤ឆ្នាំ រីឯឪពុកឈ្មោះដែង សឺត អាយុ៧៤ឆ្នាំ ។ គ្រួសារនេះរ ស់នៅជាមួយគ្នាតែ២នាក់ឪពុកនិងកូនប្រុសតិរច្ឆានម្នាក់នេះប៉ុណ្ណោះ ។
កូនចង្រៃនេះ ជាមនុស្សមានសតិមិនប្រក្រតី និងស្រវឹងខួប ហើយនៅរសៀលថ្ងៃនោះ បានប្រើញញួរវាយសម្លាប់ឪពុកព្រោះតែខឹងសុំលុយទិញស្រាផឹកមិនបាន។ លោកស្នងការរងបញ្ជាក់ថា បុរសឡប់សតិនេះបានវាយឪពុកមួយញញួរចំសៀតផ្កាខាងស្ដាំ បណ្ដាលឱ្យដួលប្រកាច់ស្លាប់ក្នុងថ្លុកឈាម ហើយកម្លាំងសមត្ថកិច្ចក៏បានអន្តរាគមន៍ចាប់ខ្លួនកួនប្រុសរូបនេះភ្លាមៗនៅកន្លែងកើតហេតុតែម្ដង ។
អ្នកភូមិប្រាប់ថា ជនដៃដល់ឈ្មោះសឺត ស៊ីន នេះជាមនុស្សមានសតិមិនប្រក្រតី តែក៏ជាមនុស្សស្រវឹងខួបដែរ រស់នៅក្នុងផ្ទះដ៏ទ្រុឌទ្រមតូចមួយជាមួយឪពុកអាយុ៧៤ឆ្នាំ ដែលគ្មានមុខរបរពិតប្រាកដ ។ ជារៀងរាល់ថ្ងៃ កូនប្រុសតិរច្ឆាននេះតែងសម្លុតឪពុករកលុយទិញស្រាផឹក តែនៅថ្ងៃកើតហេតុឪពុកគ្មានលុយឲ្យក៏កើតការខឹងសម្បា ស្ទុះទៅទាញញួរវាយក្បាលឪពុកចំសៀតផ្កាដួលស្លាប់តែម្ដង។
ប៉ុន្តែសាក្សីខ្លះទៀតនិយាយថា កូនប្រុសរូបនេះបាត់បង់សតិដោយសារ«ស្រា» ព្រោះតាំងពីដើមរហូតមកជននេះមិនដែលចេះធ្វើការងាររកស៊ីទេ រស់ពឹងលើកម្លាំងឪពុកទាំងស្រុង លុះស្រវឹងម្ដងៗមិនខុសពីមនុស្ស«ឆ្កួត»ឡើយ រហូតហ៊ានលើកដៃវាយសម្លាប់ឪពុកខ្លួនឯងទៀត ។
សមត្ថកិច្ចនិយាយថា ជនដៃដល់មិនបានរត់គេចខ្លួនទេ ក្រោយពីវាយសម្លាប់ឪពុកហើយ ក៏ត្រូវសមត្ថកិច្ចឃាត់ខ្លួនភ្លាមៗតែម្ដង ។ មន្ត្រីជំនាញបានសួរនាំជនដៃដល់ តែហាក់គ្មានចម្លើយច្បាស់លាស់ទេ និងបានកសាងសំណុំរឿងបញ្ជូនទៅសាលាដំបូង ៕
ចែករំលែកព័តមាននេះ