យូរមកហើយដែលនាយ ព្រែក កូនប្រុសបណ្តូលចិត្តមីងយ៉យ បានភ្ជាប់ទំនាក់ទំនងគ្នាជាមួយកូនស្រីលោកឈិន កុសល គឺកញ្ញា ឈិន មុនីនាថ ដែលជាតារាសម្តែង។ គ្រប់ជំហានទៅណាមកណា ជាពិសេស
រាជធានីភ្នំពេញ ៖ យូរមកហើយដែលនាយ ព្រែក កូនប្រុសបណ្តូលចិត្តមីងយ៉យ បានភ្ជាប់ទំនាក់ទំនងគ្នាជាមួយកូនស្រីលោកឈិន កុសល គឺកញ្ញា ឈិន មុនីនាថ ដែលជាតារាសម្តែង។ គ្រប់ជំហានទៅណាមកណា ជាពិសេសកម្មវិធីអ្នកសិល្បៈ តារាប្រុសស្រីរូបនេះ បានបណ្តើរ គ្នាយ៉ាងត្រសង មិនខ្លាចការតាមដានពីមនុស្សជុំវិញខ្លួនឡើយ។
អ្នកទាំង២នេះ នៅពេលដែលមិត្តសិល្បៈខ្លះសួរថា កាលគិតគូរ គឺបានត្រឹមតែសើចញឹមៗដាក់គ្នាទៅមកមិនហ៊ាននិយាយឡើយ។ ហើយនៅក្នុងមជ្ឈដ្ឋានសិល្បៈ សុទ្ធតែដឹងថា ក្រោយនាយព្រែក ផ្តាច់ពាក្យជាមួយគូដណ្តឹងមុនមកឃើញថា តារាលេចធ្លោរូបនេះ ហាក់ភ្ជាប់ភាពស្និទ្ធស្នាលគ្នាខ្លាំងណាស់ជាមួយ ឈិន មុនីនាថ ហើយក៏ក្លាយជាដៃគូល្អៗច្រើន រាប់ទាំងការសម្តែង។ សូម្បីតែការឡើងកម្មវិធីផ្សេងៗ មិនថាច្រៀង សម្តែង សម្ភាសន៍ផ្សេងៗ ឃើញថាត្រសងគ្នាទៅ ហើយមិនសូវជាអាក់ខានឡើយ។
អ្នកគាំទ្រជាច្រើនរង់ចាំតាមដានមើលថា ការវិវត្តន៍នៃស្នេហាមួយនេះ មានសភាពទៅជាបែបណា ជាការសម្តែង ឬក៏អាចថា ជាការមើលចិត្តគ្នាសិន និងចង់រកលុយពីសិល្បៈមួយរយៈទុករៀបចំផែនការអោយកាន់តែល្អពេលនោះ។
ជាការកត់សម្គាល់ ឈិន មុនីនាថ កំពុងល្បីណាស់សព្វថ្ងៃផ្នែកការសម្តែង ដោយមានភាពប៉ិនប្រសព្វណាស់ ការចូលតួនីមួយៗ។ ថ្មីៗនេះ នាងបានក្លាយជាតួអង្គសំខាន់មួយក្នុងបទចម្រៀង «ទុក្ខស្រីប្តីព្រាត់» ដែលជាខ្សែចម្រៀងរបស់ថ្នាក់ដឹកនាំប្រទេស។ នាងបានលោកហ្វៃ សំអាង សម្លឹងឃើញ ហើយផ្តល់ឱកាសថត។ ចំណែកនាយព្រែកវិញ ក៏មានស្នាដៃទេពកោសល្យមិនអន់ដែរ ក្នុងការសម្តែង។ បើអ្នកទាំង២នាក់នេះ មានឱកាសក្លាយជាដៃគូស្នេហាមែននោះពិតជាប្រសើរហើយទ្រព្យមូល ព្រោះសុទ្ធតែជាតារាលេចធ្លោ មានឱកាសច្រើនលើទីផ្សារការងាររកចំណូល។
ចែករំលែកព័តមាននេះ