ខេត្តឧត្តរមានជ័យ ៖ ខេត្តឧត្តរមានជ័យ កំពុងត្រូវជំនន់ទឹកភ្លៀងបានលិចផ្លូវ ស្ពាន លំនៅឋានប្រជាពលរដ្ឋ ស្ថិតត្រង់នៅចំណុចអូរអំបិល ក្នុងភូមិអូរតាម៉េង ឃុំអន្លង់វែង ស្រុកអន្លង់វែង បង្កឱ្យស្ទះចរាចរណ៍ការធ្វើដំណើរនៅតាមផ្លូវជាតិលេខ៦៧B អស់រយៈពេលជាង៣ម៉ោង (ចាប់ពីម៉ោង២យប់ថ្ងៃទី២៨ សីហា ២០១៦) ។
ខេត្តឧត្តរមានជ័យ ៖ ខេត្តឧត្តរមានជ័យ កំពុងត្រូវជំនន់ទឹកភ្លៀងបានលិចផ្លូវ ស្ពាន លំនៅឋានប្រជាពលរដ្ឋ ស្ថិតត្រង់នៅចំណុចអូរអំបិល ក្នុងភូមិអូរតាម៉េង ឃុំអន្លង់វែង ស្រុកអន្លង់វែង បង្កឱ្យស្ទះចរាចរណ៍ការធ្វើដំណើរនៅតាមផ្លូវជាតិលេខ៦៧B អស់រយៈពេលជាង៣ម៉ោង (ចាប់ពីម៉ោង២យប់ថ្ងៃទី២៨ សីហា ២០១៦) ។
សេចក្តីរាយការណ៍ពីពលរដ្ឋថា ដោយមានស្ថានភាពភ្លៀងធ្លាក់ខ្លាំង រយៈពេល៣ម៉ោង ចាប់ពីម៉ោង១យប់ រហូតដល់ម៉ោង៣ទៀបភ្លឺថ្ងៃទី២៨ សីហា ដែលបង្កឱ្យទៅជាទឹកជំនន់លិចផ្ទះសម្បែងប្រជាពលរដ្ឋទាំងស្រុងចំនួន៤ខ្នង និងលំនៅឋានរបស់ប្រជាពលរដ្ឋមួយចំនួនទៀត ដែលយើងនៅមិនទាន់បានរបាយជាក់លាក់ពីអាជ្ញាធរនៅឡើយនោះទេ។
ក្រៅពីនោះ ក៏នៅមានដីស្រែចំការ ផលដំណាំ របស់ប្រជាពលរដ្ឋ ក៏ទទួលរងការលិចលង់ ដូចជាដំណាំចេក ដំឡូង និងដំណាំផ្សេងៗទៀត នៅចំណុចអូរអំបិលនេះ ហើយក៏មិនប៉ះពាល់ដល់អាយុជីវិត ប្រជាពលរដ្ឋ ឬសត្វពាហនៈ គោក្របី នោះដែរ។
ទោះបីយ៉ាងណាក៏ដោយ គ្រោះទឹកជំនន់នៃទឹកភ្លៀងនេះ ដែលបានលិចផ្លូវ និងស្ពាន បានធ្វើឱ្យស្ទះចរាចរអស់រយៈពេលជាង៣ម៉ោង ទើបទឹកស្រក់អស់ទៅវិញ ហើយបានបញ្ចៀសការស្ទះចរាចរដល់ការធ្វើដំណើរតាមផងផ្លូវ បានជាធម្មតាឡើងវិញ។ តែអ្វីដែលគួរឱ្យព្រួយបារម្ភនោះ គឺផលដំណាំស្រែចំការរបស់ប្រជាពលរដ្ឋ នៅបន្តការលិចលង់ដដែល ហើយគេនៅមិនទាន់ទទួលបានរបាយការណ៍ ណាមួយ ដែលបញ្ជាក់ពីផលប៉ះពាល់ នៃភ្លៀងទឹកជំនន់ដែលបានកើតឡើងនៅយប់មិញនេះដែរ។
យោងតាមក្តីព្រួយបារម្ភរបស់ប្រជាពលរដ្ឋបានលើកឡើងថា បើសិនជាអាកាសធាតុមេឃ នៅតែធ្លាក់ភ្លៀងខ្លាំងបន្តទៀត ការលិច លង់ផ្ទះសម្បែង អាចនឹងកើតមានតទៅទៀត ។ ហើយផលដំណាំរបស់ប្រជាពលរដ្ឋ ក៏រងការខូចខាតយ៉ាងធ្ងន់ធ្ងរនោះដែរ ៕
ចែករំលែកព័តមាននេះ