រាជធានីភ្នំពេញ៖ នាយកមន្ទីរសាធារណការនិងដឹកជញ្ជូនរាជធានីភ្នំពេញ លោក សាំ ពិសិដ្ឋ បានឲ្យដឹងថា បន្ទាប់ពីបព្ចាប់ការពង្រីកផ្លូវសងខាងនិងដោះស្រាយផលប៉ះពាល់នោះរួចមក នៅវេលាម៉ោង៩យប់ថ្ងៃទី២៧ សីហា ២០១៦នេះ ការដ្ឋានសាងសង់ស្ពានអាកាសស្តុបផ្សារដីហុយ ប្រសព្វរវាងមហាវិថីសហព័ន្ឋរុស្ស៊ី និងផ្លូវលេខ១០១៩ នឹងដំណើរការហ៊ុំព័ទ្ឋការដ្ឋានលើដងមហាវិថីសហព័ន្ឋរុស្ស៊ី ដើម្បីដំណើរការបុកគ្រឹះនិងស្ថាបនាគ្រឹះស្ពាន។
លោកបន្តថា តាមគម្រោងសាងសង់ស្ពានអាកាសដែលមានបណ្តោយប្រវែង ៩០៥ម និងទទឹង១៦.៥ម នឹងបព្ចាប់ការសាងសង់នៅខែធ្នូ ឆ្នាំ២០១៧ខាងមុខ ។
លោក សាំ ពិសិដ្ឋ បានសំណូមពរដល់ប្រជាពលរដ្ឋ និងសាធារណជនមេត្តាយោគយល់អធ្យាស្រ័យ និងមេត្តាធ្វើចរាចរណ៍ សងខាងរបងការដ្ឋានដែលបានពង្រីករួចហើយយ៕
ចែករំលែកព័តមាននេះ