សម្រែក«ជួយផងៗ» ផ្អើលឈុលទាំងយប់
រាជធានីភ្នំពេញ ៖ នារីជាកម្មការិនីរោងចក្រកាត់ដេរម្នាក់ស្រែក« ជួយផងៗៗៗ»បន្ទាប់ពីបុរសម្នាក់នៅសុខៗស្រាប់តែមកចាប់ឱបនាងជាប់ ។ ហេតុការណ៍នេះបង្កឲ្យមានការភ្ញាក់ផ្អើល
រាជធានីភ្នំពេញ ៖ នារីជាកម្មការិនីរោងចក្រកាត់ដេរម្នាក់ស្រែក« ជួយផងៗៗៗ»បន្ទាប់ពីបុរសម្នាក់នៅសុខៗស្រាប់តែមកចាប់ឱបនាងជាប់ ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨ និង៥៥នាទីយប់ ថ្ងៃទី២៣ ខែសីហា ឆ្នាំ២០១៦ នៅភូមិទ្រា សង្កាត់ចោមចៅ ខណ្ឌពោធិ៍សែនជ័យ ។
ប្រភពពីនារីរងគ្រោះបានឲ្យដឹងថា នៅសុខៗស្រាប់តែបុរសជនជាតិវៀតណាមម្នាក់មិនដឹងមកពីណាស្រាប់តែមកចាប់ឱបនាងជាប់ ហើយសុំនាងធ្វើប្រពន្ធឆៅៗតែម្តង ធ្វើឲ្យនាងភ័យស្លន់ស្លោស្មានតែមានបំណងចង់ចាប់រំលោភនាង ក៏ស្រែកឲ្យគេជួយបង្កឲ្យមានការភ្ញាក់ផ្អើលដល់អ្នកជិតខាង និងសមត្ថកិច្ចនាំគ្នាដេញចាប់ជនជាតិវៀតណាមនោះ តែជនសង្ស័យនៅតែរត់គេចខ្លួនបាត់ ។
នារីរងគ្រោះឲ្យដឹងទៀតថា នាងជានារីមានប្តីហើយ ហើយកំពុងរស់នៅជាមួយរាល់រាល់ថ្ងៃទៀតផង មិនគួរជននោះមកធ្វើបែបនេះសោះ តែនាងមិនប្តឹងទេ ព្រោះខ្លាចឪពុកម្តាយខ្មាស់គេ ខ្លាចខ្មាស់ញាតិមិត្តជិតខាង ។
ប្រភពពីនារីម្នាក់ដែលអះអាងថាជាម្ចាស់ផ្ទះជួលបានឲ្យដឹងថា ជនជាតិវៀតណាមខាងលើបានជួលបន្ទប់គាត់ស្នាក់នៅ២នាក់ តែបន្ទាប់ពីដឹងថាគ្មានឯកសារត្រឹមត្រូវគាត់បានដេញឈប់ឲ្យជួលនៅ៣លើកហើយ តែមិនព្រមចេញសោះ ។
ក្រោយពេលកើតហេតុសមត្ថកិច្ចបញ្ជាក់ថា ដោយសារនារីរងគ្រោះមិនបានដាក់ពាក្យបណ្ដឹង សមត្ថកិច្ចក៏មិនបានធ្វើការស្រាវជ្រាវដើម្បីតាមឃាត់ខ្លួនបុរសជនជាតិវៀតណាមដែលជាជនអន្តោប្រវេសន៍ខុសច្បាប់នោះដែរ ៕
ចែករំលែកព័តមាននេះ