អាជ្ញាធរខេត្តក្រចេះសម្អាតបរិស្ថានតាមទីសាធារណៈ ដើម្បីអបអរសាទរទិវាជាតិទីក្រុងស្អាតលើកទី10
- ក្រចេះ
ខេត្តក្រចេះ ៖ នៅព្រឹកថ្ងៃទី១០ មីនា ឆ្នាំ 2022 អាជ្ញាធរខេត្តក្រចេះ បានដឹកនាំមន្ទីរអង្គភាពពាក់ព័ន្ធ ជុំវិញខេត្ត យុវជន…
ខេត្តក្រចេះ ៖ នៅព្រឹកថ្ងៃទី១០ មីនា ឆ្នាំ 2022 អាជ្ញាធរខេត្តក្រចេះ បានដឹកនាំមន្ទីរអង្គភាពពាក់ព័ន្ធ ជុំវិញខេត្ត យុវជន និងគរុសិស្សចុះសម្អាតបរិស្ថានតាមដងផ្លូវទីសាធារណៈក្នុងក្រុងក្រចេះក្រោមប្រធានបទ«ទីក្រុងស្អាត គាំទ្រការបើកទេសចរណ៍កម្ពុជា» ។
នៅក្នុងយុទ្ធសម្អាតបរិស្ថាន លោកស្រី ខាំ សុភាព អភិបាលរងខេត្តបានបញ្ជាក់ថា កិច្ចគាំពារបរិស្ថាននិងការលើកកម្ពស់ការអភិវឌ្ឍបៃតង គឺជាការចូលរួមចំណែកដល់ការអភិវឌ្ឍវិស័យទេសចរណ៍ និងការរីកចម្រើននៃសង្គមជាតិយើង សម្របនិងគោលនយោរបស់ប្រមុខរាជរដ្ឋាភិបាល ក្រោមប្រធានបទ «ទីក្រុងស្អាត គាំទ្រការបើកទេសចរណ៍កម្ពុជា អមជាមួយការប្រកាសយុទ្ធនាការ កម្ពុជាស្អាត» ឆ្ពោះទៅស្វាគមន៍ព្រឹត្តិការណ៍កីឡាស៊ីហ្គេម-អាស៊ាន ប៉ារ៉ាហ្គេមឆ្នាំ២០២៣ ។
លោកស្រីបានលើលឡើងថា ប្រធានបទនេះបានបញ្ចាំងយ៉ាងច្បាស់ថា ទីក្រុងប្រកបដោយភាពវ័យឆ្លាតមានភាពស្អាត និងបៃតងប្រកបដោយអនាម័យដែលមានសណ្តាប់ធ្នាប់របៀបរៀបរយ មានការធានាបាននូវសុខសុវត្ថិភាពពេញលេញ មានការផ្ដល់សេវាសាធារណៈប្រកបដោយបដិសណ្ឋាកិច្ចល្អ មានហេដ្ឋារចនាសម្ព័ន្ធតភ្ជាប់ និងសម្បទានទ្រង់គ្រប់គ្រាន់ និងមានការផ្ដល់សេវាកម្មទេសចរណ៍ប្រកបដោយគុណភាព និងជាមជ្ឈដ្ឋានដែលប្រជាជនគ្រប់រូបប្រាថ្នាចង់រស់នៅ ហើយទាំងនេះក៏ជាកត្តាកំណត់ការសម្រេចចិត្តដល់ចម្បងបំផុតមួយសម្រាប់ភ្ញៀវទេសចរ ណ៏ក្នុងការជ្រើសរើសគោលដៅទស្សនា របស់គេនាពេលអនាគត ដោយសារខេត្តក្រចេះវិស័យទេសចរណ៏ជាវិស័យសំខានទី១ ដែកទ្រទ្រង់មុខមាត់របស់ខេត្តទាំងមូល ថែមទាំងជាសសៃឈាមសេដ្ឋកិច្ចរបស់ប្រជាពលរដ្ឋផងដែរ ។
គួរបញ្ជាក់ផងដែរថា ឆ្លើយតបនិងយុទ្ធនាការ ៉ទីក្រុងស្អាត គាំទ្រការបើកវិស័យទេសចរណ៏កម្ពុជា៉ ខេត្តក្រចេះ ក៏មាននូវរម្មណីយដ្ឋានសហគន៏ទេសចរណ៏ជាច្រើនសម្រាប់ទទួលភ្ញៀវទេសចណ៏ ជាពិសេសគីរម្មណីយដ្ឋាន អន្លង់ ផ្សោតកាំពី ។
ចែករំលែកព័តមាននេះ