រាជធានីភ្នំពេញ ៖ អ្នកនាងឈួន ស្រីម៉ៅដែលរៀបការចេញទៅរស់នៅជាមួយស្វាមីជាអាណិកជននៅអាមេរិកបានមកលេងមាតុភូមិ កាលពីពេល ថ្មីៗកន្លងមក ។ ស្រីម៉ៅមិនទាន់មានកូនដូចតារាស្រីមួយចំនួនទេ ។
រាជធានីភ្នំពេញ ៖ អ្នកនាងឈួន ស្រីម៉ៅដែលរៀបការចេញទៅរស់នៅជាមួយស្វាមីជាអាណិកជននៅអាមេរិកបានមកលេងមាតុភូមិ កាលពីពេល ថ្មីៗកន្លងមក ។ ស្រីម៉ៅមិនទាន់មានកូនដូចតារាស្រីមួយចំនួនទេ ។
តារាចម្រៀងនៅតែរក្សាបានរាងស្តើងស្រឡូនឈួន ស្រីម៉ៅ មកជាមួយស្វាមី និងឪពុកម្តាយក្មេកដោយគ្រោងទៅកម្សាន្តនៅតំបន់មួយចំនួននៃប្រទេសកម្ពុជា ព្រមទាំងប្រទេសជិតខាងផងដែរ។ ក្រៅពីនេះឈួន ស្រីម៉ៅ ឆ្លៀតសេសសល់ពេលវេលាពីដំណើរកម្សាន្តចូលរួមសម្តែងនៅលើវេទិកាចម្រៀងតាមស្ថានីយទូរទស្សន៍មួយចំនួនដើម្បីឱ្យទស្សនិកជន បានឃើញក្រោយខកខានជាយូរ ។
ក្នុងឈុតសម្លៀកបំពាក់ យេៗទាន់សម័យរំលេចសម្រស់ស្រស់ស្អាតក្នុងពិធីខួបកំណើតកញ្ញាពៅ លីដា កាលពីពេល ថ្មីៗកន្លងទៅ ឈួន ស្រីម៉ៅ ឱ្យដឹងថា នាងមកកម្សាន្តនៅកម្ពុជា៦សប្តាហ៍ ហើយគ្រោងត្រឡប់ទៅអាមេរិកវិញនៅចុងខែសីហា ។ ស្រីម៉ៅមកទាំងក្រុមគ្រួសារដើម្បីកម្សាន្តនៅតាមតំបន់ទេសចរណ៍នានានៃប្រទេសយើង ។
អ្នកនាងឈួន ស្រីម៉ៅ ឱ្យដឹងថា រស់នៅលើទឹកដីថ្មីអាមេរិក នាងនៅតែមិនបោះបង់អាជីពចម្រៀងទេ ។ «សម្រាប់ការមកស្រុកកំណើតវិញនាងខ្ញុំគ្រោងមកលេងឲ្យបានញឹកតែម្តងក្រោយពេលសួរនាំចិត្តស្វាមី ព្រោះទីកំណើតនេះនាងខ្ញុំអត់បំភ្លេចឡើយ ទីនេះហើយដែលជាអនុស្សាវរីយ៍មួយមិនអាចបំភ្លេចបាន ហើយក៏ជាកន្លែងសាងកេរ្តិ៍ឈ្មោះក្នុងពិភពសិល្បៈ បើគ្មានបងប្អូននៅទីនេះទេ នាងខ្ញុំក៏មិនមានឱកាសជួបស្វាមីនៅស្រុកគេ ក៏ដូចជាមានសំណាងបានសម្តែងដល់បណ្តាប្រទេសនានាដែរ ។
ទាក់ទិនរឿងគ្មានកូនដូចតារាមួយចំនួននេះក៏ព្រោះតែនាងខ្ញុំនិងស្វាមីមិនទាន់សម្រេចចិត្តយកកូនពេលនេះនៅឡើយទេ ដោយសារតែរវល់ជាមួយការងាររកស៊ីប្រចាំថ្ងៃដែលចេះតែខកខានបណ្តោយឲ្យយូររហូតចំណាយពេលខកខានពពោះអស់ជាច្រើនខែមិនមានការបារម្ភរឿងអត់កូនឡើយ ។ ឆ្នាំនេះនាងខ្ញុំមានអាយុ២៨ឆ្នាំ ផែនការយកកូនប្រើអាចនឹងចាប់ផ្តើមគិតនៅ២ឆ្នាំទៀត គ្រាដែលស្បើយពីកិច្ចការមួយអន្លើ និងស្របពេលដែលអាយុប៉ុណ្ណឹងល្មមសមទទួលយកកូនបានដែរ ។ ចំណុចទាំងអស់នេះហើយជាការយល់ឃើញរវាងប្តីប្រពន្ធយើងទាំងពីរ ប្រការសំខាន់ប្រឹងរកលុយកាក់ទុកសិនដើម្បីងាយស្រួលរៀបចំអនាគតក្មេង» ។
អ្នកនាងឈួន ស្រីម៉ៅ ជាតារាចម្រៀងមួយដួងនិយមច្រៀងបទជំនាន់អ្នកស្រីរស់ សេរីសុុទ្ធា។ ស្រីម៉ៅអតីតជាតារាចម្រៀងប្រចាំផលិតកម្មរៃមាស តោមាស ដោយកាលនោះមានសមាជិកក្រុមចម្រៀងសុទ្ធតែជាតារាល្បីទាំងប្រុសទាំងស្រី ។ លើសពីនោះស្រីម៉ៅ តែងតែច្រៀងជូនផលិតកម្មក្រៅប្រទេសជាច្រើនទៀត និងច្រៀងតាមស្ថានីយទូរទស្សន៍ ៕
ចែករំលែកព័តមាននេះ