ខេត្តបន្ទាយមានជ័យ៖ បន្ទាប់គេហទំព័រកោះសន្តិភាពចុះផ្សាយអំពីមន្ត្រីកងរាជអាវុធហត្ថ(PM) ប្រចាំគោលដៅច្រកទ្វារអន្តរជាតិប៉ោយប៉ែតបានជំរិតទារលុយពីក្រុមអាជីវករលក់ខោអាវជជុះនោះរួចមក ពេលនេះសេចក្តីរាយការណ៍
ខេត្តបន្ទាយមានជ័យ៖ បន្ទាប់គេហទំព័រកោះសន្តិភាពចុះផ្សាយអំពីមន្ត្រីកងរាជអាវុធហត្ថ(PM) ប្រចាំគោលដៅច្រកទ្វារអន្តរជាតិប៉ោយប៉ែតបានជំរិតទារលុយពីក្រុមអាជីវករលក់ខោអាវជជុះនោះរួចមក ពេលនេះសេចក្តីរាយការណ៍បានឲ្យដឹងថា PM ដែលឈរជើងជាមួយប៉ូលិសអន្តោប្រវេសន៍និងស្ថាប័នជំនាញពាក់ព័ន្ឋនៅច្រកទ្វារអន្តរជាតិប៉ោយប៉ែត បានបឈ្ឍប់ទារលុយដោយចំហដោយបង្វែរណាត់អាជីវករ ឬតំណាងឲ្យយកលុយទៅឲ្យខ្លួននៅតាមហាងកាហ្វេនានាក្នុងក្រុងប៉ោយប៉ែត ធ្វើឲ្យអាជីវករមិនសប្បាយចិត្តនិងស្នើឲ្យមន្ត្រីថ្នាក់លើមានវិធានការជាបន្ទាន់ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា ក្រុមអាជីវករចេញចូលតាមច្រកទ្វារអន្តរជាតិប៉ោយប៉ែត ជាពិសេសអាជីវករនាំខោអាវជជុះទៅលក់នៅផ្សាររុងក្លឿ បានរអ៊ូរទាំលក់ដូរមិនចំណេញដោយសារតែបង់លុយឲ្យមន្ត្រីច្រកទ្វារ ពិសេស PMតែម្តង ដោយក្នុងមួយរទេះកង់ឆាលីបង់ចម្លោះពី៣០០ទៅ១០០០បាត ។
សេចក្តីរាយការណ៍បានបន្តថា មន្ត្រីPM ដែលគ្រប់គ្រងនិងទទួលយកលុយពីអាជីវករឈ្មោះ«ដំ» ហើយថាឈ្មោះនេះមិនបានយកលុយដោយផ្ទាល់ដៃទេគឺមានកូនចៅជាអ្នកយកជូន ខណៈដែលកងកម្លាំងPMដែលឈរជើងនៅច្រកទ្វារអន្តរជាតិប៉ោយប៉ែតពុំមានក្នុងអនុក្រឹត្យស្តីពីការបែងចែកតួនាទីភារកិច្ចនៅច្រកទ្វារប៉ោុយប៉ែតនោះ។
យ៉ាងណាក៍ដោយជុំវិញការចោទប្រកាន់ខាងលើនេះ នៅរសៀលថ្ងៃទី៣១ កក្កដា ២០១៦ មិនអាចរកការសុំអត្ថាធិប្បាយបំភ្លឺតបបានទេពីមន្ត្រី PM ប្រចាំច្រកទ្វារអន្តរជាតិប៉ោយប៉ែត ៕
ចែករំលែកព័តមាននេះ