រាជធានីភ្នំពេញ ៖ ដោយមានការលើកទឹកចិត្តដល់ភេទទី៣ឱ្យមានទំនុកចិត្ត ក្នុងការរស់នៅជាបន្តទៀត ដើម្បីបញ្ចៀសការរិះគន់ក្នុងសង្គម ក្លិបកម្សាន្ត GL Lounge អតីតក្លិបកម្សាន្តក្លាស៊ីក បានរៀបចំកម្មវិធីជ្រើសរើសញ្ញាឯកភេទទី៣ វគ្គផ្តាច់ព័ត្រ ដោយទទួលបាននូវសម្រស់នារីភេទទី៣ ចំនួន៣រូប គួរឱ្យគយគន់ ។
កម្មវិធីនេះ ត្រូវបានរៀបចំឡើងកាលពីរាត្រីថ្ងៃទី២៨ កក្កដា ឆ្នាំ២០១៦ នៅក្លិបកម្សាន្តGL ដោយមានការចូលរួមពីសំណាក់ភ្ញៀវកិត្តិយស ព្រមទាំងការបង្ហាញសមត្ថភាពបេក្ខជន ឈានដល់វគ្គផ្តាច់ព័ត្រ តាមការរៀបចំនៃដំណាក់កាល ។
លោកគិត សែនពិសិដ្ឋ ជាអគ្គនាយកនៃក្លិប GL បានថ្លែងឱ្យដឹងថា ក្លិបកម្សាន្តរបស់យើង បានបង្កើតឡើងរយៈពេល១២ឆ្នាំមកហើយ ដោយពីមុនមានឈ្មោះថា ក្លិបក្លាស៊ីកណាយ ទើបតែជិត១ឆ្នាំយើងប្តូរឈ្មោះមកវិញ ។ លោកថា យើងបានរៀបចំកម្មវិធីនេះដើម្បីឱ្យភេទទី៣ មានសមត្ថភាពសម្តែង និងមានការងារធ្វើដោយលក្ខខណ្ឌនៃការជ្រើសរើស គឺយកផ្នែកសម្រស់ និងស្នាដៃក្នុងការសម្តែង និងមានអត្តចរិកល្អ ។
នេះជាការប្រឡងផ្តាច់ព្រ័ត្រ ដោយមានបេក្ខជនចំនួន១២រូប បានឆ្លងដល់វគ្គក្តៅនេះ ហើយចម្រាញ់យក៥រូប រួចប្រឡងយកតែបីនាក់កំណត់យកលេខ១ ដល់លេខ៣ ។ អ្នកជាប់លេខ១ គឺប្រគល់ជូននូវទឹកប្រាក់១លាន ២សែនរៀល និងមកុដ និងខ្សែ.កដែលមានតម្លៃថ្លៃគួរសម ។ ចំពោះអ្នកលេខ២ ទទួលបានទឹកប្រាក៨០ម៉ឺនរៀល លេខ៣បានទឹកប្រាក់៦០ម៉ឺនរៀល ដោយអ្នកទាំង៣បានទទួលការងារពេញសិទ្ធិ ក្នុងក្លិបកម្សាន្តយើង ដើម្បីមានការងារច្បាស់លាស់ធ្វើ ។
ចំពោះអ្នកមិនបានជាប់យើង ក៏ជ្រើសរើសអ្នកមានសមត្ថភាពមកបំពេញការងារ ក្នុងក្លិបយើងដែរ ឱ្យតែពូកែពោលយើងផ្តល់ឱកាសជូនតែម្តង ។
នេះជាលើកទី៣ ដែលបានរៀបចំឡើងដោយការប្រឡងនេះ មានរយៈពេល២ខែមកហើយ ។ ក្លិបយើងនៅតែជ្រើសរើសបវរកញ្ញាភេទទី៣ដដែល នាពេលក្រោយនិងរើសយកតារាម៉ូដែលផ្នែកបុរសជាបន្តទៀត នាពេលខាងមុខផងដែរ ។ យើងគិតពីការរៀបចំរូបភាពនេះ មកពីយល់ថាភេទទី៣ ក៏ជាមនុស្សដែលអាចជួយសង្គមយើងបានហើយពេលខ្លះក៏ល្អជាអ្នកមានភេទត្រូវធម្មជាតិដែរ ។
យើងមិនចង់ឱ្យមានការរិះគន់រើសអើងគ្នានោះទេ ព្រោះយ៉ាងណាគ្នា ក៏មិនចង់ធ្វើបែបនេះ ព្រោះធម្មជាតិបានកម្រិតមកកុំឲ្យតែធ្វើខុសសង្គមឬងាកទៅប្រព្រឹត្តអំពើមិនល្អគួរឲ្យស្អប់ប៉ុន្តែពួកគេសុទ្ឋតែបានតាំងចិត្តថាខិតខំធ្វើមនុស្សល្អជួយឪពុកម្តាយជួយសង្គមនិងស្រឡាញ់ប្រទេសជាតិដូចពលរដ្ឋទូទៅដែរ។
ក្នុងឱកាសនោះ គណៈកម្មាការដាក់ពិន្ទុមានកញ្ញាប៉ុប ពី លោកកុយ ស៊ីឌឿន លោកស៊ីន ឌី ដោយម្នាក់ៗបានដាក់ពិន្ទុយ៉ាងផ្ទិតផ្ទង់ហើយសម្រេចរកឃើញបេក្ខភាពជ័យលាភីដាច់គេបីដួង មានសម្រស់គួរឲ្យគយគន់មិនចាញ់នារីពិតប្រាកដឡើយ ។ ចំណាត់ថ្នាក់លេខ១បានលើកញ្ញាម៉ានីកា លេខ២កញ្ញាដាវីកា និងចំណាត់ថ្នាក់លេខ៣កញ្ញាជីជី ក់ស្លាកលេខ៩ ។
ចែករំលែកព័តមាននេះ