រាជធានីភ្នំពេញ ៖ តារាសម្តែងថ្មីនិមយចូលចិត្តតែងកាយសិចស៊ីកញ្ញាលី លីហ្សា បានចេញទៅប្រទេសថៃ ហើយបង្ហាញឈុតហែលទឹកសមុទ្របែបសិចស៊ីបង្អួតទស្សនិកជន។
តារាសម្តែងរះថ្មីរូបនេះចេញទៅកម្សាន្តនៅប្រទេសថៃ
រាជធានីភ្នំពេញ ៖ តារាសម្តែងថ្មីនិមយចូលចិត្តតែងកាយសិចស៊ីកញ្ញាលី លីហ្សា បានចេញទៅប្រទេសថៃ ហើយបង្ហាញឈុតហែលទឹកសមុទ្របែបសិចស៊ីបង្អួតទស្សនិកជន។
តារាសម្តែងរះថ្មីរូបនេះចេញទៅកម្សាន្តនៅប្រទេសថៃ ព្រោះតែនាងហត់នឿយនឹងការងារប្រចាំថ្ងៃ ។ លីហ្សាបានទៅលេងសមុទ្រហើយគ្រងឈុតសម្លៀកបំពាក់ហែលទឹកបង្ហាញសាច់ស និងគល់ទ្រូង គល់ភ្លៅ ។ រូបភាពនោះធ្វើឱ្យ ប្រុសៗអត់ទ្រាំសរសើរមិនបាន ។
ប្រាប់អ្នកយកព័ត៌មានកោះសន្តិភាពតាមសារអេឡិចត្រូនិកកាលពីពេល ថ្មីៗកន្លងមកកញ្ញាលី លីហ្សា ឱ្យដឹងថា ដោយមានអារម្មណ៍តានតឹងក្នុងមុខរបររកស៊ីនៅក្នុងស្រុក ហត់នឿយក្នុងចិត្តពេក ទើបនាងឆ្លៀតពេលមួួយរយៈខ្លីចេញទៅកម្សាន្តនៅប្រទេសថៃតាមកន្លែងទេសចរណ៍នានា ដូចជានៅតំបន់មាត់សមុទ្រជាដើមឱ្យប្រែមកជាស្រឡះមុខមាត់វិញម្តង កុំឱ្យចេះតែហត់នឿយជាមួយបរិយាកាស ដដែលៗពេក ។ ទៅលេងនៅប្រទេសថៃនេះមិនមែនទៅជាមួយគូស្នេហ៍ទេ គឺទៅជាមួយមិត្តភក្តិច្រើននាក់ មិនតែប៉ុណ្ណោះទៅចូលរួមពិធីមង្គលការមិត្តភក្តិដោយយកតំបន់កម្សាន្តនៅប្រទេសថៃរៀបការផង ។ មិត្តភក្តិសម្រេចទៅលើកទឹកចិត្តមិត្តភក្តិដែលរៀបការ ព្រមទាំងដើម្បីដើរលេងកម្សាន្តសប្បាយរីករាយផង ។ កញ្ញាលី លីហ្សា នឹងត្រឡប់មកកាន់របររកស៊ី និងអាជីពសម្តែងវិញ ដោយនាងមិនទៅយូរទេ ។
មួយរយៈនេះអាជីពសិល្បៈរបស់លីហ្សាដំណើរការទៅមុខយ៉ាងរលូន ហើយនាងរំពឹងថា នឹងមានការងារច្រើនថែមទៀត ។ លីហ្សាចូលចិត្តសម្តែងតួឆ្នាសឆ្នើមសិចស៊ី បើដាក់តួកាចមិនចូលចិត្តទេ ។
កញ្ញាលី លីហ្សា គឺជាតារាថ្មីម្នាក់ចូលចិត្តសម្ញែងភាពសិចស៊ីមិនចាញ់តារាថ្មីមួយចំនួនទេ ។ លីហ្សាប្រកាន់យកភាពសិចស៊ី ហើយទស្សនិកជនថានាងជាតារាជើងខ្លាំងម្នាក់ក្នុងពិភពសិចស៊ី ។ ទោះបីជាបែបណាក្តី លីហ្សានិយាយថា «នាងខ្ញុំសិចស៊ីតែខាងក្រៅឆាកសម្តែងប៉ុណ្ណោះ បើក្នុងការថតកុននោះ គឺនាងខ្ញុំក៏មានការពិនិត្យ និងមើលខុសត្រូវក្នុងឆាកសម្តែងបែបនេះឱ្យល្អដែរ ដើម្បីចៀសការរិះគន់ពីអ្នកទស្សនា ហើយកាន់តែគិតពេលនេះប្រព័ន្ធហ្វេសប៊ុកក៏ជាចំណែកមួយដែលនាងខ្ញុំគិតដែរ ព្រោះខ្លាចមានអ្នករិះគន់លើសពីអ្វីដែលនាងខ្ញុំទប់ចិត្តបាន ព្រោះនាងខ្ញុំធ្វើអ្វីដែលជាចំណូលចិត្ត មិនប៉ះពាល់ដល់អ្នកណានោះទេ ប្រសិនបើនាងខ្ញុំសិចស៊ីជ្រុល គឺនាងខ្ញុំក៏អាចកែប្រែបានវិញដែរ សំខាន់រិះគន់ក្នុងន័យស្ថាបនា» ៕
ចែករំលែកព័តមាននេះ