ប្រហែលជាទ្រាំទប់លែងបានតទៅទៀតហើយ ទើប សូដា នីតា បានសម្រេចលេងខ្លាំងដៃទៅវិញ ដល់កូនតុងទីន ដែលដេញបានលុយហើយ ក៏យកលុយរត់មិនទាន់បង់តបតាមការកំណត់ ។ តួលេខដែលគេមើលឃើញ និងដឹងនោះ ធ្វើអោយគ្រប់គ្នា ស្លឺ និងតក់ស្លុត ព្រោះ
រាជធានីភ្នំពេញ ៖ ប្រហែលជាទ្រាំទប់លែងបានតទៅទៀតហើយ ទើប សូដា នីតា បានសម្រេចលេងខ្លាំងដៃទៅវិញ ដល់កូនតុងទីន ដែលដេញបានលុយហើយ ក៏យកលុយរត់មិនទាន់បង់តបតាមការកំណត់ ។ តួលេខដែលគេមើលឃើញ និងដឹងនោះ ធ្វើអោយគ្រប់គ្នា ស្លឺ និងតក់ស្លុត ព្រោះច្រើនពេកណាស់។ ដោយតុកសិកជាច្រើនលើក សូដា នីតា លែងទុកមុខអោយតទៅទៀត ទើបសម្រេចចិត្តប្រកាសអោយគេដឹងតែម្តង។ នេះជាករណីថ្មី ទៀត ដែលអ្នកនាងផ្ទាល់ក៏ចម្រូងចម្រាស់រឿងតុងទីនជំពាក់វាក់វិន ជាមួយតារាសម្តែងល្បីឈ្មោះម្នាក់ ទើបរួចរាល់។
នៅថ្ងៃទី១៥ ខែកុម្ភៈ ឆ្នាំ ២០២២ តារាសម្ដែង និងតារាចម្រៀងជើងចាស់អ្នកនាង សូដា នីតា បានចេញមកប្រកាសលើបណ្ដាញសង្គម ដើម្បីស្វែងរកកូនតុងទីនចំនួនប៉ុន្មាននាក់ឱ្យចូលខ្លួនមកដោះស្រាយគ្នា ដែលអ្នកនាងបានអះអាងថា លុយដែលត្រូវបង់ខាតទាំងការ ទាំងដើមជិត ៦០ម៉ឺនដុល្លារឯណោះ។
អ្នកនាង សូដា នីតា ក៏បានអះអាងថា ការបង្ហោះជាសាធារណៈនៅបណ្ដាញសង្គមនេះ គឺជាលើកទី២ហើយដែរ ដោយការបង្ហោះដំបូង គេឃើញកើតមានកាលពីដើមខែមករា ឆ្នាំ២០២២នេះ។
អ្នកនាង សូដា នីតា បានបង្ហោះសារនៅលើបណ្ដាញសង្គមថា ៖ «ខ្ញុំសូមប្រកាសរកមនុស្សម្នាក់នេះជាលើកទី២ ចូលខ្លួនដោះស្រាយ រឿងលេងតុងទិន (ប្អូន) ដេញយកលុយទៅ មិនសង រត់បាត់ សរុបទឹកប្រាក់ (ការ+ដើមជិត៦០ម៉ឺន$$$) ។ បញ្ជាក់ ៖ នៅសល់កូនបោកចំនួន១៣នាក់ទៀត និងកូនតុងទិនចរចាខ្យល់មិនសងទៀត បើបងប្អូនណា បានស្គាល់ជួយប្រាប់មកនាងខ្ញុំផង សូមអរគុណ ! »។
បញ្ហាតុងទីនខាងលើនេះ មានការផ្ទុះឡើងយ៉ាងកក្រើកជាច្រើនលើកមកហើយក្នុងសង្គម ដោយមានអ្នកខ្លះក្អួតឈា.ម ដោយសារតុងទីននេះ មិនស្ទើរឡើយ ជាពិសេសបណ្តាអាជីវករ តាមផ្សារ អ្នកនៅតាមផ្ទះ និងក្រុមហ៊ុនជាដើម។ ដូចនេះមានតែការប្រុងប្រយ័ត្នតែប៉ុណ្ណោះ មុននឹងសាកល្បងចង់បានការប្រាក់ និងសន្សំលុយទុក។ មានតែទុកលុយជាប់កាយអោយល្អជាភាពកក់ក្តៅមួយ ពេលមានការចាំបាច់។
ចែករំលែកព័តមាននេះ