រាជធានីភ្នំពេញ ៖ ក្រោយពេលលែងលះជាមួយស្វាមីរួចមក នាងអីុត លេចឮថា បានភ្ជាប់ចំណងស្នេហ៍ជាមួយបុរសថ្មីក្នុងពិភពសិល្បៈ ។
នាងអីុត ហៅសេន ចិន្តា កាលពីពេលថ្មីៗកន្លងមកបានច្រានចោលព័ត៌មាននោះ
រាជធានីភ្នំពេញ ៖ ក្រោយពេលលែងលះជាមួយស្វាមីរួចមក នាងអីុត លេចឮថា បានភ្ជាប់ចំណងស្នេហ៍ជាមួយបុរសថ្មីក្នុងពិភពសិល្បៈ ។
នាងអីុត ហៅសេន ចិន្តា កាលពីពេលថ្មីៗកន្លងមកបានច្រានចោលព័ត៌មាននោះ ដោយថានាងមិនទាន់បើកចិត្តយកបុរសណាជាគូអនាគតទេ ។ «រឿងរ៉ាវស្នេហាដែលគេនិយាយគឺជាការបង្ខូចកេរ្តិ៍ឈ្មោះរបស់នាងខ្ញុំ ធាតុពិតនាងខ្ញុំនៅទំនេរគ្មានឈឺក្បាលរឿងស្នេហាអ្វីឡើយ ។ ក្នុងជម្រើសយករឿងបេះដូងថ្មីមកជំនួសរបួសចាស់នេះ ពោលគ្មាននឹកនាសោះតែម្តងដោយទុកពេលច្រើននេះស្រវាការងារឲ្យល្អសិន រកពេលសម្រាកគ្មាន ។ រឿងប្តីសីអីនោះគង់តែយកទេ តែមិនមែនពេលនេះ សំខាន់រកលុយកាក់សិន ។
ក្រោយលែងប្តីនាងខ្ញុំមានភារៈចិញ្ចឹមកូន ហើយក៏ចង់សន្សំប្រាក់ទុកទាន់មានឱកាសល្អរឿងគូស្នេហ៍ថ្មីត្រូវគិតពេលក្រោយ ដោយមិនចេះតែប្រថុយឡើយ ព្រោះនាងខ្ញុំជាប់ឈ្មោះមានប្តីម្តង បើដួលរឿងមានថ្មីម្តងទៀត មនុស្សស្រីងាយរងពាក្យគេដៀលណាស់ ណាយើងជាអ្នកសិល្បៈកាន់តែគេរិះគន់ ទាល់តែយើងមើលឲ្យល្អិតណាស់ទើបបាន»។
នាងអីុតតកំពុងត្រៀមចេញទៅសម្តែងនៅអាមេរិកជាលើកដំបូងរយៈពេលពីរខែ ។ ចេញដំណើរក្នុងពេលដ៏ខ្លីខាងមុខនេះ នាងអីុតទៅជាមួយតារាកំប្លែងរួមក្រុមមួយចំនួន ។ ចេញទៅអាមេរិកអាចធ្វើឱ្យនាងអីុតស្រឡះចិត្តខ្លះ ពីភាពតប់ប្រមល់ ។ នៅទីនោះនាងអីុត តាំងចិត្តខំរកប្រាក់ដើម្បីយកមកបំពេញតម្រូវការមួយចំនួនទៀតក្នុងរង្វង់គ្រួសារ។
ការលែងលះរបស់នាងអីុតមានការបកស្រាយមូលហេតុ ខុសៗគ្នា ។ មនុស្សមួយចំនួនឲ្យដឹងថា អ្នកទាំងពីរផ្ទុះរឿងប្រច័ណ្ឌគ្នា ។ ខ្លះថាស្វាមីរបស់នាងអីុតដែលជាគ្រូបង្រៀន អន់ចិត្តដែលមានប្រពន្ធជាតារា តែងតែបាត់មុខពីផ្ទះមិនដឹងមានអ្វីអាថ៌កំបាំងពីភ្នែកប្តីខ្លះ ។
ចំពោះនាងអីុតនិយាយថា ការលែងលះគ្នាបណ្តាលមកពីប្តីនាងចូលចិត្តដើរផឹកស៊ីក្រោយពីបានគ្រប់គ្រងវង់តន្ត្រីសម័យ ដោយមិនខ្វល់ពីប្រពន្ឋកូន ។
ក្រោយពេលលែងលះប៉ុន្មានខែ នាងអីុតបានសាងសង់របងផ្ទះនៅស្រុកកំណើត មុនពេលសាងសង់វីឡាដ៏ប្រណីតមួយ ។ នាងអីុតថា សង់ផ្ទះទុកឲ្យហើយទាន់មានឱកាសរកបានប្រាក់ទុករស់នៅពេលចាស់ ៕
ចែករំលែកព័តមាននេះ