រាជធានីភ្នំពេញ ៖ កុងរថយន្តកុងតឺន័រមួយគ្រឿង មានតែក្បាល អត់មានសណ្តោងរ៉ឺម៉កទូកុងតឺន័រ ដែលបើកបរដោយបុរសម្នាក់ក្នុងស្ថានភាពស្រវឹងជោកជាំ បើកលឿនដូចហោះរេពេញផ្លូវ ហើយត្រូវសមត្ថកិច្ចឃាត់បានហៅមកសួរ និងណែនាំ កាលពីវេលាម៉ោង១០ និង១៥យប់ថ្ងៃទី២៥ កក្កដា ស្ថិតនៅតាមបណ្តោយផ្លូវសហព័ន្ធរុស្សី ត្រង់ចំណុចមុខស្ថានីយប្រេងឥន្ធនៈតេលា សង្កាត់ចោម
រាជធានីភ្នំពេញ ៖ កុងរថយន្តកុងតឺន័រមួយគ្រឿង មានតែក្បាល អត់មានសណ្តោងរ៉ឺម៉កទូកុងតឺន័រ ដែលបើកបរដោយបុរសម្នាក់ក្នុងស្ថានភាពស្រវឹងជោកជាំ បើកលឿនដូចហោះរេពេញផ្លូវ ហើយត្រូវសមត្ថកិច្ចឃាត់បានហៅមកសួរ និងណែនាំ កាលពីវេលាម៉ោង១០ និង១៥យប់ថ្ងៃទី២៥ កក្កដា ស្ថិតនៅតាមបណ្តោយផ្លូវសហព័ន្ធរុស្សី ត្រង់ចំណុចមុខស្ថានីយប្រេងឥន្ធនៈតេលា សង្កាត់ចោមចៅ ខណ្ឌពោធិ៍សែនជ័យ ។
មុនពេលកើតហេតុ គេឃើញបុរសម្នាក់ស្រវឹងស្រាជោក បើករថយន្តកុងតឺន័រដែលមានតែក្បាលកុងតឺន័រម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខព្រះសីហនុ3A-2707 ជិះគ្នា២នាក់ បើកលឿនដូចហោះរេពេញផ្លូវ ទិសដៅពីលិចទៅកើត លុះមកដល់ចំណុចខាងលើ ធ្វើឱ្យអ្នកដំណើរ និងប្រជាពលរដ្ឋដែលប្រទះឃើញ ក៏រាយការណ៍ទៅសមត្ថកិច្ចឱ្យជួយឃាត់ ខ្លាចបង្កគ្រោះថ្នាក់ដល់អ្នកដទៃ ។
ក្រោយមក សមត្ថកិច្ចបានដេញតាមឃាត់ តែមិនមានបង្កគ្រោះថ្នាក់ចរាចរណ៍នៅកន្លែងណាមួយទេ ប៉ុន្តែអ្នកបើកបរស្រវឹងខ្លាំង
ពេលសមត្ថកិច្ចហៅណែនាំ និងបានហៅក្រុមហ៊ុនឱ្យមកយករថយន្តបន្តទៅមុខទៀត។
គួរកត់សម្គាល់ដែរថា កន្លងមក អ្នកបើកបររថយន្តធំៗភាគច្រើន សុទ្ធតែមានអាយុក្រោម២០ឆ្នាំ ហើយការបើកបររបស់ពួកគេ ហាក់ដូចជាមិនគោរពច្បាប់ចរាចរណ៍ទេ គឺបើកលឿនហួសកំណត់ ហើយតែងតែបើកជែងគេជែងឯង ដោយមិនខ្លាចមានគ្រោះថ្នាក់ដល់ដទៃទេ ។
មិនតែប៉ុណ្ណោះ ពេលដែលបើករថយន្តបុកគេស្លាប់ហើយ គឺអាងតែរត់ចោលរថយន្តតែម្តង ហើយថៅកែជាអ្នកចេញមុខដោះស្រាយជំនួសរហូត តើគួរមានវិធានការណ៍ទេ?
ចែករំលែកព័តមាននេះ