រយៈពេលប៉ុន្មានខែមកហើយដែលអតីតបវរកញ្ញាចក្រវាឡ លំដាប់រងទី១ ឆ្នាំ២០២០ ឈុន រក្សា បានបាត់វត្តមានពីកម្មវិធីផ្សេងៗ ពីការប្រកួតបវរកញ្ញា ក្នុងនាមជាអ្នកដាក់ពិន្ទុ។ នៅពេលនេះ មានការភ្ញាក់ផ្អើលដឹងពីការពិត ដោយ សារតែស្រីស្អាត ឈុន រក្សា សម្រេចចិត្តបង្ហាញរូបថត
រាជធានីភ្នំពេញ ៖ រយៈពេលប៉ុន្មានខែមកហើយដែលអតីតបវរកញ្ញាចក្រវាឡ លំដាប់រងទី១ ឆ្នាំ២០២០ ឈុន រក្សា បានបាត់វត្តមានពីកម្មវិធីផ្សេងៗ ពីការប្រកួតបវរកញ្ញា ក្នុងនាមជាអ្នកដាក់ពិន្ទុ។ នៅពេលនេះ មានការភ្ញាក់ផ្អើលដឹងពីការពិត ដោយសារតែស្រីស្អាត ឈុន រក្សា សម្រេចចិត្តបង្ហាញរូបថតពពោះ ទើបត្រូវខកឱកាសបង្ហាញវត្តមានផ្សេងៗ ហើយអាចនឹងដកថយពីវិស័យមួយនេះ ក្រោយជួបស្នេហ៍សមបំណង។
គេមិននឹកស្មានថា ស្រីស្អាត ឈុន រក្សា ប្រញាប់បិទទំព័រសិល្បៈលឿនបែបនេះឡើយ ព្រោះនាងមានការតស៊ូជាមួយវិស័យប្រឡងបវរកញ្ញាណាស់ក្នុងជំនាន់ រ៉េត សារីតា។ នាងបានឡើងមកឈរកាន់ដៃគ្នាជាមួយកញ្ញា រ៉េត សារីតា ដើម្បីដណ្តើមមកុដ។
បើនិយាយពីរូបសម្រស់វិញ រក្សា មានស្នាមញញឹម ស្រស់សោភា ទម្រង់មុខមានមន្តស្នេហ៍ ហើយទស្សនិកជនជាច្រើនសុទ្ធតែសរសើររូបនាងថា ជានារីដ៏ស្រស់ស្អាត សមមកឈរជែងមកុដ។ ភាពផូរផង់នេះហើយដែលរុញអោយស្រីស្អាត ឈុន រក្សា ផ្តើមមានការងារសិល្បៈយ៉ាងបាចសាច ទាំងថតម៉ូដ សំអាងការផ្សេងៗ។
ហ្វេនៗរបស់នាងជាច្រើន បានគិតថា មិនយូរមិនឆាប់ស្រីស្អាត រក្សា នឹងមានកេរ្តីឈ្មោះល្បីល្បាញ។ យ៉ាងណា ពេលនេះនាងបានដើរដល់ជីវិតគូ មានបុរសល្អក្នុងបេះដូងធ្វើជាគូអនាគតថែរក្សា ដើម្បីរួមរស់ជាគូជីវិតពេញមួយជីវិត។
ឈុន រក្សា ក៏នៅមិនទាន់ធ្វើរឿងមួយទៀតអោយហ្វេនៗបានអស់ចិត្ត។ នោះជាការបើកវាំងននបង្ហាញមុខស្វាមី ដើម្បីអោយគេដឹងថា គ្រួសារនាងមានតួនាទីអ្វី ការងារផ្នែកណា។ ពិសេសប្រវត្តិស្នេហ៍ដែលបានកកើតឡើងផ្តើមឡើងដោយសាររូបភាពអ្វីខ្លះ។ បែបណាក៏ដោយ ក្រោយដឹងរឿងនេះ អ្នកគាំទ្របានជូនពរនាង និងកូនមានសុខភាពល្អ ហើយបានសុភមង្គលតទៅ ដើម្បីទទួលងារជាម្តាយ។
ចែករំលែកព័តមាននេះ