ឡេឌី ហ្កាហ្កា និងគូដណ្តឹងរបស់នាងថៃឡឺ គីន្នី បានចែកផ្លូវគ្នាក្រោយពីរួមរស់ជាមួយគ្នាអស់រយៈពេល៥ឆ្នាំ ។ ប្រភពព័ត៌មានបានប្រាប់គេហទំព័រ TMZ កាលពីពេល ថ្មីៗកន្លងមកថា ម្ចាស់បទចម្រៀង Born This Way វ័យ៣០ឆ្នាំ និងគូដណ្តឹងរបស់នាងវ័យ
ឡេឌី ហ្កាហ្កា និងគូដណ្តឹងរបស់នាងថៃឡឺ គីន្នី បានចែកផ្លូវគ្នាក្រោយពីរួមរស់ជាមួយគ្នាអស់រយៈពេល៥ឆ្នាំ ។ ប្រភពព័ត៌មានបានប្រាប់គេហទំព័រ TMZ កាលពីពេល ថ្មីៗកន្លងមកថា ម្ចាស់បទចម្រៀង Born This Way វ័យ៣០ឆ្នាំ និងគូដណ្តឹងរបស់នាងវ័យ៣៥ឆ្នាំ ត្រូវគេរាយការណ៍ថាពួកគេបានសម្រេចចិត្តដើរចេញរៀងខ្លួនពីចំណងស្នេហ៍រាប់ឆ្នាំ តែវាមិនច្បាស់នៅឡើយទេថា តើនរណាជាអ្នកសម្រេចចិត្តបញ្ចប់មុន ។
គូស្នេហ៍មួយគូនេះមិននៅជាមួយគ្នាទេកាលពីពេល ថ្មីៗកន្លងមក ហើយឡេឌី ហ្កាហ្កា ក៏មិនបានចែករំលែករូបភាពស្និទ្ធស្នាលរបស់ខ្លួនលើបណ្តាញសង្គមជាង១ខែមកហើយ ។
ទន្ទឹមគ្នានេះដែរនាងឡេឌី ហ្កាហ្កាត្រូវគេសង្កេតឃើញថា មិនពាក់ចិញ្ចៀនរបស់គូដណ្តឹងនៅពេលចេញក្រៅម្តងៗ ។ ទោះជាយ៉ាងណាក៏ដោយ ភាគីទាំងពីរមិនទាន់ចេញមុខបកស្រាយនៅឡើយទេ ដែលរឿងរ៉ាវនេះ ធ្វើឱ្យអ្នកសារព័ត៌មានកំពុងតាមដាន ៕
ចែករំលែកព័តមាននេះ