រាជធានីភ្នំពេញ ៖ ក្រុមហ៊ុនស្រាបៀរអង្គរ បានរៀបចំពិធីប្រគល់រង្វាន់ម៉ូតូ និងទូរស័ព្ទដៃជូនដល់អតិថិជនមានសំណាងចំនួន៦រូបបន្ថែមទៀតដែលបានឈ្នះក្នុងកម្មវិធីប្រម៉ូសិនរបស់ខ្លួន ដើម្បីអបអរសាទរមេដាយមាស
រាជធានីភ្នំពេញ ៖ ក្រុមហ៊ុនស្រាបៀរអង្គរ បានរៀបចំពិធីប្រគល់រង្វាន់ម៉ូតូ និងទូរស័ព្ទដៃជូនដល់អតិថិជនមានសំណាងចំនួន៦រូបបន្ថែមទៀតដែលបានឈ្នះក្នុងកម្មវិធីប្រម៉ូសិនរបស់ខ្លួន ដើម្បីអបអរសាទរមេដាយមាសដែលស្រាបៀរអង្គរ ទើបទទួលបានពីម៉ុងសេឡិចសិន ។
ពិធីប្រគល់រង្វាន់នេះប្រារព្ធធ្វើឡើងនៅហាងសាច់អាំង១៦៨ សាខាទួលគោក កាលព្រឹក៩ កក្កដា ២០១៦ ដោយមានការចូលរួមពីតំណាងក្រុមហ៊ុនស្រាបៀរអង្គរ អ្នកឈ្នះរង្វាន់ និងអ្នកព័ត៌មានជាច្រើន។
ក្នុងឱកាសប្រគល់រង្វាន់ជូនដល់អតិថិជនទាំងនោះ តំណាងផ្នែកទីផ្សារក្រុមហ៊ុនបៀរអង្គរបានបញ្ជាក់ថា នៅក្នុងកម្មវិធីប្រម៉ូសិនក្រុមហ៊ុនបានប្តូរកងក្រវិលកំប៉ុងទៅជាពណ៌ក្រហម និងពណ៌និម្មិតសញ្ញារង្វាន់ពណ៌បៃតងចាស់ ដើម្បីឲ្យអតិថិជនមើលឃើញរូបភាពបានកាន់តែច្បាស់ជាងមុន។ ពិសេសជាងនេះ ក្រុមហ៊ុនបានសម្រេចបន្ថែមរង្វាន់ទូរស័ព្ទ Samsung Galaxy A5 ចំនួន១៦០រង្វាន់ទៀត បន្ថែមពីលើម៉ូតូ Honda Dream ១៦០រង្វាន់ និងទូរស័ព្ទ iPhone 6s ១៦០រង្វាន់ប្រចាំខែ និងរង្វាន់ផ្សេងៗជាច្រើនទៀតចែកជារៀងរាល់ថ្ងៃ។
អតិថិជនដែលមានសំណាងឈ្នះរង្វាន់ពីក្រុមហ៊ុនស្រាបៀរអង្គរមានចំនួន៦រូប ក្នុងនោះមាន៣រូបឈ្នះរង្វាន់ ម៉ូតូស្កូបពី១គ្រឿង និងម៉ូតូហុងដាទ្រីមសង់ស៊េរីឆ្នាំ២០១៦ ចំនួន២រង្វាន់។ អ្នកឈ្នះរង្វាន់ក្រវិលកំប៉ុងរួមមានលោក ហៀង រង្សី និងលោក ឆត វេងឆៃ និងអ្នកឈ្នះរង្វាន់ក្រវិលដបមានលោក ឆៀម ស៊ីថន។ចំណែកអតិថិជនចំនួន៣រូបទៀត ឈ្នះរង្វាន់ទូរស័ព្ទដៃ iPhone 6s ចំនួន៣រង្វាន់ មានឈ្មោះអ្នកនាង ធី ស្រីនិច លោក រត្ន័ សំណាង និងលោក ព្រំ សុជាតិ ដែលអ្នកទាំង៦នាក់រស់នៅក្នុងខណ្ឌទួលគោក រាជធានីភ្នំពេញ។
តំណាងអថិតិជនម្នាក់ ក្នុងចំណោមអ្នកឈ្នះរង្វាន់ពីក្រុមហ៊ុនស្រាបៀរអង្គរ បានឲ្យដឹងថា កន្លងមកលោកធ្លាប់តែឈ្នះរង្វាន់ស្រាបៀរកំប៉ុងពីស្រាបៀរអង្គរ តែលើកនេះពិតជាហេងមែន រូបគាត់ឈ្នះម៉ូតូហុងដាថ្មី១មួយគ្រឿងពិតមែន។ គួរបញ្ជាក់ផងដែរថា កម្មវិធីប្រម៉ូសិនរបស់ស្រាបៀរអង្គរកំប៉ុងនេះ នឹងនៅតែបន្តរហូតដូច្នេះអតិថិជនដែលមិនទាន់ឈ្នះរង្វាន់នៅតែមានឱកាសឈ្នះរង្វាន់ជាបន្តទៀត៕
ចែករំលែកព័តមាននេះ