ប្រកាស​តំណែង ប្រធាន​មន្ទីរ​សាធារណការ

ខេត្តរតនគិរី ៖ នៅ​សាល​ប្រជុំ​សាលាខេត្ត​រតនគិរី នា​ព្រឹក​ថ្ងៃ​ទី​០៧ ខែកក្កដា ឆ្នាំ​២០១៦ បាន​រៀបចំ​ពិធី​ប្រកាស​ចូល​កាន់​មុខ​តំណែង​ប្រធាន​មន្ទីរ​សាធារណការ និង​ដឹក​ជញ្ជូន​ខេត្ត ក្រោម​អធិបតីភាព លោក សួន រចនា រដ្ឋលេខាធិការ តំណាង​ឯកឧត្តម ស៊ុន ចាន់​ថុ​ល ទេស​រដ្ឋមន្ត្រី និង​ជា​រដ្ឋមន្ត្រីក្រសួង​សាធារណការ និង​ដឹក​ជញ្ជូន និង​លោក ថង សា​វុន អភិបាល​នៃ​គណៈ​អភិបាលខេត្ត​រតនគិរី​។

អតីត​អនុប្រធាន​នាយកដ្ឋាន​ផ្លូវថ្នល់ នៃ​ក្រសួង​សាធារណការ និង​ដឹក​ជញ្ជូន លោក ស៊ុន ប៊ូ​លី​ន ត្រូវ​បាន​ប្រកាស​ចូល​កាន់​មុខ​តំណែង​ជា ប្រធាន​មន្ទីរ​សាធារណការ​និង​ដឹក​ជញ្ជូន ខេត្តរតនគិរី​ថ្មី​ជា​ផ្លូវការ​ជំនួស​លោក សូ សំណាង​។ ចំណែកឯ​លោក សូ​សំណាង អតីត​ប្រធាន​មន្ទីរ​សាធារណការ និង​ដឹក​ជញ្ជូន​ខេត្តរតនគិរី ត្រូវ​បាន​ផ្ទេរ​ភារកិច្ច​ទៅ​កាន់​មុខ​តំណែង​ថ្មី​ជា​អធិការ​នៃ​អគ្គាធិការដ្ឋាន​ក្រសួង​សាធារណការ និង​ដឹក​ជញ្ជូន​វិញ​៕