រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ បម្លែងថ្មីអូមីក្រុង ចំនួន៣៧នាក់ ក្នុងនោះឆ្លងសហគមន៍១៩នាក់ ខណៈរកមិនឃើញអ្នកស្លា.ប់ដោយសារជំងឺកូវីដ១៩នោះទេ ។ ក្រសួងបានលើកឡើងបែបនេះ…
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងជំងឺកូវីដ១៩ បម្លែងថ្មីអូមីក្រុង ចំនួន៣៧នាក់ ក្នុងនោះឆ្លងសហគមន៍១៩នាក់ ខណៈរកមិនឃើញអ្នកស្លា.ប់ដោយសារជំងឺកូវីដ១៩នោះទេ ។
ក្រសួងបានលើកឡើងបែបនេះ ខណៈពេលរយៈពេលជាង១០ថ្ងៃមកនេះ កម្ពុជាគ្មានអ្នកស្លា.ប់ដោយសារជំងឺកូវីដ១៩នោះទេ ប៉ុន្តែរកឃើញអ្នកឆ្លងជំងឺកូវីដ១៩ ប្រភេទបបំប្លែងថ្មីកើនជាបន្តបន្ទាប់ ។
ក្រសួងបានឲ្យដឹង នៅថ្ងៃទី២០ មករា ឆ្នាំ២០២២ថា រកឃើញអ្នកឆ្លងជំងឺកូវីដបំប្លែងថ្មី៣៧នាក់ទៀត (អូមីក្រុងទាំងអស់) ខណៈព្យាបាលជាសះស្បើយ១៦នាក់ និងស្លា.ប់ «គ្មាន» ។
ក្នុងចំណោមអ្នកឆ្លងមានករណីឆ្លងនៅក្នុងសហគមន៍១៩ នាក់ (អូមីក្រុង)និងអ្នកដំណើរពីបរទេស ១៨ នាក់ (អូមីក្រុង) ។ ក្រសួងក៏បានលើកឡើងថា គិតត្រឹមព្រឹកថ្ងៃទី២០ ខែមករា ឆ្នាំ២០២២ កម្ពុជាមាន អ្នកឆ្លងជំងឺកូវីដសរុប១២០.៩១៤ នាក់ និងអ្នកជាសះស្បើយ១១៧.១៦២នាក់ និងអ្នកស្លា.ប់៣.០១៥ នាក់ ។
ជាមួយគ្នានោះដែរ ក្រសួងក៏បានលើកឡើងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៩ ខែមករា ឆ្នាំ២០២២ បានចាក់លើប្រជាជនអាយុពី១៨ឆ្នាំឡើង មាន ១០១,៨៤% ធៀបជាមួយចំនួនប្រជាជនគោលដៅ ១០លាននាក់ ។លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៩,៣៥% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់ ។ លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៥,៧០% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់ ។លើកុមារអាយុ ០៥ឆ្នាំ មាន ១០៤,២៦% ធៀបជាមួយនឹងប្រជាជនគោលដៅ ៣០៤,៣១៧ នាក់ ។ ក្រសួងថាជាលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៨៩,៥២% ៕
ចែករំលែកព័តមាននេះ