ប្រទេសឥណ្ឌា ៖ អ្នកធ្វើធម្មយាត្រាឥណ្ឌាជាច្រើនរយពាន់នាក់ ចាប់ផ្ដើមប្រមូលផ្ដុំគ្នាកាលពីថ្ងៃទី១៣ ខែមករា ឆ្នាំ២០២២ នៅលើកោះ SAGAR នៃទន្លេ GANGE ដើម្បីប្រារព្ធបុណ្យ GANGASAGAR MELA ដែលជាបុណ្យធំបំផុតមួយ របស់សាសនាហិណ្ឌូ ដែលក្នុងបុណ្យនេះប្រមូលផ្ដុំមនុស្សច្រើនលាននាក់ ក៏ទោះបីពេលនេះឥណ្ឌា កំពុងប្រឈមមុខនឹងការកើនឡើងនៃការឆ្លងកូវីដ-១៩ក្ដី។
ក៏ទោះបីមានការកើនខ្ពស់នៃការឆ្លង ដោយវីរុសប្រភេទអូមីក្រុងក្ដី ក៏តុលាការក្រុងកាល់គុតាមួយ កាលពីសប្ដាហ៏មុនបានចេញការអនុញ្ញាត ឲ្យប្រារព្ធធ្វើបុណ្យ GANGASAGAR MELA នៅកោះ SAGAR នៃទន្លេ GANGE ក្នុងរដ្ឋបឹងហ្គាល់ខាងលិច។ អ្នកធ្វើធម្មយាត្រាហិណ្ឌូរហូតដល់ប្រមាណជា៣លាននាក់ បានលើកគ្នាទៅកាន់ទីនោះដើម្បីងូតទឹកលាងបាបក្នុងទន្លេGANGE នាថ្ងៃទី១៤ ខែមករា។
រដ្ឋាភិបាលរដ្ឋនោះបានអំពាវនាវដល់ប្ ជាជន ឲ្យមានការប្រុងប្រយ័ត្ននិងដោយស្នើឲ្យធ្វើតេស្ត។ លោកស្រី MAMATA BANERJEE នាយករដ្ឋមន្ត្រីរដ្ឋបឹងហ្គាល់ខាងលិចបានស្នើ ឲ្យពាក់ម៉ាស់២ជាន់ និងស្នើដល់បណ្ដាអ្នកធ្វើធម្មយាត្រា ចៀសវាងកុំខាកស្ដោះជាទម្លាប់មួយដែលលោកស្រីថាជាប្រភពចម្លងខ្ពស់នៃវីរុស។
កាលពីថ្ងៃទី១៣ ខែមករា នៅឥណ្ឌា មានអ្នកឆ្លងកូវីដថ្មី ដល់២៤៧.៤១៧នាក់រយៈពេល២៤ម៉ោងចុងក្រោយនេះ។ ពេលមានការឆ្លងខ្លាំងបំផុតកាលពីខែឧសភាឆ្នាំ២០២១ ឥណ្ឌាមានអ្នកឆ្លងកូវីដមួយថ្ងៃដល់ជាង៤០០.០០០នាក់ និងអ្នកស្លា.ប់ប្រមាណ៤.០០០នាក់ក្នុង១ថ្ងៃ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ