គូដណ្ដឹងរត់ចោល ខាងប្រុសប្តឹងទារថ្លៃទឹកដោះវិញ
រាជធានីភ្នំពេញ ៖ បុរសអភ័ព្វស្នេហ៍ម្នាក់បានធ្វើដំណើរមកប្តឹងនគរបាលបុស្តិ៍ទួលសង្កែទាំងទឹកមុខស្រងូតស្រងាត់បន្ទាប់ពីគូដណ្ដឹងរបស់ខ្លួនដែលគ្រោងនឹងរៀបការដើម្បីសាងស្នេហ៍
រាជធានីភ្នំពេញ ៖ បុរសអភ័ព្វស្នេហ៍ម្នាក់បានធ្វើដំណើរមកប្តឹងនគរបាលបុស្តិ៍ទួលសង្កែទាំងទឹកមុខស្រងូតស្រងាត់បន្ទាប់ពីគូដណ្ដឹងរបស់ខ្លួនដែលគ្រោងនឹងរៀបការដើម្បីសាងស្នេហ៍
រាជធានីភ្នំពេញ ៖ បុរសអភ័ព្វស្នេហ៍ម្នាក់បានធ្វើដំណើរមកប្តឹងនគរបាលបុស្តិ៍ទួលសង្កែទាំងទឹកមុខស្រងូតស្រងាត់បន្ទាប់ពីគូដណ្ដឹងរបស់ខ្លួនដែលគ្រោងនឹងរៀបការដើម្បីសាងស្នេហ៍ជាមួយគ្នា បានរត់គេចខ្លួនបាត់ ធ្វើឲ្យបេះដូងនៅកំព្រាតែឯង ។ បុរសអភ័ព្វស្នេហ៍រូបនេះបានមកប្តឹងសមត្ថកិច្ចដើម្បីទាមទារប្រាក់ថ្ងៃទឹកដោះចំនួន២ពាន់ដុល្លារពីម្តាយរបស់គូដណ្ដឹងវិញកាលពីព្រឹកថ្ងៃទី២២ ខែមិថុនា ឆ្នាំ២០១៦ ប៉ុន្តែទោះបីជាយ៉ាងណាបុរសម្នាក់នោះហាក់ដូចជាព្យាយាមលាក់រឿងរ៉ាវដ៏ល្វីងជួរចត់នេះ ។
បុរសអភ័ព្វស្នេហ៍ដែលត្រូវគូដណ្តឹងបោះបង់ចោលឈ្មោះ អ៊ុត ឆែត អាយុ២៦ឆ្នាំ មុខរបររត់ម៉ូតូឌុប ស្នាក់នៅបន្ទប់ជួលតាមបណ្ដោយផ្លូវលេខ៥៩៨ ភូមិទួលគោក សង្កាត់ទួលសង្កែ ខណ្ឌឫស្សីកែវ និងមានស្រុកកំណើតនៅភូមិអូលុង ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ ។ ចំណែកនារីជាគូដណ្តឹងនោះត្រូវបានអះអាងថា មានឈ្មោះ មិត សុខឃឿន អាយុ៣១ឆ្នាំ មានមុខរបរលក់សាច់គោអាំង ស្នាក់នៅបន្ទប់ជួលជាមួយគ្នា និងមានស្រុកកំណើតនៅភូមិព្រៃភ្ងាម ឃុំរោងដំរី ស្រុកបាភ្នំ ខេត្តព្រៃវែង ។
បុរសអភ័ព្វស្នេហ៍បានរៀបរាប់ទាំងទឹកមុខស្រងូតស្រងាត់ឲ្យសមត្ថកិច្ចប៉ុស្តិ៍ទួលសង្កែដឹងថា ខ្លួនមានទំនាក់ទំនងជាមួយឈ្មោះ មិត សុខឃឿន តាមរយៈបងប្អូនណែនាំឲ្យជួបគ្នា និងបានចាប់ចិត្តស្រលាញ់នាងរហូតនាំម្តាយ និងបងប្អូនទៅចូលដណ្តឹងនាងកាលពីអំឡុងខែមិនា ឆ្នាំ២០១៦ ដោយសន្យាថា នឹងរៀបការនៅថ្ងៃទី១៥ ខែឧសភា ឆ្នាំ២០១៦នេះ តែអ្វីៗត្រូវបានរលាយអស់ទៅហើយ ។
បុរសរូបនោះបានឲ្យដឹងទៀតថា បន្ទាប់ពីចូលដណ្តឹង ម្តាយខាងស្រីក៏បានយល់ព្រម ដោយទារថ្លៃទឹកដោះចំនួន២ពាន់ដុល្លារ ដែលយកទៅប្រគល់ឲ្យខាងស្រីកាលពីថ្ងៃទី១៤ ខែមេសា ឆ្នាំ២០១៦ ។ បន្ទាប់ពីចូលដណ្តឹង និងបានប្រគល់ប្រាក់ថ្លៃទឹកដោះរួច ពួកគេទាំង២នាក់ក៏បាននាំគ្នាមកផ្ទះជួលនៅទួលសង្កែសាងស្នេហ៍យ៉ាងល្អូកល្អឺនជាមួយគ្នា ។ នៅពេលជិតដល់ថ្ងៃរៀបការ ខ្លួនចេះតែសួរគូដណ្តឹងរបស់ខ្លួន ថ្ងៃណារៀបការ នៅពេលសួរយូរៗទៅ ស្រាប់តែគូដណ្តឹធុញទ្រាន់ និងបានរត់គេចខ្លួនបាត់កាលពីថ្ងៃទី១៧ ខែឧសភា ឆ្នាំ២០១៦ ដោយបន្សល់ទុកម៉ូតូហុងដា ឌ្រីម សេ១២៥ មួយគ្រឿង ។
បុរសអភ័ព្វរូបនោះបានឲ្យដឹងទៀតថា បន្ទាប់ពីនាងរត់គេចខ្លួន ក៏បានទាក់ទងតាមទូរស័ព្ទទៅនាងដែរ តែត្រូវនាងប្រាប់ឲ្យដឹងថា នាងមិនវិលត្រឡប់មកវិញនោះទេ ចំណែកលុយថ្លៃទឹកដោះចាំនាងសងវិញ ។ ម្យ៉ាងទៀត ដោយប្រាក់ថ្លៃទឹកដោះក៏មិនឃើញសង និងម៉ូតូរបស់នាងនៅផ្ទះខ្លាចអាចក្លាយជាមានបញ្ហា ក៏បានមកប្តឹងនគរបាលសូមឲ្យជួយអន្តរាគមន៍ ដើម្បីទាមទារប្រាក់ថ្លៃទឹកដោះនោះមកវិញ ហើយត្រូវនគរបាលណែនាំឲ្យទៅប្តឹងនៅស្រុកវិញ ។
បុរសរូបនោះនោះបានបញ្ជាក់ឲ្យដឹងទាំងទឹកមុខស្រងូតស្រងាត់មុននឹងចាកចេញពីប៉ុស្តិ៍ននគរបាលថា មិនគួរអូនដាច់ចិត្តអ្វីម្ល៉េះទេ បើមិនស្រលាញ់បងហេតុអ្វីក៏ភ្ជាប់ពាក្យជាមួយបងធ្វើអ្វី ឲ្យបងលង់ទាំងចិត្ត លង់ទាំងកាយ និងអស់សង្ឃឹមយ៉ាងខ្លាំងបែបនេះ ៕
ចែករំលែកព័តមាននេះ