ខេត្តកំពង់ស្ពឺ ៖ តៃកុងរថយន្តបែនអត់ពន្ធមួយគ្រឿងដែលបានបើកបុកបារ៉ាស់សមត្ថកិច្ច និងបកក្រោយបណ្តាលឱ្យប៉ះរថយន្ត សុឺរ៉ែន បណ្តាលអោយខូចខាតផងនោះ ពេលនេះយល់ព្រមសងការខូចខាត និងបង់ពិន័យតាមនីតិវិធីដោយពុំមានប្រកែកតវ៉ាអ្វីឡើយ ព្រោះនេះគឺជាកំហុសរបស់គាត់ដែលបើកបរគ្មានប័ណ្ណបើកបរ និងប្រើប្រាស់រថយន្តគ្មានពន្ធត្រឹមត្រូវ…
ខេត្តកំពង់ស្ពឺ ៖ តៃកុងរថយន្តបែនអត់ពន្ធមួយគ្រឿងដែលបានបើកបុកបារ៉ាស់សមត្ថកិច្ច និងបកក្រោយបណ្តាលឱ្យប៉ះរថយន្ត សុឺរ៉ែន បណ្តាលអោយខូចខាតផងនោះ ពេលនេះយល់ព្រមសងការខូចខាត និងបង់ពិន័យតាមនីតិវិធីដោយពុំមានប្រកែកតវ៉ាអ្វីឡើយ ព្រោះនេះគឺជាកំហុសរបស់គាត់ដែលបើកបរគ្មានប័ណ្ណបើកបរ និងប្រើប្រាស់រថយន្តគ្មានពន្ធត្រឹមត្រូវ ។
ការសុំទោសជាសាធារណៈនេះ ធ្វើឡើងនាព្រឹកថ្ងៃទី០៦ មករា នេះ ដែលតែកុងរថយន្តបង្ករូបនេះ បានយល់ព្រមបង់ការផាកពិន័យតាមបារ៉ែម និងសុំធ្វើការជួសជុលរថយន្តរបស់សមត្ថកិច្ចឲ្យបានស្អាតល្អឡើងវិញ ។ ក្នុងនោះផងដែរ តៃកុងឡានបង្កបានធ្វើការសុំទោសជាសាធារណៈនិងចំពោះបងៗសមត្ថកិច្ចដែលចុះអនុវត្តច្បាប់ចរាចរណ៍ផ្លូវគោកដោយសន្យាថា និងយករថយន្តរបស់ខ្លួនទៅបង់ពន្ធឲ្យបានត្រឹមត្រូវ ហើយរូបគេនិងប្រលងយកប័ណ្ណបើកបរដោយមិនបើកបរដោយគ្មានប័ណ្ណបើកបរដូចនេះទៀតឡើយ។
សូមរម្លឹកថា កាលពីថ្ងៃទី០៤ មករា ២០២២ សមត្ថកិច្ចនគរបាលនាយកដ្ឋានសណ្ដាប់ធ្នាប់ចរាចរណ៍ បានដាក់គោលដៅត្រួតពិនិត្យច្បាប់ចរាចរណ៍នៅចំណុចគីឡូម៉ែត្រលេខ 14-15 ឃុំព្រៃញាតិស្រុកគងពិសី ខេត្តកំពង់ស្ពឺ ដើម្បីធ្វើការត្រួតពិនិត្យបច្ចេក ទេសយានយន្ត ស្រាប់តែពេលកំពុងអនុវត្តមានរថយន្តមួយគ្រឿងម៉ាកនីស្សាន់ ពណ៌ខ្មៅ បានបើកបុកបារ៉ាស់ហើយបកក្រោយគេចពីគោលដៅ បណ្ដាលឲ្យបុករថយន្តសុឺរ៉ែនរបស់សមត្ថកិច្ចមួយគ្រឿងទៀត បណ្ដាលឲ្យមានការខូចខាតផងដែរ។
ដោយមានការធានាអះអាងពីអាណាព្យាបាល និងយល់ព្រមជួសជុលរថយន្តជូនសមត្ថកិច្ចវិញផងនោះ នៅព្រឹកថ្ងៃទី០៦ មករានេះ សមត្ថកិច្ចបានធ្វើឯកសាររាយការណ៍ជូនថ្នាក់ដឹកនាំនឹងអនុញ្ញាតឲ្យតៃកុងឡានបង្ករូបនេះត្រឡប់ទៅលំនៅឋានវិញបន្ទាប់ពីរូបគេបានធ្វើការបង់ពិន័យតាមច្បាប់បានកំណត់រួចមក៕
ចែករំលែកព័តមាននេះ