ប្រទេសរុស្សុី និងបណ្ដាសម្ព័ន្ធមិត្ត ក្នុងអង្គការសន្ធិសញ្ញាសន្តិសុខរួម OTSC ប្រកាសនាថ្ងៃទី៦ ខែមករា ឆ្នាំ២០២២ ពីការបញ្ជូនកងកម្លាំងរួមថែរក្សាសន្តិភាពមួយ ទៅកាន់
ប្រទេសកាហ្សាក់ស្ថាន ៖ ប្រទេសរុស្សុី និងបណ្ដាសម្ព័ន្ធមិត្ត ក្នុងអង្គការសន្ធិសញ្ញាសន្តិសុខរួម OTSC ប្រកាសនាថ្ងៃទី៦ ខែមករា ឆ្នាំ២០២២ ពីការបញ្ជូនកងកម្លាំងរួមថែរក្សាសន្តិភាពមួយ ទៅកាន់ប្រទេសកាហ្សាក់ស្ថាន ដូចការស្នើសុំរបស់អតីតសាធារណរដ្ឋសូវៀតនោះ ដែលពេលនេះកំពុងជួបប្រទះនឹងការបះបោរមួយ។
ប្រធានរបស់ OTSC នាយករដ្ឋមន្ត្រីអាមេនីលោក NIKOL PACHINIAN គូសបញ្ជាក់តាម FACEBOOK ឱ្យដឹងថា សម្ព័ន្ធភាពបានសម្រេចបញ្ចូនកងកម្លាំងរួមថែរក្សាសន្តិភាព សម្រាប់រយៈពេលកំណត់មួយ ដើម្បិធ្វើឲ្យមានស្ថេរភាព និងធ្វើឲ្យសភាពការណ៍វិលមករកប្រក្រតីភាពវិញ ក្នុងប្រទេសនេះ ដែលកំពុងជួបប្រទះនឹងការបង្កហេតុមួយ ដោយសារការជ្រៀតជ្រែកមកពីខាងក្រៅ។
ប្រធានាធិបតីកាហ្សាក់ស្ថាន កាលពីយប់ថ្ងៃទី៥ ខែមករា បានចេញការប្រកាសអាសន្នមួយ និងស្នើជំនួយរបស់ OTSC ប្រឈមមុខនឹងការគំរាមកំហែងភេរវកម្មរបស់ពួកបះបោរ ដែលបណ្ដាមនុស្សលើកគ្នាលុកលុយចូល ក្នុងបណ្ដាអគាររដ្ឋាភិបាល របស់ប្រទេសនៅអាស៊ីកណ្ដាល សម្បូរដោយធនធានធម្មជាតិ ជាពិសេសប្រេងកាតនោះ ។
តាមក្រសួងមហាផ្ទៃកាហ្សាក់ស្ថាន បានក៏ដកស្រង់សម្ដីដោយបណ្ដាសារព័ត៌មានក្នុងស្រុកថា សមាជិកកងកម្លាំងសន្តិសុខយ៉ាងតិច៨នាក់បានត្រូវស្លា.ប់ និង៣១៧នាក់ទៀតរងរងរបួស។
ប្រធានាធិបតីកាហ្សាក់ស្ថាន លោក KASSYM JOMART TOKAIEV ដែលប្រឈមមុខនឹងបាតុកម្ម ផ្ទុះឡើងកាលពីថ្ងៃទី២ ខែមករា មក នៅភាគខាងលិចប្រទេសក្រោយការឡើងថ្លៃឧស្ម័ន បន្ទាប់មករីករាលដាលកាន់តែខ្លាំង រហូតដល់ក្លាយទៅជាការបះបោរកាលពីយប់ថ្ងៃទី៤ មកថ្ងៃទី៥ ខែមករា នៅទីក្រុងអាល់ម៉ាទី រដ្ឋធានីសេដ្ឋកិច្ច និងជាទីក្រុងធំបំផុតរបស់ប្រទេសអះអាងថា បណ្ដាក្រុមភេរវករដែលទទួលការហ្វឹកហ្វឺនដោយស៊ីជម្រៅនៅបរទេស បានដឹកនាំធ្វើបាតុកម្មនានា។ បណ្ដាក្រុមឧក្រិដ្ឋជន បានវាយប្រហារលើកងទាហានយើង ប្រមាថចាប់ពួកគេសម្រាតខោអាវអូសតាមដងវិថី ចាប់រំលោភនារី ប្លន់បណ្ដាហាងទំទិញ ។
ក្រោយពេល១យប់ នៃចលាចលដែលនាំទៅដល់ការចាប់ខ្លួនមនុស្សជាង២០០នាក់ បាតុករច្រើនពាន់នាក់ បានលុកលុយចូលទីតាំងរដ្ឋាភិបាលនៅក្រុងអាល់ម៉ាទី កាលពីរសៀលថ្ងៃទី៥ ខែមករា ដែលហាក់ដូចជាដណ្ដើមកាន់កាប់ទីនោះ។ កងកម្លាំងប៉ូលិសបានបាញ់ឧស្ម័នបង្ហូរទឹកភ្នែក តែមិនអាចរារាំងពួកគេមិនឲ្យលុកចូលខាងក្នុងបាន។
បណ្ដាសារព័ត៌មានក្នុងស្រុករាយការណ៍ថា ពួកបាតុករ បន្ទាប់មកបានលើកគ្នាឆ្ពោះមកកាន់និវេសនដ្ឋានប្រធានាធិបតី ក្នុងទីក្រុងអាល់ម៉ាទីនិងថាអគារ២រងការដុត។
ក្នុងការខិតខំប្រឹងប្រែងដោះស្រាយវិបត្តិប្រធាធិបតី បានឲ្យរដ្ឋាភិបាលលាលែងនិងចេញការប្រកាសអាសន្ន ក្នុងតំបន់ជាច្រើនក្នុងនោះមាននៅក្រុងអាល់ម៉ាទី និងរដ្ឋធានី NUR SULTAN ដែលទើបដាក់ឈ្មោះនោះនាពេលថ្មីៗនេះ ជាកិត្តិយសដល់អតីតប្រធានាធិបតី NOURSOULTAN NAZARBAIEV។ បំរាមគោចរណ៍មានជាធរមាន ចាប់ពីម៉ោង២៣ដល់ម៉ោង៧ព្រឹកម៉ោងក្នុងស្រុក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ