ពិតណាស់ មហាជន និងបងប្អូនអ្នកតាមដានស្នេហាវិស័យបវរកញ្ញាកម្ពុជា ជាច្រើនបានតាមដាន និងរាល់សកម្មភាព បវរកញ្ញាទាំងនោះដែលបានឆក់ឱកាសចេញទៅប្រកួតលើឆាកអន្តរជាតិ
រាជធានីភ្នំពេញ ៖ ពិតណាស់ មហាជន និងបងប្អូនអ្នកតាមដានស្នេហាវិស័យបវរកញ្ញាកម្ពុជា ជាច្រើនបានតាមដាន និងរាល់សកម្មភាព បវរកញ្ញាទាំងនោះដែលបានឆក់ឱកាសចេញទៅប្រកួតលើឆាកអន្តរជាតិ។
បវរកញ្ញាទាំងនោះត្រូវបានមើលឃើញថា បានខិតខំពាំនាំមកនូវភាពលេចធ្លោមួយចំនួន មកអោយជាតិខ្លួន។ ដូចនេះហើយ ទើបធ្វើអោយគេមើលឃើញថា វិស័យបវរកញ្ញាបច្ចុប្បន្នរបស់ ប្រទេសកម្ពុជា មានការទាក់ទាញ ហើយកំពុងតែមានប្រជាប្រិយភាពផងដែរ។
កម្មវិធីប្រកួតបវរកញ្ញាមួយចំនួន ដែលខាងកម្ពុជាយើងធ្វើការប្រកួតប្រជែង ហើយរមែងជ្រើសនារីឆ្លាត ពូកែ និងក្លាហាន អោយមានឱកាសចេញទៅប្រកួត ក្នុងនោះមានកម្មវិធីប្រកួត Miss Grand Miss Universe Miss World Miss International ជាដើម។
ក្នុងនោះ ប្រទេសឥណ្ឌា ដណ្តើមបានមកុដជាច្រើន ដែលមានប្រវត្តិធ្វើអោយគេស្ងើចសរសើរដូចជានៅក្នុងកម្មវិធីចក្រវាឡ បានយកមកុដ៣លើក (Miss Universe – 1994, 2000, 2021) ផ្នែកបវរកញ្ញា ពិភពលោក បានក្រសោបតំណែង 6 លើក (Miss World – 1966, 1994, 1997, 1999, 2000, 2017). ។ ផ្នែកកញ្ញាឯកអន្តរជាតិ ដណ្តើមបាន២ដង (Miss Intercontinental – 1978, 1997) ។
ដោយឡែក ស្រីស្អាតកម្ពុជា ដែលជានារីកំពូលសម្រស់ចេញពីកម្មវិធីប៉ុន្មានរូបផ្សេងៗបានធ្វើអោយឆាក នៅអន្តេជាតិផ្ទុះការគាំទ្រជាខ្លាំង ដូចជាផ្តើមពី រ៉េត សារីតា ដែលឆក់បានការគាំទ្រអំឡុងពេលចេញទៅប្រកួត Miss Universe 2020 នៅសហរដ្ឋអាមេរិក នាងមានមាឌល្អិត តែចិត្តក្លាហាន មិនចាញ់ឧបសគ្គ។ បវរកញ្ញា សាច់សរលោង លីវ ជីលី ក៏ផ្ទុះដោយសំឡេងទាក់ទាញខ្លាំង ក្រោយប្រឡងចូលដល់២០ ប្រទេសចុងក្រោយ នៃការប្រកួត Miss Grand ឆ្នាំ២០២០ នៅប្រទេសថៃ។ អ្នកទាំង២រូបនេះ បានបង្កអោយមានការតាមដានវិស័យបវរកញ្ញាច្រើនឡើងនាទឹកដីកម្ពុជា។
ក្នុងឆ្នាំ២០២១នេះវិញ ស្រីស្អាតផ្សេងទៀតត្រូវបានជ្រើសតាំងតំណាងជាតិកម្ពុជា ដើម្បីប្រកួតលើឆាកអន្តរជាតិហើយទទួលបានឱកាសល្អៗ លេចធ្លោមិនធម្មតា ដូចជា ប៉ូគីមថេង សុទ្ឋធីតា បានក្លាយជារាជនី១០ប្រទេសចុងក្រោយ នៃការប្រកួត Miss Grand International 2021 នៅប្រទេសថៃ បង្កបានចំណាប់អារម្មណ៍ខ្ពស់លើប្រទេសផ្សេងៗមិនធម្មតា។ នាងតូចចិត្តមុត ងិន ម៉ារ៉ាឌី ក៏ខ្លាំងម្នាក់ដែរ ដ្បិតតែនាងមិនឡើងដល់តំណែងអ្វីដែលចង់បាន តែនាងត្រូវបានលើកឡើងថា ធ្វើបានល្អបំផុត។ នាងបានចេញទៅប្រកួតក្នុងកម្មវិធីបវរកញ្ញាចក្រវាឡ លើកទី៧០ ក្នុងប្រទេសអ៊ីស្រាអែល។
ហើយក្នុងការចេញទៅប្រកួត ម៉ារ៉ាឌី បានធ្វើអោយគេចាប់អារម្មណ៍ក្នុងឈុតតំណាងជាតិ។ បវរកញ្ញា ពិភពលោក Miss wold កម្ពុជា ភុំ សោភ័ណ្ឌ ក៏ធ្វើអោយមានការតាមដានដែរ ក្រោយពេលឡើងទៅប្រកួតនៅប្រទេសព័រតូរីកូ។ ការប្រកួតរបស់នាង បានផ្អាកលើកពេល៩០ថ្ងៃ ដោយសារ តែកម្មវិធីនោះ មាននារីតំណាងប្រទេសមួយចំនួនបានឆ្លងកូវីដ១៩ ដែលរីករាលដាលបន្តគ្នាពេក។
ដូច្នេះមានតែរង់ចាំមើលថា តើឆ្នាំ២០២២ មាននារីឆ្លាតវៃកម្ពុជារូបណាដែលអាចឆក់បានការទាក់ទាញបន្តទៀតអោយអ្នកតាមដានបានដឹង និងលើកសរសើរ?។
ចែករំលែកព័តមាននេះ