រាជធានីភ្នំពេញ ៖ ក្រុមហ៊ុន SUGAR France ដែលជាក្រុមហ៊ុនផលិតទូរស័ព្ទដៃវៃឆ្លាតបែប Fashion ដំបូងគេនៅលើពិភពលោក បានចាប់ដៃគូជាមួយក្រុមហ៊ុនដ៏ល្បីមួយ បើកដំណើរការការិយាល័យតាំងបង្ហាញ និងសេវាកម្មបម្រើអតិថិជនរបស់ខ្លួនជាផ្លូវការនៅរាជធានីភ្នំពេញ ប្រទេសកម្ពុជា ។ តាមការរួមបញ្ចូលគ្នានៃការរចនាល្អប្រណីតរបស់ត្បូងចរណៃ SWAROVSKI ZIRCONIA ដ៏ល្បីល្បាញជាមួយនឹងវត្ថុធាតុដើមល្អៗបំផុតសម្រាប់ផលិតស្មាតហ្វូនធ្វើឱ្យទូរស័ព្ទម៉ាករបស់បារាំងថ្មីមួយនេះ កាន់តែទទួលបានការចាប់អារម្មណ៍យ៉ាងខ្លាំងពីសំណាក់អ្នកប្រើប្រាស់ទូទៅ ។
នៅក្នុងពិធីប្រកាសលក់ជាផ្លូវការទូរស័ព្ទឆ្លាតវៃ SUGAR France នៅផ្លូវសុធារស កាលពីល្ងាចថ្ងៃទី១២ មិថុនា ២០១៦ លោក យិន ឌីណា ប្រធានផ្នែកលក់ និងទីផ្សារប្រចាំប្រទេសកម្ពុជា បានឱ្យដឹងថា ទូរស័ព្ទ SUGAR France ត្រូវបានផលិតឡើងដំបូងគេនៅឆ្នាំ២០១៣ នៅប្រទេសបារាំង ។ វាកំពុងចរាចរលក់លើទីផ្សារធំៗដូចជាបារាំង ហុងកុង ចិន ម៉ាកាវ ឌូបៃ តៃវ៉ាន់ និងប្រទេសកម្ពុជា ។ SUGAR France រចនាឡើងយ៉ាងល្អឥតខ្ចោះ ទាន់សម័យបែប Fashion របស់បារាំង ដែលអាចផ្ដល់ទំនុកចិត្តដល់អ្នកប្រើប្រាស់ទាំងផ្នែក Hardware Software និងសេវាកម្មជួសជុលផងដែរ ។ លោកនិយាយថា «ថ្ងៃនេះ យើងមានសេចក្តីសោមនស្សរីករាយ សូមប្រកាសនូវការបើកដំណើរការការិយាល័យតាំងបង្ហាញផលិតផល និងសេវាទទួលជួសជុលដំបូងគេ ដើម្បីអនុញ្ញាតឱ្យអតិថិជនចូលធ្វើតេស្តសាកល្បងប្រើប្រាស់ទូរស័ព្ទរាងកាលីបបែប Fashion តេស្តមើលត្បូងចរណៃ Swarovski ភ្លឺល្អដូចគ្រាប់ពេជ្រពិតៗពីធម្មជាតិ និងទទួលបានសេវាកម្មប្រកបដោយទំនុកចិត្តក្រុមហ៊ុនផ្ទាល់» ។
លោកបន្តថា អាស្រ័យលើទស្សនៈគោលការណ៍នៃការរចនាយ៉ាងពិសេសជាងគេ ជាមួយនឹងការផ្សាភ្ជាប់នឹងគ្រឿងអលង្ការដ៏ល្អប្រណីត លក្ខណៈពិសេសរបស់ទូរស័ព្ទខ្ពស់ Version ចុងក្រោយ និងមុខងារកាមេរ៉ា ប្រកបដោយភាពច្នៃប្រឌិតពិសេសជាងគេ ក្រុមហ៊ុន SUGAR France បានរួសរាន់សិក្សាពីក្រុមដែលចូលចិត្តបែប Fashion នៅប្រទេសបារាំង ដែលប្រាថ្នាចង់មានបទពិសោធន៍ប្លែក និងបែបស្ទីលថ្មី ។ SUGAR France ក៏បាននិងកំពុងណែនាំទូរស័ព្ទថ្មីចំនួនពីរម៉ូដែលមកកាន់ទីផ្សារប្រទេសកម្ពុជា រួមមាន SUGAR C7 ដែលមានសេនសឺរស្គេនក្រយ៉ៅដៃលឿនជាងគេបំផុត និង SUGAR Y7 ដែលមានអេក្រង់កាន់តែធំស្រួលប្រើ ៕
ចែករំលែកព័តមាននេះ