ការហាត់ប្រាណទៀងទាត់មិនត្រឹមតែជួយឱ្យល្អប្រសើរដល់សុខភាពផ្លូវកាយនិងផ្លូវចិត្តប៉ុណ្ណោះទេ ប៉ុន្តែថែមទាំងអាចជួយធ្វើឱ្យល្អប្រសើរដល់សុខភាពផ្លូវភេទបុរសផងដែរ ។ តើលំហាត់ប្រាណប្រភេទណាខ្លះដែលជួយ
ការហាត់ប្រាណទៀងទាត់មិនត្រឹមតែជួយឱ្យល្អប្រសើរដល់សុខភាពផ្លូវកាយនិងផ្លូវចិត្តប៉ុណ្ណោះទេ ប៉ុន្តែថែមទាំងអាចជួយធ្វើឱ្យល្អប្រសើរដល់សុខភាពផ្លូវភេទបុរសផងដែរ ។ តើលំហាត់ប្រាណប្រភេទណាខ្លះដែលជួយពង្រឹងសមត្ថភាពមួយនេះ ?
១-លើកទម្ងន់ ៖ ជាទូទៅលើកទម្ងន់គឺជាការហ្វឹកហាត់កម្លាំងរាងកាយឱ្យមាំមួន។ លោកថា នៅពេលប្រឹងលើក រាងកាយក៏ផលិត Testosterone ដែលជាអ័រម៉ូនជំរុញកម្លាំងភេទបុរស។ ការសិក្សាស្រាវជ្រាវមួយចំនួនបានបង្ហាញថា រាល់លំហាត់ប្រាណដែលបង្កើនសាច់ដុំគឺសុទ្ធតែជួយពង្រឹងដល់ថាមពលភេទបុរសក្នុងនោះមានដូចជា អាវ៉ង់ អង្គុយពាក់កណ្តាល ដេកងើបចុះឡើងដោយប្រើកម្លាំងក្បាលពោះ ។
២-លំហាត់ប្រាណ Kegels ៖ ការធ្វើលំហាត់ប្រាណ Kegels (មើលក្នុងរូបភាព)ត្រូវគេចាត់ទុកថាជួយជំរុញកម្លាំងភេទបុរសពីព្រោះ វាជួយដល់ភាពអំណត់និងគ្រប់គ្រងអារម្មណ៍តាមរយៈការពើងខ្នងនិងគូទឱ្យផុតពីកម្រាល ។ បុរសអាចធ្វើលំហាត់ប្រាណបែបនេះដើម្បីពន្យារការឆាប់ចេញទឹកកាម ។
៣-លំហាត់ប្រាណយោគ ៖ អនុវត្តលំហាត់ប្រាណបែបនេះនឹងជួយឱ្យជីវិតផ្លូវភេទបានល្អប្រសើរខណៈរាងកាយអាចពត់ពេនគ្រប់ជំហរ។ អ្នកនឹងទទួលបានភាពស្រណុកស្រួលដល់កំពូលអំឡុងពេលរួមភេទ ។
៤-លំហាត់ប្រាណដើរញាប់ ៖ ការសិក្សារបស់ក្រុមអ្នកស្រាវជ្រាវសាកលវិទ្យាល័យ Harvard លើបុរស៣ម៉ឺន១ពាន់នាក់វ័យ៥០ឆ្នាំឡើងទៅបង្ហាញថា ការហាត់ប្រាណដូចខាងលើអាចជួយកាត់បន្ថយហានិភ័យបញ្ហាលិង្គមិនងើបរឹងបាន៣០ភាគរយ ។ ការដើរញាប់ចម្ងាយ៣គីឡូម៉ែត្រ អាចដុតបំផ្លាញកាឡូរីយ៉ាងហោចណាស់២០០ក្នុងមួយថ្ងៃ។ ការដើរញាប់គឺជួយសម្រួលដល់លំហូរឈាមទៅសព្វកន្លែងក្នុងរាងកាយ ជាពិសេសបរិវេណលិង្គ ។
៥-ហែលទឹក ៖ ការសិក្សាមួយផ្សេងទៀតរបស់អ្នកស្រាវជ្រាវសាកលវិទ្យាល័យ Harvard បានរកឃើញថា ការហែលទឹករយៈពេល៣០នាទីចំនួន៣ដងក្នុងមួយសប្តាហ៍ជួយឱ្យការរួមភេទបានយូរ ។ ជាងនេះទៅទៀត ហែលទឹកក៏អាចជួយឱ្យចុះទម្ងន់ខ្លួនបានផងដែរ៕
ចែករំលែកព័តមាននេះ