រាជធានីភ្នំពេញ ៖មន្ទីរពេទ្យក្វាងចូវទំនើបផ្នែកមហារីក កាលពីថ្ងៃទី28 ឧសភា កន្លងទៅនេះ បានរៀបចំសិក្ខាសាលាបង្ហាញពីបច្ចេកវិទ្យាថ្មី ព្យាបាលជំងឺមហារីកបន្សល់នូវស្នាមរបួសតិចតួច ដើម្បីផ្តល់ក្តីសង្ឃឹមជាថ្មីសម្រាប់អ្នកកើតជំងឺ
រាជធានីភ្នំពេញ ៖មន្ទីរពេទ្យក្វាងចូវទំនើបផ្នែកមហារីក កាលពីថ្ងៃទី28 ឧសភា កន្លងទៅនេះ បានរៀបចំសិក្ខាសាលាបង្ហាញពីបច្ចេកវិទ្យាថ្មី ព្យាបាលជំងឺមហារីកបន្សល់នូវស្នាមរបួសតិចតួច ដើម្បីផ្តល់ក្តីសង្ឃឹមជាថ្មីសម្រាប់អ្នកកើតជំងឺមហារីក។ ពិធីនេះ ធ្វើឡើងនៅសណ្ឋាគារសុខាភ្នំពេញ ដោយមានការចូលរួមពីលោក វេជ្ជបណ្ឌិត Wu Qing Kai អ្នកជំនាញខាងព្យាបាលជំងឺមហារីក។
លោកសាស្ត្រាចារ្យវេជ្ជបណ្ឌិត Wu qin kai មានប្រសាសន៍ថា ការរៀបចំសិក្ខាសាលារបស់មន្ទីរក្វាងចូវទំនើបផ្នែកមហារីក ពេលនេះមិនត្រឹមតែផ្តល់នូវចំណេះដឹង និងបច្ចេកវិទ្យាថ្មីប៉ុណ្ណោះទេ ថែមទាំងបានរៀបចំនូវការពិគ្រោះពិភាក្សាយោបល់ដល់អ្នកជំងឺមហារីកផ្ទាល់ភ្លាមៗផងដែរ។ មន្ទីរពេទ្យក្វាងចូវទំនើបផ្នែកមហារីក ជាមន្ទីរពេទ្យមានឯកទេសមួយក្នុងការព្យាបាលជំងឺមហារីក ដែលបានបង្កើតឡើងជាង11ឆ្នាំមកហើយ ដែលមានបច្ចេកទេសព្យាបាលតាមស្ដង់ដាអន្តរជាតិ។
ក្នុងឆ្នាំ2014 មន្ទីរពេទ្យក្វាងចូវទំនើបផ្នែកមហារីកត្រូវបានទទួលស្គាល់គុណភាពព្យាបាល ដោយ JCI សហរដ្ឋអាមេរិក ដែលជាការទទួលស្គាល់លក្ខណៈអន្តជាតិទៅលើការគ្រប់គ្រង និងគុណភាពព្យាបាល ។ នៅក្នុងឆ្នាំ2015 មន្ទីរពេទ្យក្វាងចូវ ក៏បានសហការជាមួយសហព័ន្ធ perennial ប្រទេសសិង្ហបុរីផងដែរ ក្នុងគោលបំណងដើម្បីលើកកម្ពស់គុណភាពនៃការព្យាបាលឈានទៅដល់ស្ដង់ដាខ្ពស់បំផុត។
លោកសាស្ត្រាចារ្យវេជ្ជបណ្ឌិត បន្តថា នៅចុងឆ្នាំ2015 កន្លងទៅនេះ មន្ទីរពេទ្យក្វាងចូវ បានធ្វើកំណែទម្រង់ឲ្យប្រសើរឡើងលើគ្រប់វិស័យ, បន្ទប់អ្នកជំងឺ និងបរិក្ខារពេទ្យភាគច្រើនត្រូវបានផ្លាស់ប្ដូរថ្មី ម្យ៉ាងវិញទៀត មន្ទីរពេទ្យក៏បានបង្កើតនូវប្រព័ន្ធពិភាក្សាជំងឺពីចម្ងាយ ដើម្យីផ្ដល់សេវាពិគ្រោះពិភាក្សាយោបល់ដែលមានលក្ខណៈងាយស្រួលមួយដល់អ្នកជំងឺ ។ ចំពោះបច្ចេកវិទ្យាព្យាបាលវិញ ក្នុងឆ្នាំនេះមន្ទីរពេទ្យក្វាងចូវបានស្រាវជ្រាវរកឃើញការព្យាបាលដែលមានលក្ខណៈឈានមុខគេមួយចំនួនដូចជា៖ ការព្យាបាលដោយ Nanoknife system , ជាបច្ចេកវិទ្យាព្យាបាលថ្មី ដែលបន្ថែមពីលើបច្ចេកវិទ្យាព្យាបាលជាច្រើន ។
ការណែនាំអំពីបច្ចេវិទ្យាកាំបិតណាណូ
១-អ្វីជាកាំបិតណាណូ?
កាំបិតណាណូ ដែលភាសាអង់គ្លេសហៅថាNano Knife គឺជាបច្ចេកវិទ្យារំលាយថ្មីមួយសម្រាប់ការព្យាបាលជំងឺមហារីក វាបានកើតចេញពីបច្ចេកវិទ្យានៃថាមពលអគ្គិសនីម្យ៉ាងដែលគេហៅថា Irreversible Electroporation ឬហៅកាត់ថា IRE ដោយប្រើម្ជុលស្ទង់បញ្ចេញនូវតង់ស្យុងអគ្គិសនី ដែលមានកម្លាំងវ៉ុលខ្លាំង ក៏បានបង្កើតជា Irreversible Electroporation តូចៗជាច្រើន ដើម្បីធ្វើការវាយប្រហារទៅលើភ្នាសកោសិកាមហារីក និងបំផ្លាញនូវតុល្យភាពទាំងក្នុង និងក្រៅនៃកោសិកាមហារីក ដែលញ៉ាំងឲ្យកោសិកាមហារីកងាប់បានយ៉ាងឆាប់រហ័ស។
២-ការប្រើប្រាស់កាំបិតណាណូក្នុងវេជ្ជសាស្ត្រ
ក្នុងខែវិច្ឆិកា ឆ្នាំ២០១១ កាំបិតណាណូ ត្រូវបាននាយកដ្ឋាន FDA នៃក្រសួងសុខាភិបាល នៃសហរដ្ឋអាមេរិក បានអនុញ្ញាតិឲ្យប្រើប្រាស់ក្នុងវិស័យវេជ្ជសាស្ត្រ ហើយក៏បានឆ្លងកាត់ការទទួលស្គាល់ពី CE នៃសហព័ន្ធអឺរ៉ុបផងដែរ។ ថ្មីៗនេះ ក៏មានមន្ទីរពេទ្យព្យាបាលជំងឺមហារីកជាង១០០មន្ទីរពេទ្យ បាននិងកំពុងប្រើប្រាស់កាំបិតណាណូ ក្នុងវិស័យវិជ្ជសាស្ត្រផងដែរ។ នៅក្នុងខែមិថុនា ឆ្នាំ២០១៥ ក្រសួងសុខាភិបាលនៃប្រទេសចិន ក៏បានអនុញ្ញាតិឲ្យប្រើប្រាស់កាំបិតណាណូ ក្នុងការព្យាបាលជំងឺមហារីកផងដែរ។
៣-ឧត្តមភាពនៃបច្ចេកវិទ្យាកាំបិតណាណូ
ក. ពេលវេលារំលាយលឿន
នៅពេលព្យាបាលជំងឺមហារីកដែលមានលក្ខណៈរឹង និងមានអង្កត់ផ្ចិត៣សង់ទីម៉ែត្រ គឺពួកយើងប្រើប្រាស់ពេលវេលាមិនលើសពី៥នាទីនោះទេ។ រីឯការចាក់បញ្ចូលម្ជុលស្ទង់ប្រើប្រាស់ពេលវេលាតែ០,៩វិនាទីតែប៉ុណ្ណោះ ការព្យាបាលមួយក្រុមៗប្រើពេលមិនលើសពី១នាទីនោះទេ។ សូម្បីតែតំបន់រំលាយមានដុំត្រួតលើគ្នា៣-៤ក៏ដោយ បន្ទាប់ពីការព្យបាលចប់សព្វគ្រប់ បូករួមនឹងសុខភាពល្អផងនោះ អ្នកជំងឺអាចវិលត្រឡប់ទៅគេហដ្ឋានវិញនៅថ្ងៃដដែល ឬ២ថ្ងៃបន្ទាប់។
ខ. សរសៃឈាម សរសៃប្រសាទ និងជាលិកាដែលស្ថិតនៅក្នុងមជ្ឈដ្ឋានព្យាបាល មិនបានតម្រូវឲ្យកាត់ផ្តាច់
គុណសម្បត្តិនៃការព្យាបាលដោយការរំលាយរបស់កាំបិតណាណូ មួយទៀតនោះ គឺវាអាចរក្សាបាននូវសរីរាង្គខាងក្នុងសំខាន់ៗដែលស្ថិតនៅមជ្ឈដ្ឋានការព្យាបាលដោយរំលាយ។ សរសៃឈាម បំពង់ទឹកប្រមាត់ សរសៃប្រសាទ បំពង់បង្ហូរទឹកនោម ដែលស្ថិតនៅក្នុងមជ្ឈដ្ឋានរំលាយ ត្រូវបានរក្សាទុកដដែល ដោយមិនមានការប៉ះពាល់ ឬការរើឡើងណាមួយវិញឡើយ។ ប្រព័ន្ធសំខាន់ៗដូចជាសរសៃឈាមរបស់ថ្លើម សរសៃថ្លើម ដែលពួកវាស្ថិតនៅក្នុងការព្យាបាលដោយកាំបិតណាណូ នៃជាលិការបស់ថ្លើម តែទទួលបានការថែទាំយ៉ាងប្រសើរ។
គ. ការរំលាយដោយមិនប្រើកម្តៅ
ការរំលាយដោយកាំបិតណាណូ ផ្តោតសំខាន់ទៅលើការការចាក់បញ្ចូលទៅកាន់ជាលិកាដែលខូច តាមប្រព័ន្ធអគ្គិសនី។ រីឯវិធីសាស្ត្ររំលាយធម្មតាបានធ្វើឲ្យប្រូតេអ៊ីនដែលនៅក្នុងខ្លួន មានការប្រែប្រួលដោយសារការបង្កើនកំដៅ ឬបន្ថយកំដៅ ដែលធ្វើឲ្យប្រូតេអ៊ីន និង DNA ដែលនៅក្នុងខ្លួនត្រូវបានបំផ្លាញ ហើយប្រព័ន្ធដែលបានរៀបរាប់ខាងលើ ក៏ទទួលបានផលប៉ះពាល់ដែលមិនអាចជួសជុលវិញបាន។ នៅពេលតំបន់ដែលធ្វើការរំលាយនោះ ក៏បានកាត់ផ្តាច់នូវសរសៃឈាមជាច្រើន ហើយកំដៅក៏បានហូរទៅជាមួយឈាម បណ្តាលឲ្យការរំលាយជុំវិញមិនបានពេញលេញ ងាយនឹងជំងឺរើឡើងវិញ។
ឃ. ការព្យាបាលយ៉ាងហ្មត់ចត់ និងការព្យាបាលកំណត់ព្រំដែនច្បាស់លាស់
គុណសម្បត្តិមួយទៀតរបស់កាំបិតណាណូ គឺវាមិនខ្វល់ថា ដុំមហារីកកើតឡើងនៅទីណា ទំហំធំប៉ុណ្ណា ឬរូបរាងយ៉ាងណានោះទេ វាសុទ្ធតែអាចធ្វើការរំលាយដុំមហារីកទាំងនោះបានទាំងស្រុងផងដែរ។ ព្រំដែនកំណត់យ៉ាងច្បាស់លាស់នៃតំបន់ដែលត្រូវព្យាបាល និងតំបន់ដែលមិនត្រូវព្យាបាល មិនមានបន្សល់ទុកនូវសាច់ពណ៌ប្រផះនោះទេ និងកាត់បន្ថយនូវអត្រារើឡើងវិញផងដែរ។
ចែករំលែកព័តមាននេះ