ខេត្តបន្ទាយមានជ័យ ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា រថយន្ត០២គ្រឿងរបស់ថៃបានចូលដឹកពលករជិត៣០នាក់ក្នុងដីខ្មែរញាត់ណែនដូចកាតំនៅចំណុចច្រករបៀងទំនប់ដាច់ ស្ថិតក្នុងឃុំអូរបីជាន់ ស្រុកអូរជ្រៅ នាំចូលទៅថៃដោយគេមិនឃើញសមត្ថកិច្ចខ្មែរទប់ស្កាត់សួរនាំឡើយ ។
ហេតុការណ៍នេះបានកើតឡើងកាលពីថ្ងៃទី២៧ ឧសភា ២០១៦ ។
សេចក្តីរាយការណ៍បានបន្តថា រថយន្តថៃទាំង២គ្រឿងនោះពាក់ស្លាកថៃព៌ណដូចគ្នា មួយគ្រឿងដឹកកាបូបនិងអីវ៉ាន់របស់ពលករនិងមួយគ្រឿងទៀតប្រភេទ១២កៅអី ដឹកពលករខ្មែរ២៧នាក់ បើកចេញទៅប្រទេសថៃដោយរលូន បន្ទាប់ពីសមត្ថកិច្ចយោធាព្រំដែនបិទបើកបារ៉ាស់ឲ្យ ដោយគ្នាការសួរនាំទប់ស្កាត់ឡើយ សង្ស័យត្រូវថ្នាំសណ្តំរបស់ឈ្មួញនាំពលករទៅថៃ ។
ប្រភពបន្តថា ក្រៅពីរថយន្តថៃចូលដឹកពលករខ្មែរក្នុងដីខ្មែរនោះ នៅស្រករបៀងទំនប់ដាច់នេះ ក៍មានរថយន្តធុនយក្សគ្របកៅស៊ូតង់ជិតៗចំនួន៣គ្រឿងចតនៅទីនោះដែរ មិនដឹងថាផ្ទុកទំនិញអ្វីឲ្យប្រាកដឡើយ គ្រាន់តែមន្ត្រីយោធាព្រំដែននិយាយមិនចង់ហើបមាត់ថាជាអង្ករនាំពីប្រទេសវៀតណាមយកទៅឲ្យឈ្មួញថៃ ។
សេចក្តីរាយការណ៍បានបន្តថា មិនតែប៉ុណ្ណោះច្រករបៀងទំនប់ដាច់ ក៍មានឈ្មួញនាំចូលមាន់រស់ពីថៃជារៀងរាល់យប់ថ្ងៃផងដែរ ។ ជុំវិញព័ត៌មាននេះដែរ មន្ត្រីយោធាព្រំដែនមិននិយាយអ្វីបន្ថែមនោះឡើយនៅពេលសួរនាំពីករណីមិនប្រក្រតីមួយចំនួនខាងលើ ៕
ចែករំលែកព័តមាននេះ