លោកយាយវ័យជិត៨០ឆ្នាំមិនចេញក្រៅផ្ទះ៣ថ្ងៃ លុះឆ្ងល់កាត់សោចូលមើល ផ្អើ.លជិតផ្សារស្ទឹងមានជ័យថ្មី
- ភ្នំពេញ
រាជធានីភ្នំពេញ ៖ លោកយាយវ័យ៧៩ឆ្នាំម្នាក់ ត្រូវបានគេប្រទះឃើញដេកស្លា.ប់នៅក្នុងបន្ទប់ផ្ទះល្វែងមួយកន្លែង ស្ថិតនៅជាប់
រាជធានីភ្នំពេញ ៖ លោកយាយវ័យ៧៩ឆ្នាំម្នាក់ ត្រូវបានគេប្រទះឃើញដេកស្លា.ប់នៅក្នុងបន្ទប់ផ្ទះល្វែងមួយកន្លែង ស្ថិតនៅជាប់
រាជធានីភ្នំពេញ ៖ លោកយាយវ័យ៧៩ឆ្នាំម្នាក់ ត្រូវបានគេប្រទះឃើញដេកស្លា.ប់នៅក្នុងបន្ទប់ផ្ទះល្វែងមួយកន្លែង ស្ថិតនៅជាប់នឹងផ្សារស្ទឹងមានជ័យថ្មី ក្នុងក្រុម៤ ភូមិទ្រា៣ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ បង្កអោយមានការភ្ញាក់ផ្អើលកើតឡើងកាលពីវេលាម៉ោង១១ព្រឹកថ្ងៃទី១៥ ខែធ្នូ ឆ្នាំ២០២១ ។
លោកយាយរងគ្រោះឈ្មោះ សេង ហ៊ាង អាយុ៧៩ឆ្នាំ មុខរបរលក់ដូរ មានទីលំនៅក្នុងភូមិឃុំកើតហេតុខាងលើ ។ លោកយាយស្នាក់នៅតែម្នាក់ឯងជាច្រើនឆ្នាំកន្លងមកហើយ ដោយលោកយាយជាស្ត្រីម៉េម៉ាយ មានកូនស្រីម្នាក់ ហើយកូនស្រីរូបនោះបានរស់នៅបែកគ្នាពីលោកយាយរងគ្រោះអស់ជាច្រើនឆ្នាំកន្លងទៅហើយ ។
តាមប្រភពព័ត៌មានពីអ្នកជិតខាងបានអោយដឹងថា មុនពេលកើតហេតុ អស់រយៈពេល៣ថ្ងៃកន្លងមកនេះ មិនឃើញលោកយាយរងគ្រោះចេញពីក្នុងលំនៅឋានមកខាងក្រៅសោះ ដោយលោកអ៊ំប្រុសម្នាក់មានការងឿងឆ្ងល់ និងសង្ស័យ ក៏រាយការណ៍ជូនមេភូមិ ដើម្បីសុំអោយជួយអន្តរាគមន៍ ក្រែងលោកយាយមានបញ្ហាអ្វីនៅខាងក្នុងផ្ទះ ។
តាមប្រភពដដែលបានបន្តថា បន្ទាប់ពីទទួលបានព័ត៌មានខាងលើនេះហើយ លោកប្រធានភូមិបានរាយការណ៍បន្តជូនសមត្ថកិច្ចមូលដ្ឋាន និងបានទាក់ទងទៅជាងអោយចុះមកជួយកាត់សោរទ្វារផ្ទះ ។ លុះពេលកាត់សោរួចហើយ ក៏នាំគ្នាចូលទៅខាងក្នុងផ្ទះ ស្រាប់តែប្រទះឃើញលោកយាយរងគ្រោះខាងលើ ដេកស្លា.ប់លើគ្រែក្នុងបន្ទប់ បង្កការភ្ញាក់ផ្អើលកើតឡើងតែម្តង។
សមត្ថកិច្ចបានពិនិត្យផ្ទះកើតហេតុ និងស.ពរួចមក រកឃើញថា លោកយាយរងគ្រោះ គឺដេកស្លា.ប់តែម្នាក់ឯង ព្រោះផ្ទះកើតហេតុ ជាប់សោពីខាងក្នុង ប៉ុន្តែនេះគ្រាន់តែជាការសន្និដ្ឋានជាជំហានដំបូងរបស់នគរបាលមូលដ្ឋានតែប៉ុណ្ណោះ រង់ចាំនគរបាលជំនាញផ្នែកកោសល្យវិច្ច័យ មកធ្វើការពិនិត្យអោយបានច្បាស់លាស់សិន ដើម្បីកំណត់ឱ្យបាន១០០ភាគរយថា លោកយាយរងគ្រោះស្លា.ប់បាត់បង់ជីវិតដោយសារមូលហេតុអ្វីឱ្យពិតប្រាកដ ។
ជុំវិញករណីខាងលើនេះដែរ បើតាមការអោយដឹងពីនារីម្នាក់ត្រូវជាចៅបង្កើតម្នាក់របស់លោកយាយរងគ្រោះបានឱ្យដឹងថា ៖ លោកយាយរបស់នាងរស់នៅតែម្នាក់ឯងអស់រយៈពេលប្រមាណ២ឆ្នាំកន្លងមកហើយ ដោយរូបនាងតែងតែឧស្សាហ៍ចេញ-ចូលទៅមើលលោកយាយជាបន្តបន្ទាប់ផងដែរ ដោយសារតែម្តាយរបស់នាង និងលោកយាយរងគ្រោះ មានបញ្ហាមិនចុះសម្រុងគ្នា ៕
ចែករំលែកព័តមាននេះ