រាជធានីភ្នំពេញ ៖ កញ្ញា ធី សុវណ្ណថា ដែលអះអាងថាខ្លួនជាយុវជនគាំទ្រគណបក្សសង្គ្រោះជាតិ បាននិយាយនៅក្នុងខ្សែអាត់វីដេអូនបង្ហោះនៅលើ Facebook របស់នាងនៅប៉ុន្មាននាទីមុននេះថា នឹងដឹកនាំមនុស្សជាង១ម៉ឺននាក់
រាជធានីភ្នំពេញ ៖ កញ្ញា ធី សុវណ្ណថា ដែលអះអាងថាខ្លួនជាយុវជនគាំទ្រគណបក្សសង្គ្រោះជាតិ បាននិយាយនៅក្នុងខ្សែអាត់វីដេអូនបង្ហោះនៅលើ Facebook របស់នាងនៅប៉ុន្មាននាទីមុននេះថា នឹងដឹកនាំមនុស្សជាង១ម៉ឺននាក់ធ្វើការគាំទ្រចំណាត់ការរបស់តុលាការក្នុងការចាប់ខ្លួនលោក កឹម សុខា ។
ជាមួយគ្នានេះដែរ ធី សុវណ្ណថា ដែលគេស្គាល់ថាជាយុវនារីធ្វើសកម្មភាពយ៉ាងសកម្មខាងនយោបាយគាំទ្របក្សប្រឆាំងអំឡុងពេលនិងក្រោយការបោះឆ្នោតជាតិឆ្នាំ២០១៣ ក៏បានទាមទារឲ្យលោក កឹម សុខា មានភាពក្លាហានទទួលខុសត្រូវចំពោះមុខច្បាប់ផងដែរ ។
មិនទាន់មានប្រតិកម្មតបភ្លាមៗនៅឡើយទេ ពីមន្ត្រីគណបក្សសង្គ្រោះជាតិ គិតត្រឹមវេលាម៉ោង១និង៣០នាទីរសៀលថ្ងៃទី២៧ ឧសភា ឆ្នាំ២០១៦ ។
ការលើកឡើងរបស់កញ្ញា ធី សុវណ្ណថា ខាងលើនេះ ត្រូវបានក្រុមអ្នកតាមដានស្ថានការណ៍នយោបាយមើលឃើញថា ជាការឆ្លើយតបភ្លាមៗចំពោះសេចក្តីប្រកាសព័ត៌មានស្តីពីលទ្ឋផលនៃកិច្ចប្រជុំគណៈកម្មាធិការអចិន្ត្រៃយ៍គណបក្សសង្គ្រោះជាតិ ដែលប្រកាសធ្វើមហាបាតុកម្មអហិង្សា ប្រសិនបើមានការចាប់ខ្លួនលោក កឹម សុខាមែននោះ ៕
ចែករំលែកព័តមាននេះ