រាជធានីភ្នំពេញ ៖ ឆ្កែរាប់សិបក្បាលត្រូវម្ចាស់របស់វាដឹក ឬបណ្តើរយកទៅជាមួយក្នុងពេលពួកគាត់ទៅកម្សាន្ត ឬហាត់ប្រាណនៅតាមសួនច្បារ បង្កឱ្យជុះនោម ជុះអាចម៍ បណ្តាលឱ្យមានភាពអាប់អួរ និងបរិស្ថានមិនល្អ ក្នុងរាជធានីភ្នំពេញ ។
ដោយសារតែហេតុផលខាងលើនេះ សាលារាជធានីភ្នំពេញបានធ្វើការណែនាំ និងដាក់បំរាមប្រជាពលរដ្ឋឱ្យបញ្ឈប់រាល់សកម្មភាពដឹកសត្វ ទៅជុះនោមដាក់សួនច្បារ ចាប់ពីពេលនេះតទៅ ហើយអាជ្ញាធរនឹងមានវិធានការផាកពិន័យនៅពេលខាងមុខ ប្រសិនបើមានការអប់រំ ហើយមិនស្តាប់ ។
លោកមាន ចាន់យ៉ាដា នាយករដ្ឋបាល និងជាអ្នកនាំពាក្យសាលារាជធានីភ្នំពេញ បានឱ្យកោះសន្តិភាពដឹងតាមរយៈទូរស័ព្ទនៅថ្ងៃទី២៦ ឧសភា ថា បច្ចុប្បន្ន សាលារាជធានីភ្នំពេញបានសង្កេតឃើញមានប្រជាពលរដ្ឋមួយចំនួនតូច បានបណ្តើរសត្វ (ឆ្កែ) ដែលខ្លួនចិញ្ចឹមឱ្យទៅជុះនោមលើសួនច្បារដ៏ស្រស់ស្អាត ហើយទទួលបានការថែទាំយ៉ាងយកចិត្តទុកដាក់ពីសាលារាជធានីភ្នំពេញ ។
ចែករំលែកព័តមាននេះ