ខេត្តកណ្តាល ៖ កម្លាំងចម្រុះបានចាប់រថយន្តដឹកដីចំនួន១៧គ្រឿង និងអេស្កាវ៉ាទ័រចំនួន៨គ្រឿង ព្រមទាំងអាប៊ុលឈូសដីចំនួន៥គ្រឿង ដែលកំពុងជីកកាយដីបឹងរបស់រដ្ឋ ដោយគ្មានច្បាប់អនុញ្ញាត ។ ការចាប់គ្រឿងចក្រខាងលើនេះ ធ្វើឡើងនៅព្រឹកថ្ងៃទី២៣
ខេត្តកណ្តាល ៖ កម្លាំងចម្រុះបានចាប់រថយន្តដឹកដីចំនួន១៧គ្រឿង និងអេស្កាវ៉ាទ័រចំនួន៨គ្រឿង ព្រមទាំងអាប៊ុលឈូសដីចំនួន៥គ្រឿង ដែលកំពុងជីកកាយដីបឹងរបស់រដ្ឋ ដោយគ្មានច្បាប់អនុញ្ញាត ។ ការចាប់គ្រឿងចក្រខាងលើនេះ ធ្វើឡើងនៅព្រឹកថ្ងៃទី២៣ ឧសភា ២០១៦ នេះ ស្ថិតនៅចំណុចដីបឹងជន្លេន ក្នុងឃុំប្ញស្សីជ្រោយ ស្រុកមុខកំពូលខេត្តកណ្តាល ដែលមានផ្ទៃដីបឹងសរុបប្រមាណជាង៦៣ហិកតា ។
លោក វ៉ិត ធារិទ្ធ នាយខណ្ឌរដ្ឋបាលជលផលខេត្តមានប្រសាសន៍ថា ដោយមានសេចក្តីរាយការណ៍ពីសកម្មភាពជីកដីបឹងលក់ដ៏អនាធិបតេយ្យ មន្ត្រីរដ្ឋបាលខណ្ឌជលផលរដ្ឋបាលខេត្តកណ្តាល បានដឹកនាំមន្ត្រីជំនាញ និងកម្លាំងចម្រុះឃាត់រថយន្តជីកដី ឥតច្បាប់ដាក់ឱ្យទទួលការផាកពិន័យទៅតាមផ្លូវច្បាប់ ។
លោក វ៉ិត ធារិទ្ធ នាយខណ្ឌរដ្ឋបាលជលផលខេត្តមានប្រសាសន៍ថា ការដឹកនាំកម្លាំងជំនាញចុះឃាត់គ្រឿងចក្ររាប់សិបគ្រឿង ដែលលោកមេឃុំប្ញស្សីជ្រោយ ឈ្មោះអ៊ុំ ឈុនស្រេង អនុញ្ញាតឱ្យជីកនេះ ធ្វើឡើងតាមចំណាររបស់លោកអភិបាលខេត្តកណ្តាល ដើម្បីឲ្យចុះពិនិត្យដីសហគមន៍នេសាទនេះ ដែលសម្តេចនាយករដ្ឋមន្ត្រីបានសម្រេចប្រគល់ដីបឹងជន្លេនជូនសហគមន៍នេសាទ ទុកសម្រាប់ប្រជាពលរដ្ឋអាស្រ័យផលជាលក្ខណៈគ្រួសារ ។
លោកវ៉ិត ធារិទ្ធ បន្តថា ក្រោយពីការពិនិត្យមន្ត្រីជំនាញ និងសមត្ថកិច្ចបានឃាត់រថយន្ត ក្នុងនោះរួមមានអេស្កាវាទ័រចំនួន៨គ្រឿង រថយន្តដឹកដីចំនួន១៧គ្រឿង អាប៊ុល៥គ្រឿង ដែលជាប់ពាក់ព័ន្ធនឹងបទល្មើសជលផលពីការជីកបឹងជន្លេន ដែលបានធ្វើឡើងអស់រយៈពេលប្រមាណជាជាង២ខែមកហើយ ដែលជីកយ៉ាងអនាធិបតេយ្យទាំងយប់ទាំងថ្ងៃ ។
ចែករំលែកព័តមាននេះ