អតីតនាយករដ្ឋមន្ត្រីជប៉ុនប្រកាសថា មិនអាចឱ្យចិនឈ្លានពានតៃវ៉ាន់បានឡើយ
ជប៉ុន ៖ អតីតនាយករដ្ឋមន្ត្រីជប៉ុនលោក Abe Shinzo បាននិយាយនៅថ្ងៃពុធ ទី១ ធ្នូ នេះថា ជប៉ុននឹងមិនអាចឲ្យការឈ្លានពាន
ជប៉ុន ៖ អតីតនាយករដ្ឋមន្ត្រីជប៉ុនលោក Abe Shinzo បាននិយាយនៅថ្ងៃពុធ ទី១ ធ្នូ នេះថា ជប៉ុននឹងមិនអាចឲ្យការឈ្លានពានរបស់ចិនលើកោះតៃវ៉ាន់កើតឡើងបានឡើយ និងបានព្រមានមេដឹកនាំចិន Xi Jinping កុំឲ្យវាយតម្លៃខុសពីស្ថានភាពក្នុងតំបន់។
លោក Abe Shinzo ត្រូវបានវិទ្យាស្ថានស្រាវជ្រាវគោលនយោបាយជាតិអញ្ជើញឲ្យធ្វើការបកស្រាយអំពីយុគ្គសម័យថ្មីនៃទំនាក់ទំនងរវាងជប៉ុន និងតៃវ៉ាន់។ លោកបានប្រដូចបញ្ហាសន្តិសុខរបស់តៃវ៉ាន់ជាមួយចិន ទៅនឹងបញ្ហារបស់ជប៉ុន ដោយសំដៅលើការឈ្លានពានរបស់ចិនលើដែនទឹករបស់ជប៉ុន។
លោកបានលើកឡើងថា ជប៉ុនត្រូវតែដាក់ពង្រាយកងទ័ពជាមុន ដើម្បីទប់ទល់នឹងការបង្កហេតុជាបន្តបន្ទាប់របស់ចិនពីផ្លូវអាកាស និងសមុទ្រ។
លោកបានបង្ហាញថា កោះជប៉ុនចំនួនពីរគឺកោះ Maejima និងកោះ Yonaguni ស្ថិតនៅចំងាយប្រហែល ១០០គីឡូម៉ែត្រប៉ុណ្ណោះពីតៃវ៉ាន់ ហើយរាល់ការឈ្លានពានរបស់ចិនទៅលើតៃវ៉ាន់គឺជាការគំរា.មកំហែងដ៏ធំដល់ទឹកដីរបស់ជប៉ុន ដូច្នេះទីក្រុងតូក្យូមិនអាចឲ្យរឿងបែបនោះកើតឡើងបាននោះទេ។
លោកនិយាយថា ប្រសិនតៃវ៉ាន់មានបញ្ហា ជប៉ុនក៏នឹងមានបញ្ហាដែរ។ ទំនាក់ទំនងជប៉ុន និងតៃវ៉ាន់ប្រៀបបានទៅនឹងសម្ព័ន្ធភាពរវាងជប៉ុន និងអាមេរិកដូច្នេះដែរ។ ការពិតនេះ ចិនមិនត្រូវមើលស្រាលឡើយ។
អតីតនាយករដ្ឋមន្ត្រីដែលកាន់តំណែងបានយូរបំផុតក្នុងប្រវត្តិសាស្ត្រជប៉ុនរូបនេះបាននិយាយទៀតថា ប្រសិនចិន ចាត់វិធានការយោធាប្រឆាំងតៃវ៉ាន់ វានឹងជះឥទ្ធិពលដល់សេដ្ឋកិច្ចពិភពលោក។ ទីក្រុងប៉េកាំងនឹងរងការវា.យប្រហារដ៏ធំ ខណៈដែលការខានបង់នឹងមានចំនួនលើសពីការទទួលបាន។
លោកបានលើកឡើងទៀតថា តៃវ៉ាន់ និងជប៉ុនគួរពង្រឹងសមត្ថភាពសេដ្ឋកិច្ច និងយោធារបស់ខ្លួន ដើម្បីទប់ទល់នឹងការឈ្លានពានរបស់ចិន ខណៈនេះផងដែរត្រូវបន្តការបញ្ចុះបញ្ចូលទីក្រុងប៉េកាំងឲ្យអនុវត្តន៍ដោះស្រាយសមហេតុផល និងសន្តិវិធី៕ (យោងតាមប្រភព៖ Taiwan News)
ដើម្បីស្តាប់ប្រវត្តិរបស់លោក Abe Shinzo សូមចុច Link ខាងក្រោម ៖https://www.facebook.com/thegreatpeople.kh/videos/1562943837389253
ចែករំលែកព័តមាននេះ