ប្រធានាធិបតីចិនលោកស៊ីជីនពីង កាលពីថ្ងៃទី២៩វិច្ឆិកាបានសន្យា ផ្ដល់វ៉ាក់សាំងប្រឆាំងកូវីដ-១៩ ដល់ទៅ១ពាន់លានដូសទៀតដល់អាហ្វ្រិក។ ការសន្យានោះធ្វើឡើង ក្នុងសុន្ទរកថាមួយរបស់លោក
ប្រទេសចិន-អាហ្វ្រិក ៖ ប្រធានាធិបតីចិនលោកស៊ីជីនពីង កាលពីថ្ងៃទី២៩វិច្ឆិកាបានសន្យា ផ្ដល់វ៉ាក់សាំងប្រឆាំងកូវីដ-១៩ ដល់ទៅ១ពាន់លានដូសទៀតដល់អាហ្វ្រិក។ ការសន្យានោះធ្វើឡើង ក្នុងសុន្ទរកថាមួយរបស់លោក តាមវីដេអូខេនហ្វេរេន សម្រាប់កិច្ចប្រជុំកំពូលចិន-អាហ្វ្រិកនៅក្រុងថ្មីDIAMNIADOជិតទីក្រុងដាការដ្ឋធានីសេណេហ្គាល់។
ការប្រកាសពីការផ្ដល់ជំនួយវ៉ាក់សាំងនេះ ធ្វើឡើងក្នុងពេលដែលបណ្ដាប្រទេសអាហ្វ្រិក កំពុងខិតខំជម្រុញសេដ្ឋកិច្ច ដែលរងការប៉ះពាល់ធ្ងន់ធ្ងរ ដោយសារការឆ្លងរាលដាននៃកូវីដ។ បណ្ដាអ្នករៀបចំកិច្ចប្រជុំកពូលនោះ មានបំណងធ្វើឲ្យសម្រេចបានកិច្ចសហប្រតិបត្តិការ ដែលកាន់តែពង្រឹងថែមទៀតជាមួយចិន។ ចិនជាដៃគូពាណិជ្ជកម្មធំទីមួយរបស់អាហ្វ្រិក ហើយក៏ជាគោលដៅធំទី២នៃការនាំចេញរបស់អាហ្វ្រិកដែរ។ ចិនបានបង្កើនទ្វេដងសកម្មភាពសេដ្ឋកិច្ចនៅទ្វីបនោះ ពិសេសពេលនេះប្រើនយោបាយការទូតវ៉ាក់សាំង ដោយសន្យាជួយទ្រទ្រង់ខ្លាំងបំផុតដល់បណ្ដាប្រទេសអាហ្វ្រិក ដែលរងប៉ះពាល់ដោយការឆ្លង ហើយទទួលបានវ៉ាក់សាំងតក់ៗ ក្នុងក្របខណ្ឌប្រឆាំងកូវីដ។
ថ្លែងក្នុងពេលបើកវេទិកាចិន-អាហ្វ្រិកនោះ លោកសុីជីនពីងអះអាងថា ចិនក្នុងក្របខណ្ឌនៃការតស៊ុ្រូឆាំងកូវីដ នឹងផ្ដល់ដល់អាហ្វ្រិកនូវវ៉ាក់សាំង១ពាន់លានដូសថែមទៀត ក្នុងនោះ៦០០លានដូស ក្រោមរូបភាពនៃអំណោយនិង៤០០លានដូស ក្រោមរូបភាពផ្សេងៗដូចជា ការបង្កើតទីតាំងផលិតវ៉ាក់សាំងនៅអាហ្វ្រិកតែម្ដង។ បណ្ដាគម្រោងផលិតវ៉ាក់សាំងចិននៅអាហ្វ្រិក ក្លាយជាប្រាកដនិយមរួចហើយនៅអេហ្ស៊ីបឬនៅសេណេហ្គាល់។
ចពោះវីរុសបំប្លែងខ្លួនថ្មីហៅអូមីក្រុងមជ្ឈមណ្ឌលជាតិសិក្សាជំងឺឆ្លងនិងមីក្រូប GAMALEYA របស់រុស្ស៊ី ប្រកាសនាថ្ងៃទី២៩វិច្ឆិកាថា ខ្លួនចាប់ផ្ដើមផលិតហើយវ៉ាក់សាំងSPOUTNIKថ្មីសម្រាប់តតាំងជាមួយវីរុសបំប្លែងថ្មីអូមីក្រុង ហើយអាចត្រៀមផលិតច្រើនតែម្ដង រយៈពេល៤៥ថ្ងៃទៀត។
មជ្ឈមណ្ឌលនោះក្នុងសេចក្ដីប្រកាសមួយនិយាយថា ខ្លួនបានសិក្សាថាតើវ៉ាក់សាំងSPOUTNIK Vនិង SPOUTNIK LIGHT អាចតតាំងបានជាមួយអូមីក្រុងដែរឬយ៉ាងណា។ ប្រសិនបើត្រូវមានការកែប្រែចាំបាច់ នោះវ៉ាក់សាំងSPOUTNIK ថ្មី ត្រូវផលិតសម្រាប់ទប់ទល់នឹងអូមីក្រុង ហើយអាចត្រៀមផលិតច្រើន ក្នុងរយៈពេល៤៥ថ្ងៃទៀត។ មជ្ឈមណ្ឌលនោះសង្ឃឹមថា វ៉ាក់សាំងSPOUTNIK ប្រឆាំងអូមីក្រុងនឹងអាចដាក់លក់លើទីផ្សារអន្តរជាតិនាដើមឆ្នាំខាងមុខ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ