រាជធានីភ្នំពេញ ៖ នៅក្នុងការពង្រឹងវិស័យទេសចរណ៍នាពេលនេះកម្ពុជា និងវៀតណាមបានឯកភាពគ្នា ជំរុញឲ្យមានការចាប់ផ្តើមហោះហើរឡើងវិញរវាងប្រទេសទាំងពីរ និងបន្តពិចារណារលើការជំរុញទេសចរណ៍បើកបរដោយខ្លួនឯងដោយមានការសម្របសម្រួលការធ្វើដំណើរតាមផ្លូវគោក និងផ្លូវទឹកនៅពេលដែលអាជ្ញាធរនៃប្រទេសទាំងពីរបើកព្រំដែនឡើងវិញ ។ ភាគីទាំងពីរបានធ្វើការផ្សព្វផ្សាយ និងសិក្សាទីផ្សាររួមគ្នាក្រោមមូលបទ…
រាជធានីភ្នំពេញ ៖ នៅក្នុងការពង្រឹងវិស័យទេសចរណ៍នាពេលនេះកម្ពុជា និងវៀតណាមបានឯកភាពគ្នា ជំរុញឲ្យមានការចាប់ផ្តើមហោះហើរឡើងវិញរវាងប្រទេសទាំងពីរ និងបន្តពិចារណារលើការជំរុញទេសចរណ៍បើកបរដោយខ្លួនឯងដោយមានការសម្របសម្រួលការធ្វើដំណើរតាមផ្លូវគោក និងផ្លូវទឹកនៅពេលដែលអាជ្ញាធរនៃប្រទេសទាំងពីរបើកព្រំដែនឡើងវិញ ។ ភាគីទាំងពីរបានធ្វើការផ្សព្វផ្សាយ និងសិក្សាទីផ្សាររួមគ្នាក្រោមមូលបទ “ប្រទេសពីរ គោលដៅមួយ“ នៅព្រឹត្តិការណ៍អន្តរជាតិនានា និងពិចារណាផ្សព្វផ្សាយទេសចរណ៍បីប្រទេសរួមគ្នា ៖ កម្ពុជា ឡាវ វៀតណាម នៅព្រឹត្តិការណ៍ World Travel Market 2022 នៅទីក្រុងឡុងដ៍ ។
បន្ថែមលើនេះ កម្ពុជាក៏បានស្នើធ្វើកម្មវិធីនេះក្នុងព្រឹត្តិការណ៍ Dubai Expo 2022 នៅទីក្រុងឌូបៃផងដែរ ។ លទ្ធផលនេះកើតមានបន្ទាប់ពីមានជំនួបពិភាក្សាគ្នារវាងស្ថាប័នទេសចរណ៍កម្ពុជា វៀតណាម នៅថ្ងៃទី ២៦ វិចិ្ឆកានេះតាមអនឡាញផង និងដោយផ្ទាល់ផងនៅខេត្តកែបប្រទេសកម្ពុជា ។ លោក ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ ក្រសួងទេសចរណ៍ដឹកនាំកិច្ចប្រជុំក្រុមការងាររួមស្តីពីកិច្ចសហប្រតិបត្តិការទេសចរណ៍ទ្វេភាគីកម្ពុជា-វៀតណាម លើកទី ២ ដែលភាគីវៀតណាមដឹកនាំដោយ លោក Ha Van Sieu អនុប្រធានរដ្ឋបាលទេសចរណ៍ជាតិវៀតណាម នៃក្រសួងវប្បធម៌ កីឡា និងទេសចរណ៍វៀតណាម ។
ក្រៅការឯកភាពគ្នាលើចំណុចខាងលើ កម្ពុជា និងវៀតណាមបានសន្យារួមគ្នាជំរុញទេសចរដែលបានចាក់វ៉ាក់សាំងកូវីដ-19ពេញលេញរវាងប្រទេសទាំងពីរ និងប្រទេសទី ៣ ដោយធានានូវយន្តការសុវត្ថិភាពនានា និងការផ្លាស់ប្តូរពត៌មានទៅវិញទៅមក ផងដែរ ។ នៅមានចំណុចជាច្រើនទៀតដែលវិស័យទេសចរណ៍ប្រទេសទាំងពីរបានឯកភាពគ្នាដូចជា ថា វៀតណាមនឹងផ្សព្វផ្សាយក៏ដូចជាជំរុញដល់ផ្នែកសាធារណៈ និងឯកជនរបស់ខ្លួនឲ្យចូលរួមផ្ទាល់ក្នុងព្រឹត្តិការណ៍វេទិកាទេសចរណ៍អាស៊ានឆ្នាំ ២០២២ (ATF 2022) ដែលនឹងប្រព្រឹត្តឡើងនៅខែមករា ឆ្នាំ ២០២២ នៅក្នុងខេត្តព្រះសីហនុ នៃប្រទេសកម្ពុជានោះ ជាដើម ៕
ចែករំលែកព័តមាននេះ