ខេត្តឧត្តរមានជ័យ ៖ អ្នកមានអំណាចមួយចំនួនតូចនិងប្រជាពលរដ្ឋមួយចំនួន បានព្យាយាមធ្វើសកម្មភាពកាប់បំផ្លិចបំផ្លាញរុករានទន្ទ្រានដែនដីព្រៃសហគមន៍ទាំង១៣ ក្នុងខេត្តព្រៃសហគមន៍មួយចំនួនបានរលាយអស់ទាំងស្រុង និងព្រៃមួយចំនួនផ្សេងទៀតបានរលាយស្ទើទាំងស្រុងទៅហើយ ដោយយកធ្វើជាកម្មសិទ្ធផ្ទាល់ខ្លួន ហើយគេបានសង្កេតឃើញថា ការកាប់នេះចាប់ពីអំឡុងឆ្នាំ២០១៥ រហូតមកទល់និងឆ្នាំ២០២១នេះតែម្តង ។
ដីព្រៃសហគមន៍ទាំង១៣កន្លែងដែលគេកាប់បំផ្លិចបំផ្លាញ បានបង្កើតឡើងដោយស្របច្បាប់ពីក្រសួងកសិកម្មរុក្ខាប្រមាញ់ និងនេសាទ ខណៈនោះព្រៃសហគមន៍រតនះរុក្ខា ផ្ទៃដី១.២០៨៩២ហិកតា ព្រៃសហគមន៍រំដួលវាស្នាផ្ទៃដី៦០១៦ហិកតា សហគមន៍ឈូកមាសផ្ទីដី៣៨៣ហិកតា សហគមន៍អូរយាយកែវផ្ទៃដី៩៦០ហិកតា សហគមន៍ដុងបេងផ្ទៃដី១៨៤៣ហិកតា ព្រៃសហគមន៍ អណ្តូងបរផ្ទៃដី៦១១៤ហិកតា ព្រៃសហគមន៍ភ្នំដងរែក សម្រែកព្រៃស្រស់ផ្ទៃដី១៦០៤ហិកតា ព្រៃសហគមន៍សាម្គីផ្ទៃដី១០៧៩ហិកតា ព្រៃសហគមន៍សាម្គី សង្គ្រោះព្រៃឈើ ៤១៥១ហិកតា ព្រៃសហគមន៍ក្បាលអូរសូភី គីរីព្រៃស្រោងផ្ទៃដី៦៣៤៤ហិកតា ព្រៃសហគមន៍រលួសធំ២៦៦៦ហិកតា ព្រៃសហគមន៍អូរថ្មដាទឹកខៀវផ្ទៃដី២០២៥.៤២ហិកតា ព្រៃសហគមន៍សង្ឃរុក្ខាវ័ន១៨២៦១
ហិកតា។
ប្រជាពលរដ្ខដែលមានទីលំនៅឋានក្នុងខេត្តបាននាំគ្នានិយាយរៀបរាប់ឱ្យអ្នកយកព័តមានដឹងថា ពួកគាត់បានសង្កេតឃើញអ្នកកាប់បំផ្លិចបំផ្លាញរុករានទន្ទ្រានដីព្រៃសហគមន៍នោះ គឺប្រជាពលរដ្ឋមួយចំនួនពួកគាត់គ្រាន់តែស៊ីឈ្នួលកាប់ឱ្យអ្នកមានអំណាចរកកម្រៃចិញ្ចិមជីវិត ដោយឡែកប្រជាមួយចំនួនផ្សេងទៀតកាប់យកមកធ្វើជាកម្មសិទ្ធផ្ទាល់ខ្លួន ។ ចំណែកដើមឈើប្រណិតតូចធំត្រូវបានពុះជ្រៀកដឹកជញ្ជូនចេញពីព្រៃសហគមន៍យកទៅលក់ឱ្យក្រុមឈ្មួញដោយរលូនផងដែរខណះពួកគេបានត្រូវរ៉ូវគ្នាទទួលនូវលាបសក្ការអស់ទៅហើយនោះ។
ទាក់ទិនការកាប់បំផ្លិចបំផ្លាញដីព្រៃសហគមន៍ទាំង១៣កន្លែងនេះអ្នកយកព័តមានបានទូរស័ព្ទជួបលោកសា ថ្លៃដែលមានតួនាទីប្រធានបណ្តាញសហគមន៍ព្រៃឈើខេត្តឧត្តរមានជ័យ កាលពីថ្ងៃទី២១ ខែវិច្ឆិកា ឆ្នាំ២០២១នេះ លោកបានបំភ្លឺថា ដីព្រៃសហគមន៍បានបង្កើតឡើងនៅ ក្នុងអំឡុងឆ្នាំ២០០៤របស់ក្រសួងកសិកម្ម រុក្ខា ប្រមាញ់ និងនេសាទដោយចុះកិច្ចសន្យារយះពេល៣០ឆ្នាំ នៅក្នុងឆ្នាំ២០០៨ក្រសួងកសិកម្មប្រកាសជាផ្លូវការការពារនិងថែរក្សា នៅឆ្នាំ២០០៩បានចុះកិច្ចព្រមព្រាងឥនទានការបោនព្រៃឈើនូវខណ្ឌរដ្ឋបាលព្រៃឈើខេត្តសៀមរាបផងដែរ។
លោកសា ថ្លៃ បានមានប្រសាសន៍ថា ដីព្រៃសហគមន៍ទាំង១៣កន្លែងនេះ មានដីព្រៃសហគមន៍មួយចំនួនបានរលាយទៅជាព្រៃហោរឋានអស់ទៅហើយ ចំណែកដីព្រៃសហគមន៍មួយចំនួនផ្សេងទៀតនៅសេសសល់១០ទៅ៣០ភាគរយ ខណះនោះគេបានសង្កេតឃើញដែលនៅសល់គម្រប់ដីព្រៃសហគមន៍រុក្ខាវ័នស្មើរ៨០ភាគរយផងដែរក្នុងចំណោមព្រៃសហគមន៍ទាំង១៣កន្លែង។
លោកបានបន្តថា ដីព្រៃសហគមន៍បន្ទាប់ពីជនខិលខូចកាប់រុករានទន្ទ្រានយកធ្វើចាកម្មសិទ្ធិផ្ទាល់ខ្លួនពីសំណាក់អ្នកមានអំណាចមួយចំនួន រួមទាំងប្រជាពលរដ្ឋ លោកបានធ្វើជារបាយការណ៍ជូនដល់ក្រសួងកសិកម្មរុក្ខាប្រមាញ់ និងនេសាទ ចូលទៅដល់ក្រសួងប្រឆាំងអំពើពុករលួយផងដែរតែមកដល់ពេលនេះមិនទាន់មានវិធានការបែបណារនៅឡើយ៕
ចែករំលែកព័តមាននេះ