ខេត្តពោធិ៍សាត់៖ ជនដៃដល់ដែលជាឃាត.ករកា.ប់សម្លា.ប់មន្ត្រីរដ្ឋបាលព្រៃឈើប្រមោយ ស្រុកវាលវែង ខេត្តពោធិ៍សាត់ កាលពីថ្ងៃទី០៩ ខែវិច្ឆិកា ឆ្នាំ២០២១នោះ ត្រូវបានសមត្ថកិច្ចនគរបាលឃាត់ខ្លួនបាននៅថ្ងៃទី១៣ ខែវិច្ឆិកានេះហើយ ខណៈពេលកំពុងជិះម៉ូតូនៅចំណុចផ្លូវចូលទៅវត្តកណ្ដាល ស្ថិតក្នុងឃុំសន្ទ្រែ ស្រុកភ្នំក្រវាញ ខេត្តពោធិ៍សាត់។
បើតាមសមត្ថកិច្ចឲ្យដឹងថា ជនសង្ស័យឈ្មោះ រឿន រ៉ូ ភេទប្រុស អាយុ១៥ឆ្នាំ ជាឈ្នួល រស់នៅធ្វើការជាមួយជនរងគ្រោះ មានទីលំនៅភូមិស្ទឹងតូច សង្កាត់រលាប ក្រុងពោធិ៍សាត់ ។
ហើយលទ្ធផលនៃការបង្ក្រាបខាងលើនេះ ក្រោមកិច្ចខិតខំប្រឹងប្រែង របស់សមត្ថកិច្ចនគរបាលខេត្តពោធិ៍សាត់ សហការជាមួយនគរបាលស្រុក និងប៉ុស្ដិរដ្ឋបាល ដែលដឹកនាំដោយលោកឧត្តមសេនីយ៍ត្រី ម៉ូ លីដា ស្នងការរងទទួលផែននគរបាលព្រហ្មទណ្ឌកម្រិតធ្ងន់ បានបំបែកសំណុំរឿង និងធ្វើការឃាត់ខ្លួនជនសង្ស័យបាននាវេលាម៉ោង០៩ និង៤០នាទីព្រឹក ថ្ងៃទី១៣ ខែវិច្ឆិកា ឆ្នាំ២០២១នេះ នៅវត្តកែវឧត្តម ហៅវត្តកណ្តាល ស្ថិតក្នុងភូមិគល់ទទឹង ឃុំសន្ទ្រែ ស្រុកភ្នំក្រវាញ ខេត្តពោធិ៍សាត់។
គួររំលឹកថា កាលពីថ្ងៃទី០៩ ខែវិច្ឆិកា ឆ្នាំ២០២១ ឈ្មោះ សេង វិសាល ភេទប្រុស អាយុ៥២ឆ្នាំ ជានាយផ្នែករដ្ឋបាលព្រៃឈើប្រមោយស្រុកវាលវែង ត្រូវបានកូនឈ្នួលដែលរស់នៅកន្លែងធ្វើការជាមួយគ្នា យកកាំបិតផ្គាក់កា.ប់ទៅលើជនរងគ្រោះ ចំ.ក ថ្គាម ស្មាខាងឆ្វេង ចំនួន៧កាំបិត ខណៈពេលកំពុងដេកលក់ បណ្តាលឱ្យស្លា.ប់នៅនឹងកន្លែង (ក្នុងបន្ទប់លើគ្រែ) នៅស្នាក់ការរដ្ឋបាលព្រៃឈើប្រមោយ ត្រង់ចំណុចទួលគ្រួស ស្ថិតក្នុងភូមិស្ទឹងថ្មី ឃុំប្រមោយ ស្រុកវាលវែង ខេត្តពោធិ៍សាត់។
គួររំលឹកទៀតថា បន្ទាប់ពីធ្វើសកម្មភាពរួច ជនសង្ស័យបានប្រមែលប្រមូលសម្ភារៈ ដែលក្នុងនោះរួមមាន ៖ ម៉ូតូឌ្រីមសេ១២៥ ស៊េរី២០១៩ ពណ៌ខ្មៅ មួយគ្រឿង ពាក់ស្លាកលេខ ពោធិ៍សាត់ 1I.9761, ទូរស័ព្ទដៃអាយហ្វូន ០៣គ្រឿង និងចិញ្ចៀនពេជ្រ០១វង់ រួចក៏រត់គេចខ្លួនបាត់ស្រមោល។ ហើយដោយមានការដុតដៃដុតជើងរបស់សមត្ថកិច្ច ទើបចាប់ខ្លួនជនដៃដល់បាននៅថ្ងៃទី១៣ ខែវិច្ឆិកានេះ ខណៈពេលដែលជនសង្ស័យកំពុងតែជិះម៉ូតូនៅស្រុកភ្នំក្រវាញ ។
បច្ចុប្បន្ន សមត្ថកិច្ចបាននិងកំពុងនាំខ្លួនជនសង្ស័យ ដើម្បីធ្វើការសាកសួរ និងកសាងសំណុំរឿង ចាត់ការបន្តតាមនីតិវិធីហើយ៕
ចែករំលែកព័តមាននេះ