ប្រទេសបេឡារុស ៖ ប្រទេសបេឡារុស ដែលទទួលការចោទប្រកាន់ថា បង្កើតវិបត្តិអន្តោប្រវេសន៍នៅតាមព្រំដែនប៉ូឡូញនោះ កាលពីថ្ងៃទី១១ ខែវិច្ឆិកា ឆ្នាំ២០២១ បានគំរា.មតប.តវិញ ចំពោះការដាក់ទណ្ឌកម្មជាយថាហេតុរបស់អឹរ៉ុប ដោយកាត់ផ្ដាច់ឧស្ម័ន បិទវ៉ានបំពង់បង្ហូរឧស្ម័ន ដ៏សំខាន់ឆ្លងកាត់ដែនដីខ្លួន។
ប្រធានាធិបតីបេឡារុស លោកអាឡិចសាន់ដ្រ៍លូកាឆេនកូ បានលើកពីលទ្ធភាពកាត់ផ្ដាច់ការផ្គត់ផ្គង់ឧស្ម័ន តាមបំពង់បង្ហូរយ៉ាម៉ាល់-អឺរ៉ុប ដែលបញ្ចូនឧស្ម័នរុស្ស៊ី ជាពិសេសទៅអាល្លឺម៉ង់ និងប៉ូឡូញ។ លោកថា តើអ្វីនឹងកើតមាន ប្រសិនបើយើងកាត់ផ្ដាច់ឧស្ម័នទៅអឹរ៉ុប? ការគំរា.មនេះរបស់លោកកើតមានពេលដែលបណ្ដាប្រទេសអឺរ៉ុប កំពុងប្រឈមមុខនឹងការឡើងថ្លៃខ្ពស់នៃឧស្ម័នមកពីការផ្គត់ផ្គង់មិនគ្រប់គ្រាន់។
សភាពការណ៍នៅតាមព្រំដែនរវាងបេឡារុស និងប៉ូឡូញ ជាប្រទេសអឺរ៉ុបកណ្ដាល២ ដោយបេឡារុស ជាសម្ព័ន្ធមិត្តរុស្ស៊ី ហើយប៉ូឡូញជាសមាជិកសហភាពអឺរ៉ុប និងអូតង់ នាំំឲ្យមានការព្រួយបារម្ភកាន់តែខ្លាំងឡើងរបស់សហគមន៍អន្តរជាតិ។ ក្រុមប្រឹក្សាសន្តិសុខអ.ស.ប បានរួមប្រជុំបន្ទាន់ នាថ្ងៃទី១១ ខែវិច្ឆិកានេះ ស្ដីពីសំណុំរឿងនោះ។
ឯកអគ្គរដ្ឋទូតរងរបស់រុស្ស៊ី ប្រចាំ អ.ស.ប បានអះអាងនាថ្ងៃទី១១ ខែវិច្ឆិកាថា រុស្ស៊ី និងបេឡារុស មិនបានជួយពួកអន្តោប្រវេសន៍ ឲ្យលើកគ្នាមកកាន់ព្រំដែនរវាងបេឡារុស និងប៉ូឡូ្ញញឡើយ។ លោកអះអាងម្យ៉ាងទៀតថា ប្រទេសលោកពុំមានផែនការណាមួយ ដើម្បីលុកលុយការឈ្លានពានរបស់អ៊ុយក្រែងទេ។
អំពីការចោទប្រកាន់ថា រុស្ស៊ីចង់ធ្វើសង្គ្រាមអន្តោប្រវេសន៍ជួយជាយថាហេតុដល់ពួកគេ អ្នកការទូតរុស្ស៊ីរូបនោះលោកឌីមីទ្រីប៉ូលីយ៉ាន់ស្គី មុនកិច្ចប្រជុំបន្ទាន់របស់ក្រុមប្រឹក្សាសន្តិសុខ ស្ដីពីវិបត្តិអន្តោប្រវេសន៍នេះអះអាងថា ពិតជាគ្មានដាច់ខាតការជួយដល់ពួកអន្តោប្រវេសន៍ ឲ្យលើកគ្នាសម្រុកទៅកាន់ព្រំដែនប៉ូឡូញជាមួយបេឡារុស។
ពេលសួរពីចលនាកងយន្តហោះប្រដេញរុស្ស៊ី កត់សម្គាល់ឃើញក្នុងដែនអាកាសបេឡារុស លោកឌីមីទ្រីប៉ូលីយ៉ាស្គីនិយាយថា នោះជាចម្លើយតបចំពោះការដាក់ពង្រាយយ៉ាងច្រើននៃកងឆ្មាំប៉ូឡូញប្រដាប់អាវុធ នៅព្រំដែនប៉ូឡូញ-បេឡារុស។ លោកបន្តថា យើងមានកាតព្វកិច្ចក្នុងនាមនៃសម្ព័ន្ធភាពរវាងរុស្ស៊ី និងបេឡារុស។ បើមានការប្រមូលផ្ដុំកងទ័ពនៅព្រំដែនជាមួយបេឡារុស យើងត្រូវមានប្រតិកម្ម៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ