អ្នកទេសចរប្រមាណ50ភាគរយចូលចិត្តទស្សនាប្រាង្គប្រាសាទបុរាណ
ខេត្តសៀមរាប ៖ អង្គការទេសចរណ៍ពិភពលោកបានសិក្សាឃើញថាប្រមាណ៤០% នៃទេសចរសរុបលើសាកលលោកចូលចិត្ត ទស្សនាគោលដៅទេសចរណ៍វប្បធ៌ម ២០% ចូលទស្សនាគោលដៅទេសចរណ៍តំបន់ឆ្នេរសមុទ្រ
ខេត្តសៀមរាប ៖ អង្គការទេសចរណ៍ពិភពលោកបានសិក្សាឃើញថាប្រមាណ៤០% នៃទេសចរសរុបលើសាកលលោកចូលចិត្ត ទស្សនាគោលដៅទេសចរណ៍វប្បធ៌ម ២០% ចូលទស្សនាគោលដៅទេសចរណ៍តំបន់ឆ្នេរសមុទ្រ
ខេត្តសៀមរាប ៖ អង្គការទេសចរណ៍ពិភពលោកបានសិក្សាឃើញថាប្រមាណ៤០% នៃទេសចរសរុបលើសាកលលោកចូលចិត្ត ទស្សនាគោលដៅទេសចរណ៍វប្បធ៌ម ២០% ចូលទស្សនាគោលដៅទេសចរណ៍តំបន់ឆ្នេរសមុទ្រ ចំនួនក្រៅពីនោះចូលចិត្តទស្សនាតំបន់ទេសចរណ៍ធម្មជាតិ និងតំបន់ទេសចរណ៍ ផ្សេងៗទៀត ។ ចំពោះកម្ពុជាយើង ទេសចរប្រមាណជាង៥០% នៃទេសចរសរុបចូលចិត្តទស្សនាតំបន់ទេសចរណ៍វប្បធ៌មបេតិកភណ្ឌ ពិសេសប្រាសាទអង្គរដ៏ល្បីល្បាញរបស់យើង និងចូលចិត្តឈ្វេងយល់ ផ្លាស់ប្តូរអំពីសកម្មភាព វប្បធម៌អរូបី ផ្សេងៗទៀតរបស់កម្ពុជា ។
លោកបណ្ឌិតថោង ខុន រដ្ឋមន្ត្រីក្រសួងទេសចរណ៍បានថ្លែងអំណរគុណ ចំពោះសហភាពសហព័ន្ធយុវជនកម្ពុជា ដែលមាន លោកហ៊ុន ម៉ានី ជាប្រធាន និងសមាជិក សមាជិកាសហភាពសហព័ន្ធយុវជនទាំងអស់ ដែលកន្លងមកបានខិតខំប្រឹងប្រែងអស់ពីកម្លាំងកាយចិត្ត ប្រកបដោយស្មារតី និងឆន្ទៈមោះមុតតែងតែសហការជាមួយអាជ្ញាធរ និងស្ថាបន័ពាក់ព័ន្ធ ចូលរួមប្រឡូកក្នុងគ្រប់សកម្មភាពវប្បធ៌ម សង្គម និងបរិស្ថាន ។
៤ឆ្នាំកន្លងមកនេះ ក្នុងគោលដៅដើម្បីអភិរក្ស និងអភិវឌ្ឍន៍វប្បធ៌មជាតិ សហភាពសហព័ន្ធយុវជនកម្ពុជា ក្រោមកិច្ចសហការល្អពីគ្រប់ស្ថានប័នពាក់ព័ន្ធ និងក្រោមការឧបត្ថមគាំទ្រ ពីរាជរដ្ឋាភិបាលដែលមានសម្ដេចតេជោ ជាប្រមុខ បានបង្កើតឱ្យមានព្រឹត្តិការណ៍អង្គរសង្ក្រាន្តប្រកបដោយជោគជ័យដ៏ត្រចះត្រចង់ជាបន្តបន្ទាប់ ។ ព្រឹតិ្តការណ៍អង្គរសង្ក្រាន្ត បានក្លាយទៅជាគំរូដ៏ល្អនៃគ្រប់សកម្មភាព និងព្រឹត្តិការណ៍ទេសចរណ៍វប្បធម៌ទូទាំងប្រទេសដើម្បីបានក្លាយជាផលិតផលទេសចរណ៍មួយដ៏ល្បីល្បាញរបស់ប្រទេសជាតិ ។
យុវជននិងវប្បធម៌ យុវជននិងបរិស្ថាន យុវជននិងទីក្រុងស្អាត គឺជាកម្លាំងចលករដែលមានថាមពលដ៏ខ្លាំងក្លាមួយ រួមចំណែកធ្វើឱ្យកម្ពុជា ក្លាយទៅជាគោលដៅទេសចរណ៍ស្អាត និងបៃតងប្រកបដោយនិរន្តរភាព គុណភាព និងភាពទាក់ទាញដ៏ល្អសម្រាប់កម្ពុជា និងសំរាប់អាស៊ានទាំងមូល ។
មុននឹងឈានចូលដល់វគ្គផ្តាច់ព្រ័ត្រ បេក្ខជនទាំងអស់បានឆ្លងកាត់វគ្គជម្រុះជាច្រើនអស់រយៈពេលពីរថ្ងៃដូចជាឆ្លើយទៅនឹងសំណួរនិងការអនុវត្តផ្ទាល់ទាក់ទងទៅនឹងវប្បធម៌ប្រពៃណីទំនៀមទម្លាប់ របៀបសំពះ ការធ្វើបដិសណ្ឋារកិច្ច អាកប្បកិរិយាការដើរ ចង្វាក់រាំ របៀបស្លៀកពាក់ទាំងសម្លៀកបំពាក់បែបប្រពៃណីបុរាណ សម្លៀកកបំពាក់បែបសម័យ ការបញ្ចេញវោហារសាស្ត្រពាក្យសម្តីពេលដែលនិយាយទៅកាន់ចំណោមមហាជនជាដើម ។ នៅវគ្គផ្តាច់ព្រ័ត្របេក្ខជន និងបេក្ខនារីចំនួន៦គូ បានជាប់ជាយុវប្រពៃណីស្មគ្រ័ចិត្តជួយការងារសង្គមក្នុងការទទួលបដិសណ្ឋារកិច្ចចំពោះថ្នាក់ដឹកនាំជាតិ និងអន្តរជាតិអញ្ជើញមកកាន់ខេត្តសៀមរាប ។
លោកស្រីស៊ុន សុវណ្ណនី ប្រធានមន្ទីរវប្បធម៌និងវិចិត្រសិល្បៈបានឱ្យដឹងថា សម្រាប់ខេត្តសៀមរាប នេះជាលើកទី១នៃការរៀបចំកម្មវិធីជ្រើសរើសយុវប្រពៃណីពិធីការ ហើយការសម្រេចរៀបចំនេះ អនុវត្តទៅតាមគោល ការណ៍ និងការណែនាំពីថ្នាក់ដឹកនាំខេត្តព្រមទាំងទទួលបានការឯកភាពពីក្រសួងវប្បធម៌និងវិចិត្រសិល្បៈផងដែរ ។
គោលបំណងសំខាន់នៃការជ្រើសរើសយុវប្រពៃណី គឺចង់ឱ្យមានយុវប្រពៃណីពិធីការដែលជាធនធានមនុស្សគំរូប្រកបដោយសមត្ថភាពចំណេះដឹង មានកម្ពស់និងកាយសម្បទាសមរម្យ សម្រាប់ជួយក្នុងពិធីផ្លូវការ ផ្សេងៗ ព្រោះតាមការសង្កេតឃើញកន្លងមក គេឃើញយុវជនដែលជ្រើសរើសនាំទៅធ្វើបដិសណ្ឋារកិច្ចក្នុងពិធីផ្លូវការ ផ្សេងៗ ហាក់ដូចជាមិនសូវសមរម្យនោះទេ ទាំងកាយសម្បទានិងអាកប្បកិរិយាច្រើនមានភាពខ្វះខាត ព្រោះពួកគាត់មិនបានឆ្លងកាត់ការប្រកួតជ្រើសរើស ។ ក្រៅពីនេះគឺចង់បានធនធានយុវជនជាគំរូមានសមត្ថភាព អាចជួយដល់ការងារផ្សព្វផ្សាយវប្បធម៌ប្រពៃណីទំនៀមទម្លាប់សាសនាទៅដល់ស្រទាប់យុវជន មហាជនទូទៅ នៅតាមបណ្តាសាលារៀន វត្តអារាម ទីសាធារណៈជាដើម ។ បេក្ខជនដែលជាប់នាពេលនេះអាចចូលរួមជួយការងារសង្គមតាមការស្ម័គ្រចិត្ត ៕
ចែករំលែកព័តមាននេះ