ដើម្បីជាការអបអរសាទរបុណ្យចូលឆ្នាំថ្មីប្រពៃណីខ្មែរ ដែលនឹងខិតចូលមកខាងមុខនេះ ផ្សារទំនើបសូរិយានឹងរៀបចំកម្មវិធីមួយដែលមានឈ្មោះថា «ភូមិខ្មែរសូរិយា» ដែលនឹងប្រព្រឹត្តទៅនៅមុខផ្សារទំនើបសូរិយាចាប់ពី ថ្ងៃទី០៧ ដល់ ថ្ងៃទី០៩ មេសា ២០១៦។
លោកអ្នកនឹងរីករាយជាមួយទស្សនីយភាពប្លែកៗ និងសប្បាយៗជាច្រើនទាក់ទងនឹងការលេងល្បែងប្រជាប្រិយខ្មែរ ការប្រគំតន្ត្រី រាំ និងច្រៀងលេងកម្សាន្ត ការដើរបង្ហាញម៉ូតសម្លៀកបំពាក់ប្រពៃណីខ្មែរ ការសម្តែងល្ខោនបាសាក់ ការសម្តែងក្បាច់គុនបុរាណខ្មែរ (ល្បុក្កតោ) ការបង្ហាញប្រវត្តិសាស្ត្រនៃប្រាសាទអង្គរវត្ត មានពិព័រណ៍ផលិតផលខ្មែរ ការប្រកួតទាញព្រ័ត្រ លោតបាវ បោះអង្គញ់ និងវាយក្អម ដើម្បីឈ្នះរង្វាន់សំបុត្រទស្សនាភាពយន្ត ម៉ាស៊ីនម៉ាស្សា ប័ណ្ណញ៉ាំអាហារ និងរង្វាន់ផ្សេងៗទៀតជាច្រើន។ ក្នុងកម្មវិធីនេះ នឹងមានការតុបតែងតាមបែបខ្មែរបុរាណតាំងពីច្រកចូលរហូតដល់ស្តង់លក់ផលិតផលខ្មែរ។
ពិសេសសម្រាប់អតិថិជនដែលអញ្ជើញមិត្តភក្តិរបស់ខ្លួនចាប់ពី១០នាក់ឡើងទៅមកលេងកម្សាន្តក្នុងកម្មវិធី «ភូមិខ្មែរសូរិយា» នឹងទទួលបានប័ណ្ណញ៉ាំអាហារចំនួន១សន្លឹកដែលមានទឹកប្រាក់ស្មើនឹង៤០.០០០រៀល និងអាវយឺតភូមិខ្មែរសូរិយាដ៏ស្រស់ស្អាត ១ ។
កម្មវិធីនេះ ក៏មានស្តង់ពិព័រណ៍ដាក់លក់ផលិតផល និងសេវាកម្មផ្សេងៗជាច្រើនផងដែរ។ កម្មវិធី «ភូមិខ្មែរសូរិយា» នៅផ្សារទំនើបសូរិយា ចូលរួមសហការពីក្រុមហ៊ុន ឌីជីអ៊ីនធឺណិត រោងភាពយន្តផ្លាទីនៀម និង OKIA ។
តោះទៅលេង «ភូមិខ្មែរសូរិយា» នៅផ្សារទំនើបសូរិយាទាំងអស់គ្នា ! សម្រាប់ព័ត៌មានបន្ថែម សូមទំនាក់ទំនង ០៧០ ៨៨៨ ០៧៦ ឬចូលទៅកាន់ទំព័រហ្វេកប៊ុក (Facebook): SORYA Center Point ។
ចែករំលែកព័តមាននេះ