ADផ្ទាំងផ្សព្វផ្សាយពាណិជ្ជកម្ម

Picture

៥ វិធីសាស្ត្រ​ដោះស្រាយ​បំណុល​វ័ណ្ឌក

1 ខែ មុន
  • ភ្នំពេញ

រាជធានីភ្នំពេញ​ ៖ មាន​ពលរដ្ឋ​កម្ពុជា​ជាង ​២​ លាន​នាក់​បាន​កំពុង​ជាប់បំណុល​គ្រឹះស្ថាន​ហិរញ្ញវត្ថុ ក្នុង​ការ​ប្រើប្រាស់​កម្ចី​ដើម្បី​ប្រកប​អាជីវកម្ម​ និង​ដោះស្រាយ​ជីវភាព​ប្រចាំ​ថ្ងៃ​ក្តី​ ។ ទោះបី​បំណុល​មិនមែន​ជា​រឿង​អាក្រក​ហើយ​គ្មាន​ន​ណា​គេច​ផុត​ពី​បំណុល​ដើម្បី​បាន​លុយ​មក​រកស៊ី ​និង​ទ្រទ្រង់​ការ​រស់នៅ​ក្តី…

រាជធានីភ្នំពេញ​ ៖ មាន​ពលរដ្ឋ​កម្ពុជា​ជាង ​២​ លាន​នាក់​បាន​កំពុង​ជាប់បំណុល​គ្រឹះស្ថាន​ហិរញ្ញវត្ថុ ក្នុង​ការ​ប្រើប្រាស់​កម្ចី​ដើម្បី​ប្រកប​អាជីវកម្ម​ និង​ដោះស្រាយ​ជីវភាព​ប្រចាំ​ថ្ងៃ​ក្តី​ ។ ទោះបី​បំណុល​មិនមែន​ជា​រឿង​អាក្រក​ហើយ​គ្មាន​ន​ណា​គេច​ផុត​ពី​បំណុល​ដើម្បី​បាន​លុយ​មក​រកស៊ី ​និង​ទ្រទ្រង់​ការ​រស់នៅ​ក្តី ប៉ុន្តែ​បើ​ខ្ចី​លុយ​គេ​ច្រើន​ពេក ហួស​ពី​លទ្ធភាព ខ្ចី​លុយ​គេ​មក​ប្រើ​ខុស​ពី​ទិស​ដៅ​នោះ​គ្រប់​គ្នា​នឹង​មាន​បំណុល​វណ្ឌ​កបាន ​។

Picture

សារព័ត៌មាន​អន​ឡាញ «​លុយ» សូម​ដកស្រង់​វិធីសាស្ត្រ​កាត់​បន្ថយ​បំណុល​វណ្ឌ​ក​របស់​គម្រោង ​តោះ​និយាយ​ពី​លុយ របស់​ធន​គារ​ជាតិ​នៃកម្ពុជា មក​ជម្រាប​ជូន​លោក​អ្នក​ដើម្បី​សិក្សា​ទាំងអស់​គ្នា ធ្វើ​យ៉ាងណា​បង្ការ​កុំ​ឲ្យ​ធ្លាក់ខ្លួន​ជា​ជន​រង​គ្រោះ​ដោយ​បំណុល​វណ្ឌ​ក​នោះ ​។ តាម​ស្ថាប័ន​ជំនាញការ​ដោះស្រាយ​ ឬ​កាត់​បន្ថយ​វណ្ឌ​ក​នោះ មាន​ ៥​ វិធីសាស្ត្រ​ ។

Picture

វិធី​សា​ស្ត្រី​ទី ​១ ជាដំបូង សូម​លោក​អ្នក​គណនា​បំណុល​សរុប និង​ការ​ប្រាក់​សរុប​ប្រចាំខែ ​។ វា​សំខាន់​ណាស់ ដែល​បង​ត្រូវ​បូក​សរុប​អ្វី​ដែល​បង​ជំពាក់​ទាំងអស់ ទាំង​ពី​ម្ចាស់បំណុល​ផ្លូវការ និង​ក្រៅផ្លូវការ ដើម្បី​បង​ដឹង​ឲ្យ​ច្បាស់​ថា បំណុល​បង​នៅ​ក្នុង​កម្រិត​ណា ​។ គណនា​មើល​ថា តើ​បង​ខ្វះ​លុយ​ប៉ុន្មាន​ដើម្បី​សងបំណុល​ក្នុង​ខែ​នីមួយ​ៗ ដូច្នេះ​បងអាច​កាត់​បន្ថយ​ការ​ចំណាយ​ដើម្បី​ឲ្យ​សម​នឹង​ចំណូល ឬ​ស្វែងរក​វិធី​ថ្មី​ដើម្បី​រក​ចំណូល​បន្ថែម​ ។ វិធីសាស្ត្រ​ទី​ ២ កុំ​ខ្ចីប្រាក់​បន្ថែម ទាល់តែ​បង​សងបំណុល​បច្ចុប្បន្ន​អស់ ឬ ក្នុង​កម្រិត​ដែល​អាច​គ្រប់គ្រង​បាន ​។ បង​មិន​ត្រូវ​ខ្ចី​លុយ​បន្ថែម​ទៀត​ទេ ប្រ​សិន​បង​មិន​អាច​គ្រប់គ្រង​បំណុល​បច្ចុប្បន្ន​បាន​។ វា​សំខាន់​ណាស់ ប្រសិនបើ​បង​សម្រេចចិត្ត​បូក​បញ្ចូល​បំណុលរ​បស់បង​ឲ្យ​ទៅ​ជា​បំណុល​តែ​មួយ គឺ​បង​មិន​ត្រូវ​បន្ថែម​កម្រិត​បំណុលរ​បស់បង​ទេ ​។ អូ​ ! កុំ​ភ្លេច​សាកសួរ តើ​អ្នក​ផ្តល់​សេវា​ហិរញ្ញវត្ថុរ​បស់បង​អនុញ្ញាត​ឲ្យ​បង​សង​ប្រាក់​មុន​កំណត់​ដែល​ទេ ​។

Picture

ចំណែក វិធីសាស្ត្រ​ទី ​៣ បង​ត្រូវ​តែ​គោរព​តាម​ផែនការ​ថវិកា និង​ពិនិត្យ​មើល​ឡើង​វិញ​រាល់​ស​ប្តា​ហ៍​ដើម្បី​ធានា​ថា បង​កំពុង​តែ​អនុវត្ត​តាម​ផែនការ​នោះ ​។ វិធីសាស្ត្រ​ទី ​៤ ប្រើប្រាស់​លុយ​ដែល​បង​ទទួល​បាន​ដោយ​មិន​បាន​រំពឹង​ទុក​មុន​ដើម្បី​សង ឬ​កាត់​បន្ថយ​បំណុលរ​បស់បង និងវិធីសាស្ត្រ​ទី​ ៥ នៅ​ពេល​ដែល​បង​បាន​សងបំណុល​មួយ​អស់ហើយ បង​គួរតែ​យក​ប្រាក់ សម្រាប់​សង​នោះ​ទៅ​ទូទាត់​សងបំណុល​ដែល​នៅ​សល់​ផ្សេង​ទៀត ​៕