ដឹកគ្រឿងញៀ.នឆ្លងដែនទៅវៀតណាម ជិត២០គីឡូក្រាម ចាប់ខ្លួនជនសង្ស័យ ២នាក់
ខេត្តស្វាយរៀង ៖ ជនសង្ស័យ ជាមុខសញ្ញាជួញដូរ ដឹកជញ្ជូនគ្រឿងញៀនឆ្លងដែន ចំនួន០២នាក់ (ជនជាតិវៀតណាម០១នាក់) រួមជាមួយវត្ថុតាងថ្នាំញៀន ចំនួន ១៩គីឡូក្រាម…
ខេត្តស្វាយរៀង ៖ ជនសង្ស័យ ជាមុខសញ្ញាជួញដូរ ដឹកជញ្ជូនគ្រឿងញៀនឆ្លងដែន ចំនួន០២នាក់ (ជនជាតិវៀតណាម០១នាក់) រួមជាមួយវត្ថុតាងថ្នាំញៀន ចំនួន ១៩គីឡូក្រាម…
ខេត្តស្វាយរៀង ៖ ជនសង្ស័យ ជាមុខសញ្ញាជួញដូរ ដឹកជញ្ជូនគ្រឿងញៀនឆ្លងដែន ចំនួន០២នាក់ (ជនជាតិវៀតណាម០១នាក់) រួមជាមួយវត្ថុតាងថ្នាំញៀន ចំនួន ១៩គីឡូក្រាម និង៤៨៨ក្រាម និងអាវុធខ្លី K54 ចំនួន០១ដើម ត្រូវបានកម្លាំងជំនាញផែនការងារប្រឆាំងគ្រឿងញៀន នៃស្នងការដ្ឋាននគរបាលខេត្តស្វាយរៀង បញ្ជូនទៅកាន់សាលាដំបូងខេត្ត ដើម្បីចាត់ការបន្តតាមច្បាប់ នៅព្រឹកថ្ងៃទី១៨ ខែតុលា ឆ្នាំ២០២១នេះ ។
ករណីបង្ក្រាបបទល្មើសគ្រឿងញៀនឆ្លងដែននេះធ្វើឡើងកាលពីវេលាម៉ោង១៩និង៣០នាទីថ្ងៃទី១៣ ខែតុលា ឆ្នាំ២០២១ នៅចំណុចផ្លូវបេតុង ស្ថិតក្នុងភូមិតាបិប សង្កាត់បាវិត ក្រុងបាវិត ខេត្តស្វាយរៀង ដោយបានឃាត់ខ្លួនជនសង្ស័យចំនួន០២នាក់ ។
សមត្ថកិច្ចបានអោយដឹងថា ជនសង្ស័យទាំង០២នាក់ រួមមាន ទី១. ឈ្មោះ ឡេ វ៉ាន់ថ អាយុ១៨ឆ្នាំ ភេទប្រុស ជនជាតិវៀតណាម មុខរបរជាងឈើ រស់នៅភូមិដើមស្លែង សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ (ជាអ្នកដឹកជញ្ជូនគ្រឿងញៀន ពីរាជធានីភ្នំពេញ ឆ្លងដែនទៅកាន់ប្រទេសវៀតណាម) ។
និងទី២. ឈ្មោះ វ៉ាន់ សុផា អាយុ២០ឆ្នាំ ភេទប្រុស ជនជាតិខ្មែរ មុខរបរជាងឈើ រស់នៅភូមិដើមស្លែង សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ (ជាអ្នកដឹកជញ្ជូនគ្រឿងញៀនពីរាជធានីភ្នំពេញ ឆ្លងដែនទៅកាន់ប្រទេសវៀតណាម)។
សមត្ថកិច្ចបានបន្តថា ក្នុងប្រតិបត្តិការចុះបង្ក្រាបករណីគ្រឿងញៀននេះ កម្លាំងជំនាញបានចាប់យកវត្ថុតាងរួមមាន ៖ ថ្នាំញៀន ប្រភេទហេរ៉ូអ៊ីន ទម្ងន់ ៣,៥០២ក្រាម និងថ្នាំញៀនប្រភេទមេតំហ្វេតាមីនទម្ងន់ ២,៩៨៦ក្រាម ។ ថ្នាំញៀនប្រភេទកេតាមីន ទម្ងន់ ១៣,០០០ក្រាម (សរុបទម្ងន់ ១៩.៤៨៨គីឡូក្រាម) អាវុធខ្លីធុន K54 ចំនួន០១ដើម បង់០១, គ្រាប់ចំនួន ០៨គ្រាប់ ម៉ូតូ០១គ្រឿង និងកាបូបធំ សម្រាប់ដាក់គ្រឿងញៀនចំនួន០១ ។
បច្ចុប្បន្នជនសង្ស័យ រួមជាមួយវត្ថុតាង ត្រូវបានកម្លាំងជំនាញបញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ