បើកវាំងននខ្មៅ! សឿ សុធារ៉ា ចេញមុខសុំទោសនាង ខ្ញុង រឿងលុយតុងទីន
- ភ្នំពេញ
រាជធានីភ្នំពេញ៖ នៅទីបំផុត តារាសំដែង អ្នកនាង សឿ សុធារ៉ា បានចេញមុខសុំទោសជាសាធារណៈចំពោះនាង ស្រេង សុកាន់ដា ហៅ…
រាជធានីភ្នំពេញ៖ នៅទីបំផុត តារាសំដែង អ្នកនាង សឿ សុធារ៉ា បានចេញមុខសុំទោសជាសាធារណៈចំពោះនាង ស្រេង សុកាន់ដា ហៅ ខ្ញុង បន្ទាប់ពីបានចោទតារាកំប្លែងរូបនេះ រឿងជំពាក់លុយតុងទីន មិនព្រមសង។
ការចេញមុខសុំទោសពីអ្នកនាង សឿ សុធារ៉ា នាពេលនេះ បានធ្វើឡើង បន្ទាប់ពីអ្នកនាង ខ្ញុង បានកើតទុក្ខមិនសុខចិត្ត ចំពោះការបង្ហោះសារតាមហ្វេសប៊ុករបស់អ្នកនាង សឿ សុធារ៉ា ថា ខ្លួនជំពាក់លុយតុងទីន មិនព្រមសង។
អ្នកនាង ខ្ញុង និងអតីតតារាកំប្លែងនាង ក្អយ ក៏បានព្រមានថា នឹងរួមដៃគ្នា ប្តឹងតបតាមផ្លូវច្បាប់លើអ្នកនាង សឿ សុធារ៉ា វិញ ត្បិតអ្នកទាំងពីរ បានអះអាងថា ខ្លួនមិនមែនអ្នកខុសទេ ត្បិតអ្វីៗ បានដោះស្រាយរួចទៅហើយ។
យ៉ាងណាក៏ដោយ នៅថ្ងៃទី១១ ខែតុលានេះ អ្នកនាង សឿ សុធារ៉ា បានចេញមុខមកសុំទោសអ្នកនាង ខ្ញុង វិញ ដោយចាត់ទុកថា អ្វីដែលនាងបានបង្ហោះនាពេលនោះ គឺជាការភាន់ច្រឡំ។
ជាមួយលិខិតកិច្ចសន្យាទូទាត់បំណុលផ្តាច់ អ្នកនាង សឿ សុធារ៉ា បានភ្ជាប់សារថា សូមជំរាបសួរដល់បងប្អូនទាំងអស់ថា កាលពីថ្ងៃទី៦តុលា នាងបានផុសហ្វេសប៊ុក និយាយអំពីការលេងតុងទីន ជាមួយអ្នកនាង ស្រេង សុកាន់ដា (ហៅ ស្រីញ៉ុង) អោយបងប្អូន បានឃើញទាំងអស់គ្នា។ នាង សឿ សុធារ៉ា សូមជម្រាបថា គាត់បានទូទាត់អោយនាង ដើម្បីបញ្ចប់រឿង តាំងពីថ្ងៃទី២៤ ខែកញ្ញា ឆ្នាំ២០២១ រួចរាល់អស់ហើយ។
នាងបញ្ជាក់ថា ការដែលនាង ផុសឯកសារគាត់ជំពាក់លុយរឿងតុងទីននេះ គឺជាការធ្វេសប្រហែស យល់ច្រលំថ្ងៃខែរបស់នាងទេ។ ដូច្នេះនាង សូមចេញឯកសារជាផ្លូវការនេះ ដើម្បីជាការសុំអភ័យទោសដល់បងប្អូនទាំងអស់គ្នា ជាពិសេស គឺសុំអភ័យទោសអ្នកនាង ស្រេង សុកាន់ដា (ហៅ ស្រីញ៉ុង) ដែលនាង សឿ សុធារ៉ា បានធ្វើការមិនច្បាស់ជាមួយគាត់ ហើយធ្វើអោយបងប្អូន យល់ច្រលំដល់គាត់។
យ៉ាងណាក៏ដោយ នៅពេលនេះ គេមិនទាន់ដឹងថា ការបង្ហោះសារសុំទោសរបស់អ្នកនាង សឿ សុធារ៉ា ខាងលើនេះ អាចធ្វើឲ្យអ្នកនាង ខ្ញុង ស្ងប់ចិត្ត ឬទេ? សូមរង់ចាំតាមដានបន្តទៀត លើរឿងរ៉ាវតុងទីនរបស់តារាសំដែង៕ សុខ វាសនា
ចែករំលែកព័តមាននេះ