ADផ្ទាំងផ្សព្វផ្សាយពាណិជ្ជកម្ម

Picture

ក្រុង​ហូ​ជី​មិ​ញ​លុប​ចោលការ​បិទ​ខ្ទប់​ ​ពលរដ្ឋ​ចេញ​ដើរ​ពពាក់ពពូន

1 ខែ មុន

ប្រទេស​វៀតណាម ​កាលពី​ថ្ងៃ​ទី​១ ខែ​​តុលា ឆ្នាំ​២០២១ បាន​លុប​ចោល​វិញ​ការ​បិទ​ខ្ទប់ ក្រុង​ហូ​ជី​មិ​ញ​ ដែល​មាន​ប្រជាជន​៩​លាន​នាក់​ហាម​ពលរដ្ឋ​មិន​ឲ្យ​ចេញពីផ្ទះ ដើម្បី​

ប្រទេស​វៀតណាម ៖ ប្រទេស​វៀតណាម ​កាលពី​ថ្ងៃ​ទី​១ ខែ​​តុលា ឆ្នាំ​២០២១ បាន​លុប​ចោល​វិញ​ការ​បិទ​ខ្ទប់ ក្រុង​ហូ​ជី​មិ​ញ​ ដែល​មាន​ប្រជាជន​៩​លាន​នាក់​ហាម​ពលរដ្ឋ​មិន​ឲ្យ​ចេញពីផ្ទះ ដើម្បី​ទប់ស្កាត់​ការ​ឆ្លង​រាលដាល​នៃ​វីរុស​កូ​វី​ដ​-១៩​។ ទីក្រុង​នោះ​ជា​បេះដូង​សេដ្ឋកិច្ច​របស់​វៀតណាម ​ដែល​ក្នុង​ពេល​បិទ​ខ្ទប់ បណ្ដា​សកម្មភាព​សេដ្ឋកិច្ច ត្រូវ​កាត់​បន្ថយ​ខ្លាំង​បំផុត​អស់​ពេល​៣​ខែ​។

ដើម្បី​ទប់ស្កាត់​រលក​នៃ​ការ​ឆ្លង​កូ​វី​ដ​-១៩ ដែល​ឆ្លង​រាលដាល​ដ៏​រហ័ស ហើយ​វាយប្រហារ​ ជា​ពិសេស​ភាគ​ខាងត្បូង​ប្រទេស ប្រជាជន​ក្រុង​ហូ​ជី​មិ​ញ ​មិន​អាច​ចាក​ចេញពីផ្ទះ​ ទោះបី​ទៅ​រក​ស្បៀង ​ហើយ​ការ​ចេញចូល​ទីក្រុង​នោះ​ស្ទើរតែ​ផ្អាក​ទាំងស្រុង​។ ទីក្រុង​ហូ​ជី​មិ​ញ​ តំណាង​ឲ្យ​ជិត​ពាក់កណ្ដាល នៃ​ចំនួន​អ្នក​ឆ្លង​សរុប​ក្នុង​ប្រទេស​ប្រមាណ​ជាង​៧៩០.០០០​នាក់​មក​ទល់​ថ្ងៃនេះ​ និង​តំណាង​ឲ្យ ៣​ភាគ​៤​នៃ​ចំនួន​អ្នក​ស្លា៖ប់​សរុប​ដោយ​កូ​វី​ដ​ក្នុង​ប្រទេស​។

នា​ថ្ងៃ​ទី​១ ខែ​តុលា​ ឆ្នាំ២០២១នេះ កង​ទាហាន​ចាប់ផ្ដើម​ដក​ចេញ​បណ្ដា​បា​រ៉ា​ស់រាំង​ផ្លូវ ហើយ​លុប​បំបាត់​ចោល​ចំណុច​ត្រួតពិនិត្យ​ជា​ច្រើន​​រយ​កន្លែង ដែល​រាំង​មិន​ឲ្យ​មានការ​ចេញចូល​ឆ្លងកាត់​ពី​សង្កាត់​មួយ​ទៅ​សង្កាត់​មួយទៀត នៃ​ក្រុង​ហូ​ជី​មិ​ញ​។ ចំណែក​ហាង​ទី​និ​ញ ​និង​ផ្សារ​ទំនើប​នានា ក៏​អនុញ្ញាត​ឲ្យ​បើក​វិញ​ដែរ ជាមួយ​ការ​ប្រុង​ប្រយ័ត្ន​ការពារ​ការ​ឆ្លង​៕ ដកស្រង់​ចេញពី​វេ​ប​សាយ ៖ yahoo

Picture
Picture
Picture
Picture