រាជធានីភ្នំពេញ ៖ លោក ឃុន ណូ អ្នកកាន់កាមេរ៉ាទូរទស្សន៍ CTN និង MyTV បានទទួលមរណភាពហើយកាលពីវេលាម៉ោងប្រមាណជា៤ទៀបភ្លឺថ្ងៃទី២៤ ខែកុម្ភៈ ឆ្នាំ២០១៦នេះ នៅមន្ទីរពេទ្យរុស្ស៊ី ទីដែលលោកបានចូលសម្រាកព្យាបាលនិងរកឃើញថាកើតជំងឺផ្តាសាយជ្រូក(H1N1)កាលពីថ្ងៃទី២០កុម្ភៈ។
បើតាមមន្ត្រីសុខាភិបាល លោក ឃុន ណូ ជាមនុស្សដំបូងគេដែលកើតជំងឺផ្តាសាយជ្រូក (H1N1)និងស្លាប់នៅក្នុងប្រទេសកម្ពុជា ។
ការបាត់បង់លោក ឃុន ណូ គឺជាការបាត់បង់ធនធានមនុស្សដ៍សំខាន់មួយរូបនៅក្នុងប្រព័ន្ឋផ្សព្វផ្សាយកម្ពុជា ដែលកោះសន្តិភាពសូមចូលរួមរំលែកទុក្ខជាមួយក្រុមគ្រួសារសព និងសូមអំពាវនាវដល់អ្នកសារព័ត៌មានទាំងអស់ ក៍ដូចជាសប្បុរសជននានា ជួយឧបត្តម្ភតាមសទ្ឋា ព្រោះក្រុមគ្រួសារសពមានជីវភាពក្រីក្រនិងភរិយាសពកំពុងពរពោះជិតគ្រប់ខែផងដែរ។
សពលោក ឃុន ណូ ត្រូវបានក្រុមគ្រួសារយកទៅធ្វើបុណ្យនៅស្រុកកំណើត ឯស្រុកត្រាំកក់ ខេត្តតាកែវ ។ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ ឧបត្ថម្ភគ្រួសារសព ៥០ដុល្លារ និង លោក ម៉ម វ៉ាន អ្នកសារព័ត៌មានកោះសន្តិភាពចូលឧបត្ថម្ភ ១៨ដុល្លារ ។
ចែករំលែកព័តមាននេះ