ប៉ៃលិន ទទួលស្បែកជើង ២០០គូ ខណៈភ្លៀងខ្លាំង នៅថ្ងៃអាទិត្យនេះ តែមិនទាន់ក្លាយជាជំនន់ធ្ងន់ធ្ងរទេ
- ប៉ៃលិន
ខេត្តប៉ៃលិន៖ នៅថ្ងៃអាទិត្យ ទី១៩ ខែកញ្ញានេះ ខេត្តប៉ៃលិន បានទទួលស្បែកជើង សម្រាប់ប្រើក្នុងទឹក ចំនួន ២០០គូ។ ស្បែកទាំងនេះ…
ខេត្តប៉ៃលិន៖ នៅថ្ងៃអាទិត្យ ទី១៩ ខែកញ្ញានេះ ខេត្តប៉ៃលិន បានទទួលស្បែកជើង សម្រាប់ប្រើក្នុងទឹក ចំនួន ២០០គូ។ ស្បែកទាំងនេះ ជាអំណោយដ៏ខ្ពង់ខ្ពស់របស់លោកឧត្តមសេនីយ៍ឯក ហ៊ុន ម៉ាណែត និងលោកស្រី ពេជ ចន្ទមុន្នី។ ស្បែកជើងទាំងនោះ ត្រូវបានលោក ប៉ាន់ខែម ប៊ុនថន យកទៅប្រគល់ជូនលោកស្រី បាន ស្រីមុំ អភិបាលខេត្តប៉ៃលិន នាថ្ងៃទី១៩ ខែកញ្ញានេះ។
ស្បែកទាំង ២០០គូនេះ នឹងត្រូវចែកជូនដល់ក្រុមការងារ ត្រៀមលក្ខណៈម្ចាស់ការ ចុះជួយសង្គ្រោះប្រជាពលរដ្ឋ ពេលស្ថានភាពមូលដ្ឋាន ទទួលរងគ្រោះធម្មជាតិទឹកជំនន់ ដោយទឹកភ្លៀង។
លោក ប៉ាន់ខែម ប៊ុនថន តំណាងលោក ហ៊ុន ម៉ាណែត បានបញ្ជាក់ថា នេះជាការផ្តល់ជូនរដ្ឋបាលខេត្តប៉ៃលិន ដើម្បីជាការត្រៀម ក្នុងពេលមានគ្រោះធម្មជាតិទឹកជំនន់ ក្នុងខេត្តប៉ៃលិន។
លោកស្រី បាន ស្រីមុំ បានថ្លែងអំណរគុណ ចំពោះទឹកចិត្តដ៏សប្បុរសរបស់លោក ហ៊ុន ម៉ាណែត និងលោកស្រី ពេជ ចន្ទមុន្នី ដែលបានផ្តល់ជូននូវស្បែកជើងប្រើប្រាស់ ក្នុងទឹកចំនួន ២០០គូ សម្រាប់ត្រៀមលក្ខណៈ ក្នុងការចុះជួយសង្ក្រោះប្រជាពលរដ្ឋ ពេលស្ថានភាពមូលដ្ឋាន មានករណីទទួលរងគ្រោះធម្មជាតិទឹកជំនន់ នៅតាមបណ្តាក្រុង ស្រុក ក្នុងខេត្តប៉ៃលិន។
សូមបញ្ជាក់ថា នៅក្នុងខេត្តប៉ៃលិន ជិតមួយអាទិត្យនេះ មានភ្លៀងធ្លាក់ច្រើន តែមិនបណ្ដាលឱ្យលិចលង់ដំណាំកសិកម្មរបស់ប្រជាពលរដ្ឋទេ ដោយសារភ្លៀង ហើយឆាប់រាំងទៅវិញ។
នៅថ្ងៃអាទិត្យ ទី១៩ ខែកញ្ញានេះ នៅខេត្តប៉ៃលិន ភ្លៀងបានធ្លាក់ពីមធ្យម ទៅបង្គួរ ដែលមានកម្រិតទឹកពីភ្លៀងប្រមាណពី ៣០ ទៅ ៤៥ ម.ម។ ផ្ទះបងប្អូនប្រជាពលរដ្ឋ ប្រមាណ ៥ខ្នងផ្ទះ និងផ្លូវមួយចំនួន ក្នុងសង្កាត់បរយ៉ាខា ត្រូវបានទឹកភ្លៀងជន់ចូលរយៈពេលខ្លី។ មូលហេតុចម្បងនោះ គឺបងប្អូនប្រជាពលរដ្ឋមួយចំនួន បានចាក់ដីលុបប្រឡាយ ដោះទឹកតាមផ្លូវ ធ្វើឲ្យទឹកហូរចូលស្ទឹង មិនទាន់។ ចំពោះទឹកស្ទឹង ពុំទាន់ឡើងខ្លាំង នៅឡើយទេ។ នេះបើតាមក្រសួងធនធានទឹក និងឧតុនិយម៕ នីយ៉ា
ចែករំលែកព័តមាននេះ