រាជធានីភ្នំពេញ ៖បុរសពីរនាក់ជិះម៉ូតូឌុបគ្នាចេញពីកន្លែងញុាំអី ត្រូវក្រុមចោរប្លន់ប្រដាប់អាវុធបួននាក់បានធ្វើសកម្មភាពភ្ជង់ប្លន់យកម៉ូតូមួយគ្រឿងបានសម្រេចនៅជាប់របងវិទ្យាល័យ ព្រះស៊ីសុវត្ថិ តាមបណ្តោយផ្លូវលេខ១៨៤ ក្នុងសង្កាត់ផ្សារថ្មី៣ ខណ្ឌដូនពេញ ហើយគេចខ្លួនដោយសុវត្ថិភាព ។
រាជធានីភ្នំពេញ ៖បុរសពីរនាក់ជិះម៉ូតូឌុបគ្នាចេញពីកន្លែងញុាំអី ត្រូវក្រុមចោរប្លន់ប្រដាប់អាវុធបួននាក់បានធ្វើសកម្មភាពភ្ជង់ប្លន់យកម៉ូតូមួយគ្រឿងបានសម្រេចនៅជាប់របងវិទ្យាល័យ ព្រះស៊ីសុវត្ថិ តាមបណ្តោយផ្លូវលេខ១៨៤ ក្នុងសង្កាត់ផ្សារថ្មី៣ ខណ្ឌដូនពេញ ហើយគេចខ្លួនដោយសុវត្ថិភាព ។
បើតាមសម្តីរបស់ម្ចាស់ម៉ូតូរងគ្រោះឈ្មោះ គង់ សុភក្ត្រា អាយុ២៩ឆ្នាំ និងម្នាក់ទៀតឈ្មោះ ឡេង សេងហុង ជិះខាងក្រោយជាមិត្តភក្តិ បាននិយាយប្រាប់ថា មុនពេលកើតហេតុ ពួកគាត់បានជិះម៉ូតូចេញពីធ្វើការងារនៅផ្សារទំនើបអ៊ីអនហើយឆ្ពោះទៅញ៉ាំបាយ នៅម្ដុំក្រោយវាំង ពេលពួកគាត់ញ៉ាំបាយរួចហើយក៏ជិះម៉ូតូគ្រឿងម៉ាក Zoomer X ពណ៌ ខ្មៅ ពាក់ស្លាកលេខ ភ្នំពេញ 1FJ-1190 ឌុបគ្នាធ្វើដំណើរតាមបណ្តោយផ្លូវលេខ១៨៤ ក្បែរ របងវិទ្យាល័យ ព្រះស៊ីសុវត្ថិ ក៏ស្រាប់តែលេចមុខជនសង្ស័យបួននាក់បានជិះម៉ូតូពីគ្រឿង បានដេញជិះតាមពួកគាត់(ជនរងគ្រោះ) ពីក្រោយរហូត ធ្វើអោយពួកគេជាជនរងគ្រោះព្យាយាមជិះម៉ូតូគេចដែលតែមកវាក់អើនឹងរថយន្តដែលបើកពីមុខ ធ្វើអោយឲ្យជនល្មើសមានឳកាសដេញទាន់ រួចជនល្មើសពីរនាក់ដែលជិះម៉ូតូម៉ាកហុងដាឌ្រឹមសេ១១០ ក៏ដកកាំភ្លើងចេញមកភ្ជង់អោយពួកគេ( ជនរងគ្រោះ) អោយឈប់ម៉ូតូ ហើយបក្ខពួកជនសង្ស័យក៏ទាញដំបង វាយឈ្មោះ ឡេង សេងហុង ដែលជិះខាងក្រោយត្រូវមួយដំបងរងរបួសទៀត ។
ដោយឃើញហេតុការបែបនេះ ពួកគេភ័យស្លន់ស្លោពេកក៏ផ្ដួលម៉ូតូឲ្យជនល្មើសតែម្ដងទៅ ហើយជនល្មើសជិះទៅបាត់ស្រមោលតែម្តង ។ ក្រោយកើតហេតុជនរងគ្រោះបានត្រឹមតែនាំគ្នាដាក់ពាក្យបណ្ដឹងនៅប៉ុស្ដិ៍នគរបាលផ្សារថ្មី៣ តែប៉ុណ្ណោះ ព្រោះថាគាត់គ្មានសង្ឃឹមនិងបានម៉ូតូនោះឡើយ ៕
ចែករំលែកព័តមាននេះ