តារាចម្រៀងអ្នកនាង ម៉េង កែវពេជ្ជតា បានសម្តែងការមិនពេញចិត្តចំពោះម្ចាស់ឆាណែលយូធូប ដែលបានយកបទចម្រៀងរបស់នាងអោយតារាចម្រៀងថ្មូៗច្រៀងឡើងវិញ (Cover) តែមិនបានដាក់ឈ្មោះអោយចំ
រាជធានីភ្នំពេញ ៖ តារាចម្រៀងអ្នកនាង ម៉េង កែវពេជ្ជតា បានសម្តែងការមិនពេញចិត្តចំពោះម្ចាស់ឆាណែលយូធូប ដែលបានយកបទចម្រៀងរបស់នាងអោយតារាចម្រៀងថ្មូៗច្រៀងឡើងវិញ (Cover) តែមិនបានដាក់ឈ្មោះអោយចំម្ចាស់ដើម។ បទ «ជំនោរដើមខែ» ដែលជាបទដើមរបស់អ្នកចម្រៀងអ្នកស្រី ម៉ម សុខា តែត្រូវបានអ្នកនាង ម៉េង កែវពេជ្ជតា បានយកមកកែសម្រួលថ្មី ខ្លះទាំងទំនុកច្រៀង និងការច្រៀងពីអ្នកនាងផ្ទាល់។
ដោយសារបទនេះ មានភាពល្បីល្បាញបានធ្វើអោយមានការលើកយកមកច្រៀងដោយសារតារាចម្រៀងនានា ហើយបង្ហោះតាមយូធូប ដោយបានប្រើប្រាស់មភាសាសរសេរដាក់ថា «មរតកដើម» ដោយមិនបានប្រើប្រាស់ឈ្មោះនាងអោយចំ។
នាថ្ងៃទី១០ កញ្ញា ឆ្នាំ២០២១នេះ អ្នកនាង ម៉េង កែវពេជ្ជតា បានចំណាយពេលសរសរសំណេរដ៏វែងថា «ជម្រាបសួរបងប្អូនទស្សនិកជន និងហ្វេនពេជ្ជតាជាទីគោព ! សួស្តីបងប្អូនខាងហ្វេនរបស់ប្អូនស្រីមុន្នល័ក្ខ ! ឃើញថា យប់មិញនេះ មានបងប្អូន ហ្វេនទាំងសងខាងជាច្រើនចូលរួមយោបល់ជុំវិញបញ្ហាការយកបទចម្រៀងខ្ញុំទៅច្រៀង ថតបង្ហោះក្នុងយូធូបធ្វើអាជីវកម្ម ដោយមិនសុំអនុញ្ញាតិ និងមិនដាក់ឈ្មោះម្ចាស់សំនៀងដើម» ។
អ្នកនាងបន្តថា «ឧទាហរណ៍ជាក់ស្តែងប្អូនស្រី បានមុន្នីល័ក្ខ ។ ក្នុងនោះមានហ្វេនខាងប្អូនស្រីចូលមកដែរ ។ ខ្លះនិយាយមានហេតុផល ខ្លះទៀតក៏និយាយខុសសាច់រឿង និងគ្មានសីលធម៌ ប៉ុន្តែខ្ញុំមិនបានប្រកាន់បងប្អូនទេ ខ្ញុំក៏មិនបានចាត់ទុកថានេះជាការឈ្លោះដើម្បីយក Like view share អ្វីដែរ ប៉ុន្តែគឺជាការជជែកគ្នាមួយដើម្បីរកភាពរីកចម្រើនក្នុងវិស័យសិល្បៈផ្នែកតន្ត្រី និងចម្រៀង និងលុបបំបាត់ការលួចចម្លង លួចយកស្នាដៃបទចម្រៀងដោយមិនមានការអនុញ្ញាតិ ឬមិនដាក់ឈ្មោះម្ចាស់សំនៀង… ដែលទង្វើរអាណាធិបតេយ្យទាំងនេះ មិនគួរបន្តអោយមានក្នុងសង្គមដ៏ថ្លៃថ្នូររបស់យើងទៀតទេ» ។
អ្នកនាងបន្តទៀតថា «ខ្ញុំសូមអរគុណ ចំពោះមតិល្អៗបង្ហាញការយល់ដឹង និងទទួលស្គាល់បំណងល្អរបស់ខ្ញុំអំពីបងប្អូនហ្វេនទាំងសងខាង ។ ចំពោះហ្វេនប្អូនស្រីមុន្នីល័ក្ខ ៖ បើបានជាអញ្ជើញចូលរួមហើយ សូមបងប្អូនមេត្តាអត់ធ្មត់សង្កត់ចិត្តបន្តិច កុំប្រើអារម្មណ៍ស្រលាញ់ពេក រហូតធ្វើអោយបាត់ហេតុផល ។ ហើយរឿងពិតដំបូង គឺមុន្នីល័ក្ខ យកបទខ្ញុំទៅច្រៀងផុសដោយមិនសុំ ហើយមិនដាក់ឈ្មោះខ្ញុំជាម្ចាស់ដើម ហើយកំហុសនេះមិនមែនលើកទីមួយទេ ។ សូមបងប្អូនកុំបង្វែរទៅជារឿងផ្សេង ។ សូមកុំប្រើពាក្យអសុរស ពាក្យមិនពីរោះ វាជាការគោរពអ្នកដទៃ និងរក្សាភាពថ្លៃថ្នូររបស់បងប្អូន» ។
អ្នកនាង ម៉េង កែវពេជ្ជតា បន្តថា បងប្អូនជាហ្វេនគាត់ត្រូវដឹងថា ការចេះតែបញ្ចើចបញ្ចើរអាយដល់មិនអោយអើពើកែប្រែនូវទង្វើរខុសឆ្គង មិនមែនជាការជួយទេ តែជាការរុញអោយមុន្នីល័ក្ខធ្លាក់ជ្រោះកាន់តែជ្រៅ ។ ពាក្យសម្តីហ្វេនខ្លះក៏អាចសម្លា.ប់ ( មុន្នីល័ក្ខ ) បានដែរ ។ ប៉ុន្តែសូមបងប្អូនប្រើអារម្មណ៍ត្រជាក់ជាអ្នកស្តាប់វិញទើបជាការប្រសើរ ព្រោះបងប្អូនមិនបានដឹងទេថា អាយដលរបស់បងប្អូន ( មុន្នីល័ក្ខ ) បានធ្វើខុសឆ្គងអ្វីខ្លះមកលើខ្ញុំកាលពីប៉ុន្មានឆ្នាំមុន តែខ្ញុំមិនបានប្រកាន់រករឿងនាង ហើយនាងបានសន្យាអ្វីខ្លះជាមួយខ្ញុំកាលពីឆ្នាំទៅ ប៉ុន្តែនាងនៅមិនទាន់បានធ្វើតាមសន្យានាងផង បែរជាមកបង្កើតកំហុសថ្មីមួយបន្ថែមទៀតនាប៉ុន្មានថ្ងៃនេះ» ។
អ្នកនាងបន្តថា «ដូច្នេះដើម្បីកុំអោយក្រុមហ្វេនមុន្នីល័ក្ខនឿយហត់អត់អំពើ សូមបងប្អូនរក្សាភាពស្ងៀមស្ងាត់ នឹងរង់ចាំមើលការបង្ហាញរបស់ខ្ញុំវិញ ។ ខ្ញុំនឹងធ្វើអោយបងប្អូនហ្វេនទាំងសងខាងបានអស់ចិត្តចំពោះរឿងនេះ ។ បើបងប្អូនពិតជាអ្នកគាំទ្រអាយដល ក៏ដូចជាគាំទ្រវិស័យចម្រៀងខ្មែរ មិនគាំទ្រទង្វើអត់ចិត្តថ្លើម ខ្វះសីលធម៌ សូមមេត្តាចូលរួមការគោរពគ្នា ដោយចិត្តមិត្តភាព និងសន្តិភាព ទើបការពិភាក្សាដោះស្រាយបានរលូនល្អ ។ ក៏សូមប្រាប់ដល់អាខោនខ្មោចរបស់ជនថោកទាបខ្លះនោះផងដែរ កុំចង់ឆ្លៀតឱកាសចំណេញលើខ្ញុំ នឹងមុន្នីល័ក្ខ បើនាងខុស ខ្ញុំជាអ្នកកាត់សេចក្តីដោយគតិ សូមអ្នកកុំអុជអាលអោយយើងមើលមុខគ្នាមិនត្រង់» ។
អ្នកនាងបន្តទៀតថា «មួយវិញទៀត ខ្ញុំសុំចិត្តបងប្អូនខាងសារព័ត៌មាន សូមបងប្អូនប្រើទស្សនៈវិស័យអោយបានវែងឆ្ងាយ គិតថាការផុសរបស់ខ្ញុំប៉ុន្មានថ្ងៃនេះ គឺក្នុងបំណងវិជ្ជមាន គោលដៅដើម្បី ” ការពារស្នាដៃ និងការពារម្ចាស់ស្នាដៃ ទាំងបទចម្រៀងមរតកដើម និងបទចម្រៀងរបស់ខ្ញុំ ” ព្រោះមិនយូរបទចម្រៀងថ្មីរបស់ខ្ញុំនឹងចេញផ្សាយ បើខ្ញុំមិនធ្វើរបងការពារជាមុនទេ ស្នាដៃខ្ញុំដែលខ្ញុំ និងក្រុមគ្រួសារខ្ញុំខំលះបង់ទាំងលុយកាក់ ទាំងកម្លាំងកាយចិត្តប្រាជ្ញានេះ នឹងត្រូវចោរលួចយកយ៉ាងស្រួលដូចជាបទចម្រៀងមុនៗមិនខាន ។ បងប្អូនខ្លះប្រាកដជាឆ្ងល់ថា ហេតុអ្វីក៏ខ្ញុំមិនចេញចម្រៀងថ្មី? ។ មិនមែនគ្មានបទថ្មី ប៉ុន្តែមកពីមូលហេតុអស់ហ្នឹង ។ ដូច្នេះក្នុងនាមខ្ញុំ គ្រួសារខ្ញុំដែលជាសិល្បករមានសមត្ថភាពគ្រប់គ្រាន់ទាំងការច្រៀង តែងនិពន្ធបទភ្លេង ទំនុកច្រៀង ប្រគំតន្ត្រី និងរាំរបាំព្រះរាជទ្រព្យ ពួកយើងក៏ចង់មានបរិយាកាសល្អ អារម្មណ៍ល្អ ទូលំទូលាយដើម្បីបង្កើតស្នាដៃជូនមនុស្សជាតិ និងប្រទេសជាតិដែរ ប៉ុន្តែយើងខ្ញុំកាន់តែមានកម្លាំងចិត្តថែមទៀត នៅពេលដែលអ្នកទាំងអស់គ្នាចេះគោរពអោយតម្លៃម្ចាស់ដើម និងកក់ក្តៅបំផុតពេលដែលដឹងថា ស្នាដៃពួកយើងត្រូវបានការពារ» ។
អ្នកនាងបន្តថា សូមមេត្តាបងប្អូនចូលរួមអនុវត្តទាំងអស់គ្នានូវការគោរពសិទ្ធិ ការផ្តល់តម្លៃដល់ម្ចាស់ស្នាដៃទាំងឡាយ ទោះគាត់នៅរស់ក្តី ឬចែកឋានហើយក្តី ព្រោះវាគឺជាការរក្សាគ្រឹះសិល្បៈអោយរឹងមាំ និងមានមូលដ្ឋានច្បាស់លាស់ជាគំរូសម្រាប់អ្នកបច្ចុប្បន្ន និងកូនចៅជំនាន់ក្រោយ ។ សូមអរគុណ ។ រឿងកំពុងកើតឡើងមួយនេះ នៅតែធ្វើអោយគេតាមដាន និងចង់ដឹងសងខាង បង្ហាញការយល់បែបណា ។ ជាពិសេសខាង កញ្ញាបាន មុនីលក្ខ័ ពេលឃើញសំណេរដែលពេជ្ជតា រៀបរាប់ដោយភាពត្រជាក់។
គួររំលឹកថា ៖ ពន្លះមិនប្រណី! ម៉េង កែវពេជ្ជតា ដាក់ចំៗលើអ្នកយកបទខ្លួនទៅច្រៀងមិនដាក់ឈ្មោះម្ចាស់ដើម ៕
ចែករំលែកព័តមាននេះ