រាជធានីភ្នំពេញ ៖ ខួរក្បាលកុមារបានត្រៀមរួចជាស្រេចដើម្បីទទួលអភិវឌ្ឍប្រាជ្ញាស្មារតីតាមរយៈញាណទាំង៥ ។ នេះបើយោងតាមប្រសាសន៍របស់លោកស្រី Anna Jacob ប្រធានគ្រប់គ្រងជាន់ខ្ពស់ផ្នែកវិទ្យាសាស្ត្រ
រាជធានីភ្នំពេញ ៖ ខួរក្បាលកុមារបានត្រៀមរួចជាស្រេចដើម្បីទទួលអភិវឌ្ឍប្រាជ្ញាស្មារតីតាមរយៈញាណទាំង៥ ។ នេះបើយោងតាមប្រសាសន៍របស់លោកស្រី Anna Jacob ប្រធានគ្រប់គ្រងជាន់ខ្ពស់ផ្នែកវិទ្យាសាស្ត្រ និងអាហារូបត្ថម្ភរបស់Abbott Nutrition Internationalធ្វើបទបង្ហាញនៅក្នុងយុទ្ធនាការផ្សព្វផ្សាយថ្មីអំពីផលិតផល
Similacរបស់ក្រុមហ៊ុន DKSH (Cambodia) ក្រោមប្រធានបទ«ជំនួយការយល់ដឹងកូនអ្នកតាមរយៈញាណទាំង៥ និងអាហារូបត្ថម្ភ» ។ សិក្ខាសាលាស្តីអំពីការអភិវឌ្ឍនៃញាណរបស់កុមារ និងអាហារូបត្ថម្ភនេះដែរបានរៀបចំធ្វើឡើងកាលពីវេលាម៉ោង៧និង៣០នាទីយប់ ថ្ងៃទី ៣០ មករា នៅសណ្ឋាគារ សុខា ភ្នំពេញ ក្រោមអធិបតីភាពកញ្ញា Sarah Lee អគ្គនាយកក្រុមហ៊ុន DKSH កម្ពុជាផ្នែកផលិតផល រួមទាំងភ្ញៀវកិត្តិយសនិងអតិថិជនរហូតដល់ជាង ៣០០នាក់បានចូលរួមផងដែរ ។
កញ្ញា Sarah Lee អគ្គនាយកក្រុមហ៊ុន DKSHកម្ពុជាផ្នែកផលិតផលមានប្រសាសន៍ថា ក្រុមហ៊ុន DKSH (Business Unit Consumer Goods)ដែលជាក្រុមហ៊ុនឈានមុខគេសម្រាប់ការផ្គត់ផ្គង់ទំនិញឧបភោគផ្តោតជាចម្បងក្នុងតំបន់អាស៊ី បានអញ្ជើញវាគ្មិនដែលមានបទពិសោធន៍ខ្ពស់មកធ្វើបទបង្ហាញស្តីអំពីអាហារូបត្ថម្ភថ្មីចុងក្រោយបង្អស់ ជារូបមន្តតាមបែបវិទ្យាសាស្ត្រដែលមានសារៈសំខាន់សម្រាប់ការអភិវឌ្ឍសរីរាង្គវិញ្ញាណរបស់កុមារ ។ រូបមន្តដ៏ល្អរបស់similacមានផ្ទុកនូវ Eye Q Plus ដែលផ្តល់នូវបណ្តុំអាហារូបត្ថម្ភសំខាន់ៗដូចជា DHA,AA,លូទីន និងកូលីនទាំងអស់នេះជួយលើកកម្ពស់ការវិវឌ្ឍខួរក្បាល ភ្នែក និងជួយបង្កើនការយល់ដឹងរបស់កុមារតាមរយៈញាណទាំង៥។
កញ្ញាមានប្រសាសន៍បន្តទៀតថា ទន្ទឹមនឹងនេះ ដើម្បីគាំទ្រដល់ការចេញផលិតផលថ្មីនេះ យើងក៏មានស្ពតពាណិជ្ជកម្មដែលបង្ហាញពីក្មេងប្រុសតូចម្នាក់កំពុងស្វែងយល់តាមរយៈការមើល និងស្តាប់ទឹកភ្លៀង ស្វែងយល់ពីការស្រមើស្រមៃដោយធ្វើត្រាប់តាមដាយណូស័រ និងការចំណាំដោយសម្លឹងមើលព្រះច័ន្ទ និងផ្កាយ ។ Similacលើកទឹកចិត្តឱ្យមាតាគ្រប់រូបជំរុញ និងលើកកម្ពស់ការសិក្សាបុត្រធីតារបស់ខ្លួនឱ្យកាន់តែល្អប្រសើរ តាមរយៈញាណទាំងប្រាំរបស់ពួកគេ ដោយការស្វែងយល់ស្រាវជ្រាវនិងសិក្សាពីបរិយាកាសជុំវិញខ្លួនពួកគេ ។
លោកស្រី Anna Jacob បានបញ្ជាក់អំពីអាហារូបត្ថម្ភ និងការអភិវឌ្ឍញាណទាំងប្រាំថា អាហារូបត្ថម្ភមានតួនាទីយ៉ាងសំខាន់ក្នុងការអភិវឌ្ឍញាណរបស់កុមារ ជាពិសេសនៅក្នុងអំឡុងពេលមួយឆ្នាំដំបូង ។ អាហារូបត្ថម្ភមិនគ្រប់គ្រាន់ ឬកង្វះអាហារូបត្ថម្ភសម្រាប់ទារកទើបនឹងកើត អាចធ្វើឱ្យការអភិវឌ្ឍខួរក្បាលចុះខ្សោយ និងប៉ះពាល់ដល់រចនាសម្ព័ន្ធ និងមុខងារខួរក្បាល ដែលបង្កជាផលវិបាកចំពោះតុល្យភាពអាហារូបត្ថម្ភនៅពេលក្រោយ ។ លោកស្រីបានថ្លែងអំពីការអភិវឌ្ឍញាណរបស់កុមារទូទៅ និងតួនាទីនៃការរំញោចញាណក្នុងការអភិវឌ្ឍការយល់ដឹងបានបញ្ជាក់ថា ខួរក្បាលមនុស្សមានការអភិវឌ្ឍចាប់ផ្តើមពី៣៦សប្តាហ៍នៃការមានគភ៌និងខ្ពស់បំផុតនៅអាយុ៦ឆ្នាំ និង៩០%នៃការអភិវឌ្ឍខួរក្បាលរបស់កុមារកើតមានឡើងនៅមុនអាយុ៥ឆ្នាំ ។
ខួរក្បាលកុមារបានត្រៀមរួចជាស្រេចដើម្បីទទួលអភិវឌ្ឍប្រាជ្ញាស្មារតីតាមរយៈញាណទាំង ប្រាំមានចក្ខុវិញ្ញាណ សោតវិញ្ញាណ ជីវ្ហាវិញ្ញាណ ឃានវិញ្ញាណ និងកាយវិញ្ញាណ ។
លោកស្រី Anna Jacob បញ្ជាក់ថា កាយវិញ្ញាណ គឺជាញាណអភិវឌ្ឍមុនគេដែលចាប់ផ្តើមនៅអាយុ៧ទៅ៨សប្តាហ៍នៃការមានគភ៌ និងជីវ្ហាវិញ្ញាណចាប់ផ្តើមអភិវឌ្ឍនៅអំឡុងត្រីមាសទី៣នៃការមានគភ៌ ហើយទារកអាចដឹងក្លិន និងស្រូបយកក្លិនអាហារដែលអ្នកម្តាយទទួលទាន។នៅអាយុ៣០ទៅ៣២សប្តាហ៍ ទារកក្នុងគភ៌អាចស្តាប់ឮសំឡេង និងតន្ត្រីបាន និងសំឡេងនិយាយរបស់អ្នកម៉ាក់ ឬលោកប៉ា គឺកក់ក្តៅបំផុតសម្រាប់ទារក និងការស្តាប់សំឡេងនេះ គឺជួយដល់ការអភិវឌ្ឍផ្នែកភាសា ។ នៅត្រឹមត្រីមាសទី៣ គភ៌អាចទទួលដឹងពន្លឺដែលភ្លឺខ្លាំង តែពេលកើតមកភ្នែកពួកគេងាយរងការប៉ះពាល់នឹងពន្លឺដែលភ្លឺខ្លាំង ដូច្នេះពួកគេអាចបើកភ្នែកក្នុងកម្រិតពន្លឺទាបប៉ុណ្ណោះ ការអភិវឌ្ឍញាណចាប់ផ្តើមតាំងពីពេលម្តាយតាំងគភ៌ដំបូងម្ល៉េះ ដើម្បីឆ្លើយតបទៅនឹងការរំញោចស្បូនរបស់ម្តាយ ៕
ចែករំលែកព័តមាននេះ