រាជធានីភ្នំពេញ ៖ ក្រុមហ៊ុន ICE អេឡិចត្រូនិច ដែលជាក្រុមហ៊ុនលក់ផលិតផលអេឡិចត្រូនិច និជាក្រុមហ៊ុនផ្ដល់ដំណោះស្រាយផ្នែកបច្ចេកវិទ្យាដ៏ធំ និងឈានមុខគេនៅក្នុងព្រះរាជាណាចក្រកម្ពុជា បានទទួលស្វាគមន៍និស្សិតមកពីសាកលវិទ្យាល័យន័រតុនជាច្រើននាក់ ដើម្បីសិក្សាស្វែងយល់បន្ថែមពីផលិតផលអេឡិចត្រូនិច និងបច្ចេកវិទ្យាទំនើប ហើយនឹងការបម្រើសេវាកម្មរបស់ខ្លួន ។ ការចុះសិក្សាស្វែងយល់របស់និស្សិតទាំងនេះ ធ្វើឡើងកាលពីរសៀលថ្ងៃទី១៨ មករា ២០១៦ នៅក្រុមហ៊ុន ICE Electronic សាខាអូឡាំពិក។
នៅក្នុងកម្មវិធីនេះដែរ តំណាងក្រុមហ៊ុន ICE Electronic បានធ្វើបទបង្ហាញពីផលិតផល និងសេវាកម្មជាច្រើន ។ ជាមួយនឹងដំណើរទស្សនកិច្ចសិក្សាស្វែងយល់ចំណេះដឹងបន្ថែមដល់និស្សិតទាំងអស់នៅក្នុងនោះដែរ ក្រុមហ៊ុនក៏បានប្រកាសផ្ដល់នូវកាដូពិសេសជូននិស្សិតទាំងអស់ ក៏ដូចជាអតិថិជនទាំងអស់ផងដែរ ជាមួយនឹងការចំណាយត្រឹមតែ១ដុល្លារប៉ុណ្ណោះ នឹងទទួលបានផលិតផលអេឡិចត្រូនិចជាច្រើនប្រភេទ ។
សម្រាប់កាដូពិសេសនេះ នឹងធ្វើឡើងនៅក្រុមហ៊ុន ICE Electronic សាខាអូឡាំពិកតែមួយប៉ុណ្ណោះ ចាប់ពីថ្ងៃទី១៨ ដល់ថ្ងៃទី៣១ មករា ២០១៦ នេះ ដោយមានដាក់តាំងលក់នូវឧបករណ៍សម្រាប់ប្រើប្រាស់ជាមួយនឹងម៉ាស៊ីនកុំព្យូរទ័រជាច្រើនប្រភេទ រួមមានកាបូបសម្រាប់ដាក់កុំព្យូទ័រ ឧបករណ៍បំពងសម្លេង, Mouse និង External Hardisk ជាដើម ៕
ចែករំលែកព័តមាននេះ